ಸರಯು ಸ್ತೋತ್ರ

|| ಸರಯು ಸ್ತೋತ್ರ ||

ತೇಽನ್ತಃ ಸತ್ತ್ವಮುದಂಚಯಂತಿ ರಚಯಂತ್ಯಾನಂದಸಾಂದ್ರೋದಯಂ
ದೌರ್ಭಾಗ್ಯಂ ದಲಯಂತಿ ನಿಶ್ಚಲಪದಃ ಸಂಭುಂಜತೇ ಸಂಪದಃ.

ಶಯ್ಯೋತ್ಥಾಯಮದಭ್ರಭಕ್ತಿಭರಿತಶ್ರದ್ಧಾವಿಶುದ್ಧಾಶಯಾ
ಮಾತಃ ಪಾತಕಪಾತಕರ್ತ್ರಿ ಸರಯು ತ್ವಾಂ ಯೇ ಭಜಂತ್ಯಾದರಾತ

ಕಿಂ ನಾಗೇಶಶಿರೋವತಂಸಿತಶಶಿಜ್ಯೋತ್ಸ್ನಾಛಟಾ ಸಂಚಿತಾ
ಕಿಂ ವಾ ವ್ಯಾಧಿಶಮಾಯ ಭೂಮಿವಲಯಂ ಪೀಯೂಷಧಾರಾಽಽಗತಾ.

ಉತ್ಫುಲ್ಲಾಮಲಪುಂಡರೀಕಪಟಲೀಸೌಂದರ್ಯ ಸರ್ವಂಕಷಾ
ಮಾತಸ್ತಾವಕವಾರಿಪೂರಸರಣಿಃ ಸ್ನಾನಾಯ ಮೇ ಜಾಯತಾಂ.

ಅಶ್ರಾಂತಂ ತವ ಸನ್ನಿಧೌ ನಿವಸತಃ ಕೂಲೇಷು ವಿಶ್ರಾಮ್ಯತಃ
ಪಾನೀಯಂ ಪಿಬತಃ ಕ್ರಿಯಾಂ ಕಲಯತಸ್ತತ್ತ್ವಂ ಪರಂ ಧ್ಯಾಯತಃ.

ಉದ್ಯತ್ಪ್ರೇಮತರಂಗಂಭಗುರದೃಶಾ ವೀಚಿಚ್ಛಟಾಂ ಪಶ್ಯತೋ
ದೀನತ್ರಾಣಪರೇ ಮಮೇದಮಯತಾಂ ವಾಸಿಷ್ಠಿ ಶಿಷ್ಟಂ ವಯಃ.

ಗಂಗಾ ತಿಷ್ಯವಿಚಾಲಿತಾ ರವಿಸುತಾ ಕೃಷ್ಣಪ್ರಭಾವಾಶ್ರಿತಾ
ಕ್ಷುದ್ರಾ ಗೋಮತಿಕಾ ಪರಾಸ್ತು ಸರಿತಃ ಪ್ರಾಯೋಯಮಾಶಾಂ ಗತಾಃ.

ತ್ವಂ ತ್ವಾಕಲ್ಪನಿವೇಶಭಾಸುರಕಲಾ ಪೂರ್ಣೇಂದುಬಿಂಬೋಜ್ಜ್ವಲಾ
ಸೌಮ್ಯಾಂ ಸಂಸ್ಥಿತಿಮಾತನೋಷಿ ಜಗತಾಂ ಸೌಭಾಗ್ಯಸಂಪತ್ತಯ.

ಮಜ್ಜನ್ನಾಕನಿತಂಬಿನೀ-ಸ್ತನತಟಾಭೋಗಸ್ಖಲತ್ಕುಂಕುಮ-
ಕ್ಷೋದಾಮೋದಪರಂಪರಾಪರಿಮಿಲತ್ಕಲ್ಲೋಲಮಾಲಾವೃತೇ.

ಮಾತರ್ಬ್ರಹ್ಮಕಮಂಡಲೂದಕಲಸತ್ಸನ್ಮಾನಸೋಲ್ಲಾಸಿನಿ
ತ್ವದ್ವಾರಾಂ ನಿಚಯೇನ ಮಾಮಕಮಲಸ್ತೋಮೋಽಯಮುನ್ಮೂಲ್ಯತಾಂ.

ಇಷ್ಟಾನ್ ಭೋಗಾನ್ ಘಟಯಿತುಮಿವಾಗಾಧಲಕ್ಷ್ಮೀ ಪರಾರ್ಧ್ಯಾ
ವಾತಾರಬ್ಧಸ್ಫುರಿತಲಹರೀಹಸ್ತಮಾವರ್ತಯಂತೀ.

ಗಂಧದ್ರವ್ಯಚ್ಛುರಣವಿಕಸದ್ವಾರಿವಾಸೋ ವಸಾನಾ
ಸಾ ನಃ ಶೀಘ್ರಂ ಹರತು ಸರಯೂಃ ಸರ್ವಪಾಪಪ್ರರೋಹಾನ್.

ಜಯತಿ ವಿಪುಲಪಾತ್ರಪ್ರಾಂತಸಂರೂಢಗುಲ್ಮ-
ವ್ರತತಿತತಿನಿಬದ್ಧಾರಾಮಶೋಭಾಂ ಶ್ರಯಂತೀ.

ನಿಶಿ ಶಶಿಕರಯೋಗಾತ್ಸೈಕತೇಽಪ್ಯಂಬುಸತ್ತಾಂ
ಸಪದಿ ವಿರಚಯಂತಿ ಸಾಽಪಗಾವೈಜಯಂತೀ.

ಅಂಹಾಂಸಿ ನಾಶಯಂತೀ ಘಟಯಂತೀ ಸಕಲಸೌಖ್ಯಜಾಲಾನಿ.
ಶ್ರೇಯಾಂಸಿ ಪ್ರಥಯಂತೀ ಸರಯೂಃ ಸಾಕೇತಸಂಗತಾ ಪಾತು.
ಯ ಇಮಕಂ ಸರಯೂಸ್ತಬಕಂ ಪಠೇನ್ನಿವಿಡಭಕ್ತಿರಸಾಪ್ಲುತಮಾನಸಃ.
ಸ ಖಲು ತತ್ಕೃಪಯಾ ಸುಖಮೇಧತೇಽನುಗತಪುತ್ರಕಲತ್ರಸಮೃದ್ಧಿಭಾಕ್.

Found a Mistake or Error? Report it Now