శ్రీధర పంచక స్తోత్రం PDF తెలుగు

|| శ్రీధర పంచక స్తోత్రం ||

కారుణ్యం శరణార్థిషు ప్రజనయన్ కావ్యాదిపుష్పార్చితో
వేదాంతేడివిగ్రహో విజయదో భూమ్యైకశృంగోద్ధరః.

నేత్రోన్మీలిత- సర్వలోకజనకశ్చిత్తే నితాంతం స్థితః
కల్యాణం విదధాతు లోకభగవాన్ కామప్రదః శ్రీధరః.

సాంగామ్నాయసుపారగో విభురజః పీతాంబరః సుందరః
కంసారాతిరధోక్షజః కమలదృగ్గోపాలకృష్ణో వరః.

మేధావీ కమలవ్రతః సురవరః సత్యార్థవిశ్వంభరః
కల్యాణం విదధాతు లోకభగవాన్ కామప్రదః శ్రీధరః.

హంసారూఢజగత్పతిః సురనిధిః స్వర్ణాంగభూషోజ్జవలః
సిద్ధో భక్తపరాయణో ద్విజవపుర్గోసంచయైరావృతః.

రామో దాశరథిర్దయాకరఘనో గోపీమనఃపూరితో
కల్యాణం విదధాతు లోకభగవాన్ కామప్రదః శ్రీధరః.

హస్తీంద్రక్షయమోక్షదో జలధిజాక్రాంతః ప్రతాపాన్వితః
కృష్ణాశ్చంచల- లోచనోఽభయవరో గోవర్ద్ధనోద్ధారకః.

నానావర్ణ- సముజ్జ్వలద్బహుసుమైః పాదార్చితో దైత్యహా
కల్యాణం విదధాతు లోకభగవాన్ కామప్రదః శ్రీధరః.

భావిత్రాసహరో జలౌఘశయనో రాధాపతిః సాత్త్వికో
ధన్యో ధీరపరో జగత్కరనుతో వేణుప్రియో గోపతిః.

పుణ్యార్చిః సుభగః పురాణపురుషః శ్రేష్ఠో వశీ కేశవః
కల్యాణం విదధాతు లోకభగవాన్ కామప్రదః శ్రీధరః.