नन्दिकेशप्रोक्ता सोमनाथशिवस्तुतिः PDF संस्कृत

नन्दिकेशप्रोक्ता सोमनाथशिवस्तुतिः संस्कृत Lyrics

|| नन्दिकेशप्रोक्ता सोमनाथशिवस्तुतिः ||

(शिवगौरीसंवादे)
नन्दिः
कुण्डलीशकृतकुण्डल शम्भो खण्डिताखिलसुरद्रुमषण्ड ।
ब्रह्ममुण्डकलितामलमाल स्थूललिङ्गगणमण्डलसंस्थ ॥ १॥

नवचन्द्राभरणोत्तमाङ्ग गङ्गाकलितालकभूधरोरुमाल ।
धृतहालाहलकण्ठमूल बाहुस्फुरदुत्तप्तशिलाविधूतशूल ॥ २॥

अलिङ्गलिङ्गं शशिलिङ्गसंस्थापक शलिङ्गं जगदेकलिङ्गम् ।
हृत्कोशजाकाशविकासिलिङ्गं सुखैकलिङ्गं प्रणमामि लिङ्गम् ॥ ३॥

फलम्
इत्थं संस्तुत्य नन्दीशः कैलासं गणपैर्ययौ ।
गणेन्द्रास्तुष्टुवः शम्भुं सोमनाथं मुदा तदा ॥ ४॥

वयं सोमवारव्रते तेऽद्य निष्ठा वसिष्ठाद्विशिष्टास्ततस्त्वत्पदाब्जे । (यतः)
महाभस्म रुद्राक्षमालां तनूषु त्वदीयाङ्गचिह्नैर्निवेश्योरुपापैः ॥ ५॥

विमुक्ताश्चरामो विभीमोऽद्य शम्भो ॥ ६॥

॥ इति शिवरहस्यान्तर्गते शिवगौरीसंवादे नन्दिकेशप्रोक्ता सोमनाथशिवस्तुतिः सम्पूर्णा