ஶ்ரீ ந்ருஸிம்ஹ ஸ்துதி꞉ 2 PDF தமிழ்

ஶ்ரீ ந்ருஸிம்ஹ ஸ்துதி꞉ 2 தமிழ் Lyrics

|| ஶ்ரீ ந்ருஸிம்ஹ ஸ்துதி꞉ 2 ||

ஸுராஸுரஶிரோரத்நகாந்திவிச்சு²ரிதாங்க்⁴ரயே ।
நமஸ்த்ரிபு⁴வநேஶாய ஹரயே ஸிம்ஹரூபிணே ॥ 1 ॥

ஶத்ரோ꞉ ப்ராணாநிலா꞉ பஞ்ச வயம் த³ஶ ஜயோ(அ)த்ர க꞉ ।
இதி கோபாதி³வாதாம்ரா꞉ பாந்து வோ ந்ருஹரேர்நகா²꞉ ॥ 2 ॥

ப்ரோஜ்ஜ்வலஜ்ஜ்வலநஜ்வாலாவிகடோருஸடாச்ச²ட꞉ ।
ஶ்வாஸக்ஷிப்தகுலக்ஷ்மாப்⁴ருத்பாது வோ நரகேஸரீ ॥ 3 ॥

வ்யாதூ⁴தகேஸரஸடாவிகராளவக்த்ரம்
ஹஸ்தாக்³ரவிஸ்பு²ரிதஶங்க²க³தா³ஸிசக்ரம் ।
ஆவிஷ்க்ருதம் ஸபதி³ யேந ந்ருஸிம்ஹரூபம்
நாராயணம் தமபி விஶ்வஸ்ருஜம் நமாமி ॥ 4 ॥

தை³த்யாஸ்தி²பஞ்ஜரவிதா³ரணலப்³த⁴ரந்த்⁴ர-
-ரக்தாம்பு³நிர்ஜரஸரித்³த⁴நஜாதபங்கா꞉ ।
பா³லேந்து³கோடிகுடிலா꞉ ஶுகசஞ்சுபா⁴ஸா
ரக்ஷந்து ஸிம்ஹவபுஷோ நக²ரா ஹரேர்வ꞉ ॥ 5 ॥

தி³ஶ்யாத்ஸுக²ம் நரஹரிர்பு⁴வநைகவீரோ
யஸ்யாஹவே தி³திஸுதோத்³த³ளநோத்³யதஸ்ய ।
க்ரோதோ⁴த்³த⁴தம் முக²மவேக்ஷிதுமக்ஷமத்வம்
ஜாநே(அ)ப⁴வந்நிஜநகே²ஷ்வபி யந்நதாஸ்தே ॥ 6 ॥

வபுர்த³ளநஸம்ப்⁴ரமாத்ஸ்வநக²ரம் ப்ரவிஷ்டே ரிபௌ
க்வ யாத இதி விஸ்மயாத்ப்ரஹிதலோசந꞉ ஸர்வத꞉ ।
வ்ருதே²தி கரதாட³நாந்நிபதிதம் புரோ தா³நவம்
நிரீக்ஷ்ய பு⁴வி ரேணுவஜ்ஜயதி ஜாதஹாஸோ ஹரி꞉ ॥ 7 ॥

சடச்சடிதி சர்மணி ச்ச²மிதி சோச்ச²லச்சோ²ணிதே
த⁴க³த்³த⁴கி³தி மேத³ஸி ஸ்பு²டரவே(அ)ஸ்தி²நி ஷ்டா²கி³தி ।
புநாது ப⁴வதோ ஹரேரமரவைரிவக்ஷ꞉ஸ்த²ல
க்வணத்கரஜபஞ்ஜரக்ரகசகாஷஜந்மா(அ)நல꞉ ॥ 8 ॥

ஸஸத்வரமிதஸ்ததஸ்ததவிஹஸ்தஹஸ்தாடவீ-
-நிக்ருத்தஸுரஶத்ருஹ்ருத்க்ஷதஜஸிக்தவக்ஷ꞉ஸ்த²ல꞉ ।
ஸ்பு²ரத்³வரக³ப⁴ஸ்திபி⁴꞉ ஸ்த²கி³தஸப்தஸப்தித்³யுதி꞉
ஸமஸ்தநிக³மஸ்துதோ ந்ருஹரிரஸ்து ந꞉ ஸ்வஸ்தயே ॥ 9 ॥

சஞ்சச்சண்ட³நகா²க்³ரபே⁴த³விக³ளத்³தை³த்யேந்த்³ரவக்ஷ꞉க்ஷர-
-த்³ரக்தாப்⁴யக்தஸுபாடலோத்³ப⁴டஸதா³ஸம்ப்⁴ராந்தபீ⁴மாநந꞉ ।
திர்யக்கண்ட²கடோ²ரகோ⁴ஷக⁴டநாஸர்வாங்க³க²ர்வீப⁴வ-
-த்³தி³ங்மாதங்க³நிரீக்ஷிதோ விஜயதே வைகுண்ட²கண்டீ²ரவ꞉ ॥ 10 ॥

த³ம்ஷ்ட்ராஸங்கடவக்த்ரகந்த³ரளலஜ்ஜிஹ்வஸ்ய ஹவ்யாஶந-
-ஜ்வாலாபா⁴ஸுரபூ⁴ரிகேஸரஸடாபா⁴ரஸ்ய தை³த்யத்³ருஹ꞉ ।
வ்யாவள்க³த்³ப³லவத்³தி⁴ரண்யகஶிபுக்ரோட³ஸ்த²லாஸ்பா²லந
ஸ்பா²ரப்ரஸ்பு²டத³ஸ்தி²பஞ்ஜரரவக்ரூரா நகா²꞉ பாந்து வ꞉ ॥ 11 ॥

ஸோமார்தா⁴யிதநிஷ்பதா⁴நத³ஶந꞉ ஸந்த்⁴யாயிதாந்தர்முகோ²
பா³லார்காயிதலோசந꞉ ஸுரத⁴நுர்லேகா²யிதப்⁴ரூலத꞉ ।
அந்தர்நாத³நிரோத⁴பீவரக³ளத்த்வக்கூபநிர்யத்தடி³-
-த்தாரஸ்பா²ரஸடாவருத்³த⁴க³க³ந꞉ பாயாந்ந்ருஸிம்ஹ꞉ ஸ வ꞉ ॥ 12 ॥

வித்³யுச்சக்ரகராளகேஸரஸடாபா⁴ரஸ்ய தை³த்யத்³ருஹ꞉
ஶோணந்நேத்ரஹுதாஶட³ம்ப³ரப்⁴ருத꞉ ஸிம்ஹாக்ருதே꞉ ஶார்ங்கி³ண꞉ ।
விஸ்பூ²ர்ஜத்³க³ளக³ர்ஜிதர்ஜிதககும்மாதங்க³த³ர்போத³யா꞉
ஸம்ரம்பா⁴꞉ ஸுக²யந்து வ꞉ க²ரநக²க்ஷுண்ணத்³விஷத்³வக்ஷஸ꞉ ॥ 13 ॥

தை³த்யாநாமதி⁴பே நகா²ங்குரகுடீகோணப்ரவிஷ்டாத்மநி
ஸ்பா²ரீபூ⁴தகராளகேஸரஸடாஸங்கா⁴தகோ⁴ராக்ருதே꞉ ।
ஸக்ரோத⁴ம் ச ஸவிஸ்மயம் ச ஸகு³ருவ்ரீட³ம் ச ஸாந்த꞉ஸ்மிதம்
க்ரீடா³கேஸரிணோ ஹரேர்விஜயதே தத்காலமாலோகிதம் ॥ 14 ॥

கிம் கிம் ஸிம்ஹஸ்தத꞉ கிம் நரஸத்³ருஶவபுர்தே³வ சித்ரம் க்³ருஹீதோ
நைதாத்³ருக்க்வாபி ஜீவோ(அ)த்³பு⁴தமுபநய மே தே³வ ஸம்ப்ராப்த ஏஷ꞉ ।
சாபம் சாபம் ந சாபீத்யஹஹஹஹஹஹா கர்கஶத்வம் நகா²நாம்
இத்த²ம் தை³த்யேந்த்³ரவக்ஷ꞉ க²ரநக²முக²ரைர்ஜக்⁴நிவாந்ய꞉ ஸ வோ(அ)வ்யாத் ॥ 15 ॥

பூ⁴ய꞉ கண்டா²வதூ⁴திவ்யதிகரதரளோத்தம்ஸநக்ஷத்ரமாலா-
-பா³லேந்து³க்ஷுத்³ரக⁴ண்டாரணிதத³ஶதி³ஶாத³ந்தசீத்காரகாரீ ।
அவ்யாத்³வோ தை³த்யராஜப்ரத²மயமபுரீயாநக⁴ண்டாநிநாதோ³
நாதோ³ தி³க்³பி⁴த்திபே⁴த³ப்ரஸரஸரப⁴ஸ꞉ கூடகண்டீ²ரவஸ்ய ॥ 16 ॥

அந்த꞉க்ரோதோ⁴ஜ்ஜிஹாநஜ்வலநப⁴வஶிகா²காரஜிஹ்வாவளீட⁴
ப்ரௌட⁴ப்³ரஹ்மாண்ட³பா⁴ண்ட³꞉ ப்ருது²பு⁴வநகு³ஹாக³ர்ப⁴க³ம்பீ⁴ரநாத³꞉ ।
த்³ருப்யத்பாரீந்த்³ரமூர்திர்முரஜித³வது வ꞉ ஸுப்ரபா⁴மண்ட³லீபி⁴꞉
குர்வந்நிர்தூ⁴மதூ⁴மத்⁴வஜநிசிதமிவ வ்யோம ரோமச்ச²டாநாம் ॥ 17 ॥

பாயாந்மாயாம்ருகே³ந்த்³ரோ ஜக³த³கி²லமஸௌ யத்தநூத³ர்சிரர்சி꞉
ஜ்வாலாஜாலாவளீட⁴ம் ப³த பு⁴வி ஸகலம் வ்யாகுலம் கிம் ந பூ⁴யாத் ।
ந ஸ்யாச்சேதா³ஶு தஸ்யாதி⁴கவிகடஸடாகோடிபி⁴꞉ பாட்யமாநாத்
இந்தோ³ராநந்த³கந்தா³த்தது³பரி துஹிநாஸாரஸந்தோ³ஹவ்ருஷ்டி꞉ ॥ 18 ॥

ஆதி³த்யா꞉ கிம் த³ஶைதே ப்ரளயப⁴யக்ருத꞉ ஸ்வீக்ருதாகாஶதே³ஶா꞉
கிம் வோல்காமண்ட³லாநி த்ரிபு⁴வநத³ஹநாயோத்³யதாநீதி பீ⁴தை꞉ ।
பாயாஸுர்நாரஸிம்ஹம் வபுரமரக³ணைர்பி³ப்⁴ரத꞉ ஶார்ங்க³பாணே꞉
த்³ருஷ்டாத்³ருப்தாஸுரோரஸ்த²லத³ரணக³ளத்³ரக்தரக்தா நகா² வ꞉ ॥ 19 ॥

இதி ஶ்ரீ ந்ருஸிம்ஹ ஸ்துதி꞉ ।