ಶ್ರೀ ಸುದರ್ಶನ ಕವಚಂ 3 PDF ಕನ್ನಡ

ಶ್ರೀ ಸುದರ್ಶನ ಕವಚಂ 3 ಕನ್ನಡ Lyrics

|| ಶ್ರೀ ಸುದರ್ಶನ ಕವಚಂ 3 ||

ಅಸ್ಯ ಶ್ರೀಸುದರ್ಶನಕವಚಮಹಾಮಂತ್ರಸ್ಯ ನಾರಾಯಣ ಋಷಿಃ ಶ್ರೀಸುದರ್ಶನೋ ದೇವತಾ ಗಾಯತ್ರೀ ಛಂದಃ ದುಷ್ಟಂ ದಾರಯತೀತಿ ಕೀಲಕಂ, ಹನ ಹನ ದ್ವಿಷ ಇತಿ ಬೀಜಂ, ಸರ್ವಶತ್ರುಕ್ಷಯಾರ್ಥೇ ಸುದರ್ಶನಸ್ತೋತ್ರಪಾಠೇ ವಿನಿಯೋಗಃ ||

ಋಷ್ಯಾದಿ ನ್ಯಾಸಃ –
ಓಂ ನಾರಾಯಣ ಋಷಯೇ ನಮಃ ಶಿರಸಿ |
ಓಂ ಗಾಯತ್ರೀ ಛಂದಸೇ ನಮಃ ಮುಖೇ |
ಓಂ ದುಷ್ಟಂ ದಾರಯತೀತಿ ಕೀಲಕಾಯ ನಮಃ ಹೃದಯೇ |
ಓಂ ಹ್ರಾಂ ಹ್ರೀಂ ಹ್ರೂಂ ದ್ವಿಷ ಇತಿ ಬೀಜಾಯ ನಮಃ ಗುಹ್ಯೇ |
ಓಂ ಸುದರ್ಶನೇ ಜ್ವಲತ್ಪಾವಕಸಂಕಾಶೇತಿ ಕೀಲಕಾಯ ನಮಃ ಸರ್ವಾಂಗೇ |
ಕರನ್ಯಾಸಃ –
ಓಂ ನಾರಾಯಣಋಷಯೇ ನಮಃ ಅಂಗುಷ್ಠಾಭ್ಯಾಂ ನಮಃ |
ಓಂ ಗಾಯತ್ರೀಛಂದಸೇ ನಮಃ ತರ್ಜನೀಭ್ಯಾಂ ನಮಃ |
ಓಂ ದುಷ್ಟಂ ದಾರಯತೀತಿ ಕೀಲಕಾಯ ನಮಃ ಮಧ್ಯಮಾಭ್ಯಾಂ ನಮಃ |
ಓಂ ಹ್ರಾಂ ಹ್ರೀಂ ಹ್ರೂಂ ದ್ವಿಷ ಇತಿ ಬೀಜಾಯ ನಮಃ ಅನಾಮಿಕಾಭ್ಯಾಂ ನಮಃ |
ಓಂ ಸರ್ವಶತ್ರುಕ್ಷಯಾರ್ಥೇ ಶ್ರೀಸುದರ್ಶನದೇವತೇತಿ ಕರತಲ ಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಓಂ ನಾರಾಯಣಋಷಯೇ ನಮಃ ಹೃದಯಾಯ ನಮಃ |
ಓಂ ಗಾಯತ್ರೀಛಂದಸೇ ನಮಃ ಶಿರಸೇ ಸ್ವಾಹಾ |
ಓಂ ದುಷ್ಟಂ ದಾರಯತೀತಿ ಕೀಲಕಾಯ ನಮಃ ಶಿಖಾಯೈ ವಷಟ್ |
ಓಂ ಹ್ರಾಂ ಹ್ರೀಂ ಹ್ರೂಂ ದ್ವಿಷ ಇತಿ ಬೀಜಾಯ ನಮಃ ಕವಚಾಯ ಹುಮ್ |
ಓಂ ಸುದರ್ಶನ ಜ್ವಲತ್ಪಾವಕಸಂಕಾಶೇತಿ ನೇತ್ರತ್ರಯಾಯ ವೌಷಟ್ |
ಓಂ ಸರ್ವಶತ್ರುಕ್ಷಯಾರ್ಥೇ ಸುದರ್ಶನದೇವತೇತಿ ಅಸ್ತ್ರಾಯ ಫಟ್ |

ಅಥ ಧ್ಯಾನಮ್ –
ಸುದರ್ಶನಂ ಮಹಾವೇಗಂ ಗೋವಿಂದಸ್ಯ ಪ್ರಿಯಾಯುಧಮ್ |
ಜ್ವಲತ್ಪಾವಕಸಂಕಾಶಂ ಸರ್ವಶತ್ರುವಿನಾಶನಮ್ || ೧ ||

ಕೃಷ್ಣಪ್ರಾಪ್ತಿಕರಂ ಶಶ್ವದ್ಭಕ್ತಾನಾಂ ಭಯಭಂಜನಮ್ |
ಸಂಗ್ರಾಮೇ ಜಯದಂ ತಸ್ಮಾದ್ಧ್ಯಾಯೇದೇವಂ ಸುದರ್ಶನಮ್ || ೨ ||

ಅಥ ಮಂತ್ರಃ –
ಓಂ ಹ್ರಾಂ ಹ್ರೀಂ ಹ್ರೂಂ ನಮೋ ಭಗವತೇ ಭೋ ಭೋ ಸುದರ್ಶನಚಕ್ರ ದುಷ್ಟಂ ದಾರಯ ದಾರಯ ದುರಿತಂ ಹನ ಹನ ಪಾಪಂ ಮಥ ಮಥ ಆರೋಗ್ಯಂ ಕುರು ಕುರು ಹುಂ ಫಟ್ ಸ್ವಾಹಾ ||

ಅಥ ಕವಚಮ್ –
ಸುದರ್ಶನಮಹಾಮಂತ್ರಂ ವಲ್ಲಭೇನ ಪ್ರಕಾಶಿತಮ್ |
ವೈಷ್ಣವಾನಾಂ ಹಿ ರಕ್ಷಾರ್ಥಂ ವೈಷ್ಣವಾನಾಂ ಹಿತಾಯ ಚ |
ಯಂತ್ರಮಧ್ಯೇ ನಿರೂಪ್ಯಂ ಚ ಚಕ್ರಾಕಾರಂ ಚ ಲಿಖ್ಯತೇ || ೧ ||

ಉತ್ತರಾಗರ್ಭರಕ್ಷೀ ಚ ಪರೀಕ್ಷಿತಹಿತೇ ರತಃ |
ಬ್ರಹ್ಮಾಸ್ತ್ರವಾರಣಂ ಚೈವ ಭಕ್ತಾನಾಂ ಭಯನಾಶನಮ್ || ೨ ||

ವಧಂ ಚ ದುಷ್ಟದೈತ್ಯಾನಾಂ ಖಂಡಂ ಖಂಡಂ ಚ ಕಾರಕಃ |
ವೈಷ್ಣವಾನಾಂ ಹಿತಾರ್ಥಾಯ ಚಕ್ರಂ ಧಾರಯತೇ ಹರಿಃ || ೩ ||

ಪೀತಾಂಬರಃ ಪರಬ್ರಹ್ಮ ವನಮಾಲೀ ಗದಾಧರಃ |
ಕೋಟಿಕಂದರ್ಪಲಾವಣ್ಯೋ ಗೋಪೀನಾಂ ಪ್ರಾಣದಾಯಕಃ || ೪ ||

ಶ್ರೀವಲ್ಲಭಃ ಕೃಪಾನಾಥೋ ಗಿರೀಂದ್ರಃ ಶತ್ರುಮರ್ದನಃ |
ದಾವಾಗ್ನಿದರ್ಪಹರ್ತಾ ಚ ಗೋಪೀಭಯನಿವಾರಕಃ || ೫ ||

ಗೋಪಾಲೋ ಗೋಪಕನ್ಯಾಭಿಃ ಸಮಾವೃತ್ತೋಽಧಿತಿಷ್ಠತೇ |
ವಿದ್ವಜ್ಜನಪ್ರಕಾಶೀ ಚ ರಾಮಕೃಷ್ಣಜಗನ್ಮಯಃ || ೬ ||

ಗೋಗೋಪಿಕಾಶತಾಕೀರ್ಣೋ ವೇಣುವಾದನತತ್ಪರಃ |
ಕಾಮರೂಪೀ ಕಳಾವಾಂಶ್ಚ ಕಾಮಿನಾಂ ಕಾಮದೋ ವಿಭುಃ || ೭ ||

ಮನ್ಮಥೋ ಮಥುರಾನಾಥೋ ಮಾಧವೋ ಮಕರಧ್ವಜಃ |
ಶ್ರೀಧರಃ ಶ್ರೀಕರಃ ಶ್ರೀಶಃ ಶ್ರೀನಿವಾಸಃ ಸತಾಂ ಗತಿಃ || ೮ ||

ಭೂತೀಶೋ ಭೂತಿದೋ ವಿಷ್ಣುರ್ಭೂಧರೋ ಭೂತಭಾವನಃ |
ಸರ್ವದುಃಖಹರೋ ವೀರೋ ದುಷ್ಟದಾನವನಾಶನಃ || ೯ ||

ಶ್ರೀನೃಸಿಂಹೋ ಮಹಾವಿಷ್ಣುಃ ಮಹಾದಿತ್ಯಶ್ಚ ತೇಜಸಃ |
ವಾದಿನಾಂ ದಯಯಾ ನಿತ್ಯಂ ಪ್ರಣವೋ ಜ್ಯೋತಿರೂಪಕಃ || ೧೦ ||

ಭಾನುಕೋಟಿಪ್ರಕಾಶೀ ಚ ನಿಶ್ಚಿತಾರ್ಥಸ್ವರೂಪಕಃ |
ಭಕ್ತಪ್ರಿಯಃ ಪದ್ಮನೇತ್ರೋ ಭಕ್ತಾನಾಂ ವಾಂಛಿತಪ್ರದಃ || ೧೧ ||

ಹೃದಿ ಕೃಷ್ಣೋ ಮುಖೇ ಕೃಷ್ಣೋ ನೇತ್ರೇ ಕೃಷ್ಣ ಸ್ವರೂಪಕಃ |
ಭಕ್ತಿಪ್ರಿಯಶ್ಚ ಶ್ರೀಕೃಷ್ಣಃ ಸರ್ವಂ ಕೃಷ್ಣಮಯಂ ಜಗತ್ || ೧೨ ||

ಕಾಲಮೃತ್ಯುಃ ಯಮಾಹೂತೋ ಭೂತಪ್ರೇತೋ ನ ದೃಶ್ಯತೇ |
ಪಿಶಾಚಾ ರಾಕ್ಷಸಾಶ್ಚೈವ ಹೃದಿರೋಗಾಶ್ಚ ದಾರುಣಾಃ || ೧೩ ||

ಭೂಚರಾಃ ಖೇಚರಾಃ ಸರ್ವೇ ಡಾಕಿನೀ ಶಾಕಿನೀ ತಥಾ |
ನಾಟಕಂ ಚೇಟಕಂ ಚೈವ ಛಲಂ ಛಿದ್ರಂ ನ ದೃಶ್ಯತೇ || ೧೪ ||

ಅಕಾಲೇ ಮರಣಂ ತಸ್ಯ ಶೋಕದುಃಖಂ ನ ಲಭ್ಯತೇ |
ಸರ್ವವಿಘ್ನಾಃ ಕ್ಷಯಂ ಯಾಂತಿ ರಕ್ಷ ಮಾಂ ಗೋಪಿಕಾಪ್ರಿಯ || ೧೫ ||

ಭಯಂ ದಾವಾಗ್ನಿ ಚೋರಾಣಾಂ ವಿಗ್ರಹೇ ರಾಜಸಂಕಟೇ |
ವ್ಯಾಳವ್ಯಾಘ್ರಮಹಾಶತ್ರುವೈರಿಬಂಧೋ ನ ಲಭ್ಯತೇ || ೧೬ ||

ಆಧಿವ್ಯಾಧಿಹರಂ ಚೈವ ಗ್ರಹಪೀಡಾವಿನಾಶನಮ್ |
ಸಂಗ್ರಾಮೇ ಚ ಜಯಂ ತಸ್ಮಾತ್ ಧ್ಯಾಯೇದ್ದೇವಂ ಸುದರ್ಶನಮ್ || ೧೭ ||

ಇಮಾನ್ ಸಪ್ತದಶಶ್ಲೋಕಾನ್ ಯಂತ್ರಮಧ್ಯೇ ಲಿಖೇತ್ತು ಯಃ |
ವಂಶವೃದ್ಧಿರ್ಭವೇತ್ತಸ್ಯ ಶ್ರೋತಾ ಚ ಫಲಮಾಪ್ನುಯಾತ್ || ೧೮ ||

ಸುದರ್ಶನಮಿದಂ ಯಂತ್ರಂ ಲಭತೇ ಜಯಮಂಗಳಮ್ |
ಸರ್ವಪಾಪಹರಂ ಕೃಷ್ಣ ತ್ವಾಮಹಂ ಶರಣಂ ಗತಃ || ೧೯ ||

ಇತಿ ಶ್ರೀಮದ್ವಲ್ಲಭಾಚಾರ್ಯಚರಣ ವಿರಚಿತಂ ಶ್ರೀ ಸುದರ್ಶನ ಕವಚಮ್ |