सुंदरेश्वर स्तोत्र PDF

Download PDF of Sundareshwara Stotram Hindi

Misc ✦ Stotram (स्तोत्र संग्रह) ✦ हिन्दी

|| सुंदरेश्वर स्तोत्र || श्रीपाण्ड्यवंशमहितं शिवराजराजं भक्तैकचित्तरजनं करुणाप्रपूर्णम्। मीनेङ्गिताक्षिसहितं शिवसुन्दरेशं हालास्यनाथममरं शरणं प्रपद्ये। आह्लाददानविभवं भवभूतियुक्तं त्रैलोक्यकर्मविहितं विहितार्थदानम्। मीनेङ्गिताक्षिसहितं शिवसुन्दरेशं हालास्यनाथममरं शरणं प्रपद्ये। अम्भोजसम्भवगुरुं विभवं च शंभुं भूतेशखण्डपरशुं वरदं स्वयंभुम्। मीनेङ्गिताक्षिसहितं शिवसुन्दरेशं हालास्यनाथममरं शरणं प्रपद्ये। कृत्याजसर्पशमनं निखिलार्च्यलिङ्गं धर्मावबोधनपरं सुरमव्ययाङ्गम्। मीनेङ्गिताक्षिसहितं शिवसुन्दरेशं हालास्यनाथममरं शरणं प्रपद्ये। सारङ्गधारणकरं विषयातिगूढं देवेन्द्रवन्द्यमजरं वृषभाधिरूढम्। मीनेङ्गिताक्षिसहितं शिवसुन्दरेशं हालास्यनाथममरं शरणं प्रपद्ये।