तारावलिस्तोत्रम् PDF संस्कृत

तारावलिस्तोत्रम् संस्कृत Lyrics

|| तारावलिस्तोत्रम् ||

निरवधिकरुणार्द्रैर्निह्नुताशेषदोषैः
अमृतरसझराणां अन्तरङ्गैरपाङ्गैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १॥

श्रियमवनतिभाजां श्रेयसामादधानैः
अमृतरसतरङ्गश्रीधुरीणैरपाङ्गैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २॥

गजमुखशरजन्मप्रेमगाढोपगूढैः
नगदुहितुरमन्दानन्दमूलैरपाङ्गैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ३॥

गिरिवरतनयायाः केलिकोपे नतस्तत्
चरणनखरुचिश्रीवर्मितैरीक्षणैर्द्राक् ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ४॥

स्मरहरदयनीयास्मीत्युमायां वदन्त्यां
दरहसितमुखेन्दुस्तामपाङ्गैः पिबद्भिः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ५॥

नमदमरकिरीटक्रीडदुद्दण्डशुण्डा-
मुखमिभमुखमारादापिबद्भिः कटाक्षैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ६॥

समदधत मृकण्डोरात्मजे चोपमन्यौ
समभिलषितसिद्धिं ये कटाक्षाङ्करास्तैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ७॥

मकुटशशिकिशोरस्यन्दिपीयूषधारा
मधुरशिशिरभावस्तोमचोरैरपाङ्गैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ८॥

प्रणमदमरमौलि प्रस्फुरद्रत्नवृन्द-
प्रसृमरकिरणश्रीदत्तहस्तेरपाङ्गैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ९॥

प्रणमनकृतिसृष्टा शम्भुना पद्मपङ्क्ति-
प्रविततिरियमित्यध्यस्यमानैरपाङ्गैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १०॥

प्रणमनपरसंसन्मोक्षसाम्राज्यलक्ष्मी
वरणकमलमालोदारयापाङ्गभङ्ग्या ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ ११॥

गदगणगलनायुः कल्पनोदूढदीक्षैः
अभिमतसकलार्थादानदक्षैः कटाक्षैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १२॥

भवभरतपतापोपप्लुतानां नतानां
श्रमहृदमृतवृष्ट्या सान्द्रकारुण्यदृष्ट्या ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १३॥

दलमपिकुसुमं वा दत्तवद्भ्यो जनेभ्यो
विधिवलमथन श्रीविक्रयिण्या दृशा द्राक् ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १४॥

अवनमनपराणां आत्मतत्त्वावबोध
प्रकटनपटुदीपैः प्रस्फुरद्भिः कटाक्षैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १५॥

अवनमनपराणां आयुरारोग्यवृद्धिं
निजचरणरतिञ्चोदञ्चयद्भिः कटाक्षैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १६॥

हृदि विनतजनानां भक्तिकल्पद्रुवल्ली
जनिकृदमृतसेकैर्विस्फुरद्भिः कटाक्षैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १७॥

गजवदनकराग्राकीर्यमाणस्वचूडा
तटवरसरिदूर्म्यासेचनैस्तापहारी ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १८॥

निजमकुटतटाञ्चन्निम्नगावीचिविप्रुट्
प्रकरविकसनेन प्रापयन् तापशान्तिम् ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ १९॥

प्रथमभिषगधीशख्यातिमूर्जस्वलां स्वां
प्रविदधदवनम्र व्यूहसर्वार्तिहृत्या ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २०॥

प्रवणजनविमोहध्वान्तविध्वंसकेली
पटुतरदरहास प्रस्फुरञ्चन्द्रिकाभिः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २१॥

कुपितशिखरिकन्या चित्तशीतांशुकान्त
द्रुतिषु शशिमयूखैः सुन्दरैर्मन्दहासैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २२॥

प्रणमति विहरद्भिस्तत्र संप्रीति दत्त
प्रविमलतरहारभ्रान्तिदैर्मन्दहासैः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २३॥

स्फुटविचकलितार्या तुङ्गवक्षोजकुम्भ
श्रितकुवलयमालेनामलेन स्मितेन ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २४॥

स्फुरदधररुचिश्रीसङ्गिना पद्मराग
द्युतिकवचितहीराभेन मन्दस्मितेन ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २५॥

सुकृतिहृदयसौध प्रोल्लसच्चन्द्रिकाभिः
दरहसितरुचीभिर्दारितार्तिच्छटाभिः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २६॥

कमलजठरनिर्यच्चन्द्रिकाभ्रान्तिकृद्भिः
शुभतरदरहासैराननान्निसरद्भिः ।
अघमखिलमपास्यन् अस्य डिम्भस्य शम्भुः
सकलभयनिवृत्तिं साम्बमूर्तिर्विधत्ताम् ॥ २७॥

श्रितजनघनपुण्यश्रेणिमल्लीमतल्ली
कुसुमसमुदयेनोदारमन्दस्मितेन ।
अघमखिलमपास्यन् अस्य डिम्भस्य शम्भुः
सकलभयनिवृत्ति साम्बमूर्तिर्विधत्ताम् ॥ २८॥

तारावलीस्तुतिमिमां तरुणेन्दुमौलेः
श‍ृण्वन्ति ये भुवि पठन्ति शिवः स तेषाम् ।
दीर्घायुरुन्नतविभूतिसुतर्द्धि शम्भु
भक्त्याद्यभीष्टमखिलं प्रददाति हृष्टः ॥ २९॥

॥ इति श्रीश्रीधरवेङ्कटेशार्यकृतौ तारावलीस्तोत्रं सम्पूर्णम् ॥