श्रीटीलाचार्याष्टकम् PDF संस्कृत

श्रीटीलाचार्याष्टकम् संस्कृत Lyrics

|| श्रीटीलाचार्याष्टकम् ||

रामानन्दीयसिद्धान्तवारिधेर्वर्धकं विधुम् ।
टीलाचार्यमहं वन्दे द्वाराचार्यं जगद्गुरुम् ॥ १॥

सिंहंवादिद्विपानां च विशिष्टाद्वैतवादिनम् ।
टीलाचार्यमहं वन्दे द्वाराचार्यं जगद्गुरुम् ॥ २॥

विजेतारं च सिद्धानां सिद्धेशं सिद्धिदायिनम् ।
टीलाचार्यमहं वन्दे द्वाराचार्यं जगद्गुरुम् ॥ ३॥

श्रीमदानन्दभाष्याब्जभास्करं ब्रह्माचारिणम् ।
टीलाचार्यमहं वन्दे द्वाराचार्यं जगद्गुरुम् ॥ ४॥

भक्तिशिक्षासुधावर्षिवारिदं मृत्युवारकम् ।
टीलाचार्यमहं वन्दे द्वाराचार्यं जगद्गुरुम् ॥ ५॥

श्रीसाकेतनिवासाख्यं मुक्तिदं भक्तिदानतः ।
टीलाचार्यमहं वन्दे द्वाराचार्यं जगद्गुरुम् ॥ ६॥

विनीतानां च शिष्याणां पश्चसंस्कारकारकम् ।
टीलाचार्यमहं वन्दे द्वाराचार्यं जगद्गुरुम् ॥ ७॥

तारकादिरहस्यानां दानेन भवतारकम् ।
टीलाचार्यमहं वन्दे द्वाराचार्यं जगद्गुरुम् ॥ ८॥

इति श्रीटीलाचार्याष्टकं सम्पूर्णम् ।