Triveni Stotram PDF English

Triveni Stotram English Lyrics

|| Triveni Stotram ||

muktāmayālaṅkr̥tamudravēṇī
bhaktābhayatrāṇasubaddhavēṇī |
mattāliguñjanmakarandavēṇī
śrīmatprayāgē jayati trivēṇī || 1 ||

lōkatrayaiśvaryanidānavēṇī
tāpatrayōccāṭanabaddhavēṇī |
dharmārthakāmākalanaikavēṇī
śrīmatprayāgē jayati trivēṇī || 2 ||

muktāṅganāmōhanasiddhavēṇī
bhaktāntarānandasubōdhavēṇī |
vr̥ttyantarōdvēgavivēkavēṇī
śrīmatprayāgē jayati trivēṇī || 3 ||

dugdhōdadhisphūrjasubhadravēṇī
nīlābhraśōbhālalitā ca vēṇī |
svarṇaprabhābhāsuramadhyavēṇī
śrīmatprayāgē jayati trivēṇī || 4 ||

viśvēśvarōttuṅgakapardivēṇī
viriñciviṣṇupraṇataikavēṇī |
trayīpurāṇā surasārdhavēṇī
śrīmatprayāgē jayati trivēṇī || 5 ||

māṅgalyasampattisamr̥ddhavēṇī
mātrāntaranyastanidānavēṇī |
paramparāpātakahārivēṇī
śrīmatprayāgē jayati trivēṇī || 6 ||

nimajjadunmajjamanuṣyavēṇī
trayōdayōbhāgyavivēkavēṇī |
vimuktajanmāvibhavaikavēṇī
śrīmatprayāgē jayati trivēṇī || 7 ||

saundaryavēṇī surasārdhavēṇī
mādhuryavēṇī mahanīyavēṇī |
ratnaikavēṇī ramaṇīyavēṇī
śrīmatprayāgē jayati trivēṇī || 8 ||

sārasvatākāravighātavēṇī
kālindakanyāmayalakṣyavēṇī |
bhāgīrathīrūpamahēśavēṇī
śrīmatprayāgē jayati trivēṇī || 9 ||

śrīmadbhavānībhavanaikavēṇī
lakṣmīsarasvatyabhimānavēṇī |
mātā trivēṇī trayīratnavēṇī
śrīmatprayāgē jayati trivēṇī || 10 ||

trivēṇīdaśakaṁ stōtram prātarnityaṁ paṭhēnnaraḥ |
tasya vēṇī prasannā syādviṣṇulōkaṁ sa gacchati || 11 ||

iti śrīmacchaṅkarācāryaviracitaṁ trivēṇīstōtram |