ஶ்ரீ ஶிவ ஸ்தோத்ரம் (உபமன்யு க்ருதம்)

|| ஶ்ரீ ஶிவ ஸ்தோத்ரம் (உபமன்யு க்ருதம்) ||

ஜய ஶங்கர பார்வதீபதே ம்ருட³ ஶம்போ⁴ ஶஶிக²ண்ட³மண்ட³ந ।
மத³நாந்தக ப⁴க்தவத்ஸல ப்ரியகைலாஸ த³யாஸுதா⁴ம்பு³தே⁴ ॥ 1 ॥

ஸது³பாயகதா²ஸ்வபண்டி³தோ ஹ்ருத³யே து³꞉க²ஶரேண க²ண்டி³த꞉ ।
ஶஶிக²ண்ட³ஶிக²ண்ட³மண்ட³நம் ஶரணம் யாமி ஶரண்யமீஶ்வரம் ॥ 2 ॥

மஹத꞉ பரித꞉ ப்ரஸர்பதஸ்தமஸோ த³ர்ஶநபே⁴தி³நோ பி⁴தே³ ।
தி³நநாத² இவ ஸ்வதேஜஸா ஹ்ருத³யவ்யோம்நி மநாகு³தே³ஹி ந꞉ ॥ 3 ॥

ந வயம் தவ சர்மசக்ஷுஷா பத³வீமப்யுபவீக்ஷிதும் க்ஷமா꞉ ।
க்ருபயா(அ)ப⁴யதே³ந சக்ஷுஷா ஸகலேநேஶ விளோகயாஶு ந꞉ ॥ 4 ॥

த்வத³நுஸ்ம்ருதிரேவ பாவநீ ஸ்துதியுக்தா ந ஹி வக்துமீஶ ஸா ।
மது⁴ரம் ஹி பய꞉ ஸ்வபா⁴வதோ நநு கீத்³ருக்ஸிதஶர்கராந்விதம் ॥ 5 ॥

ஸவிஷோ(அ)ப்யம்ருதாயதே ப⁴வாஞ்ச²வமுண்டா³ப⁴ரணோ(அ)பி பாவந꞉ ।
ப⁴வ ஏவ ப⁴வாந்தக꞉ ஸதாம் ஸமத்³ருஷ்டிர்விஷமேக்ஷணோ(அ)பி ஸன் ॥ 6 ॥

அபி ஶூலத⁴ரோ நிராமயோ த்³ருட⁴வைராக்³யரதோ(அ)பி ராக³வான் ।
அபி பை⁴க்ஷ்யசரோ மஹேஶ்வரஶ்சரிதம் சித்ரமித³ம் ஹி தே ப்ரபோ⁴ ॥ 7 ॥

விதரத்யபி⁴வாஞ்சி²தம் த்³ருஶா பரித்³ருஷ்ட꞉ கில கல்பபாத³ப꞉ ।
ஹ்ருத³யே ஸ்ம்ருத ஏவ தீ⁴மதே நமதே(அ)பீ⁴ஷ்டப²லப்ரதோ³ ப⁴வான் ॥ 8 ॥

ஸஹஸைவ பு⁴ஜங்க³பாஶவாந்விநிக்³ருஹ்ணாதி ந யாவத³ந்தக꞉ ।
அப⁴யம் குரு தாவதா³ஶு மே க³தஜீவஸ்ய புந꞉ கிமௌஷதை⁴꞉ ॥ 9 ॥

ஸவிஷைரிவ பீ⁴மபந்நகை³ர்விஷயைரேபி⁴ரளம் பரிக்ஷதம் ।
அம்ருதைரிவ ஸம்ப்⁴ரமேண மாமபி⁴ஷிஞ்சாஶு த³யாவளோகநை꞉ ॥ 10 ॥

முநயோ ப³ஹவோ(அ)த்³ய த⁴ந்யதாம் க³மிதா꞉ ஸ்வாபி⁴மதார்த²த³ர்ஶிந꞉ ।
கருணாகர யேந தேந மாமவஸந்நம் நநு பஶ்ய சக்ஷுஷா ॥ 11 ॥

ப்ரணமாம்யத² யாமி சாபரம் ஶரணம் கம் க்ருபணாப⁴யப்ரத³ம் ।
விரஹீவ விபோ⁴ ப்ரியாமயம் பரிபஶ்யாமி ப⁴வந்மயம் ஜக³த் ॥ 12 ॥

ப³ஹவோ ப⁴வதா(அ)நுகம்பிதா꞉ கிமிதீஶாந ந மாநுகம்பஸே ।
த³த⁴தா கிமு மந்த³ராசலம் பரமாணு꞉ கமடே²ந து³ர்த⁴ர꞉ ॥ 13 ॥

அஶுசிம் யதி³ மாநுமந்யஸே கிமித³ம் மூர்த்⁴நி கபாலதா³ம தே ।
உத ஶாட்²யமஸாது⁴ஸங்கி³நம் விஷலக்ஷ்மாஸி ந கிம் த்³விஜிஹ்வத்⁴ருக் ॥ 14 ॥

க்வ த்³ருஶம் வித³தா⁴மி கிம் கரோம்யநுதிஷ்டா²மி கத²ம் ப⁴யாகுல꞉ ।
க்வ நு திஷ்ட²ஸி ரக்ஷ ரக்ஷ மாமயி ஶம்போ⁴ ஶரணாக³தோ(அ)ஸ்மி தே ॥ 15 ॥

விளுடா²ம்யவநௌ கிமாகுல꞉ கிமுரோ ஹந்மி ஶிரஶ்சி²நத்³மி வா ।
கிமு ரோதி³மி ராரடீமி கிம் க்ருபணம் மாம் ந யதீ³க்ஷஸே ப்ரபோ⁴ ॥ 16 ॥

ஶிவ ஸர்வக³ ஶர்வ ஶர்மத³ ப்ரணதோ தே³வ த³யாம் குருஷ்வ மே ।
நம ஈஶ்வர நாத² தி³க்பதே புநரேவேஶ நமோ நமோ(அ)ஸ்து தே ॥ 17 ॥

ஶரணம் தருணேந்து³ஶேக²ர꞉ ஶரணம் மே கி³ரிராஜகந்யகா ।
ஶரணம் புநரேவ தாவுபௌ⁴ ஶரணம் நாந்யது³பைமி தை³வதம் ॥ 18 ॥

உபமந்யுக்ருதம் ஸ்தவோத்தமம் ஜபத꞉ ஶம்பு⁴ஸமீபவர்திந꞉ ।
அபி⁴வாஞ்சி²தபா⁴க்³யஸம்பத³꞉ பரமாயு꞉ ப்ரத³தா³தி ஶங்கர꞉ ॥ 19 ॥

உபமந்யுக்ருதம் ஸ்தவோத்தமம் ப்ரஜபேத்³யஸ்து ஶிவஸ்ய ஸந்நிதௌ⁴ ।
ஶிவலோகமவாப்ய ஸோ(அ)சிராத்ஸஹ தேநைவ ஶிவேந மோத³தே ॥ 20 ॥

இத்யுபமந்யுக்ருதம் ஶிவஸ்தோத்ரம் ஸம்பூர்ணம் ।

Found a Mistake or Error? Report it Now