|| ৱৃন্দাদেৱ্যষ্টকম্ ||
ৱিশ্ৱনাথচক্ৰৱৰ্তী ঠকুৰকৃতম্ ।
গাঙ্গেয়চাম্পেয়তডিদ্ৱিনিন্দিৰোচিঃপ্ৰৱাহস্নপিতাত্মৱৃন্দে ।
বন্ধূকবন্ধুদ্যুতিদিৱ্যৱাসোৱৃন্দে নুমস্তে চৰণাৰৱিন্দম্ ॥
বিম্বাধৰোদিত্ৱৰমন্দহাস্যনাসাগ্ৰমুক্তাদ্যুতিদীপিতাস্যে ।
ৱিচিত্ৰৰত্নাভৰণশ্ৰিয়াঢ্যে ৱৃন্দে নুমস্তে চৰণাৰৱিন্দম্ ॥
সমস্তৱৈকুণ্ঠশিৰোমণৌ শ্ৰীকৃষ্ণস্য ৱৃন্দাৱনধন্যধামিন্ ।
দত্তাধিকাৰে ৱৃষভানুপুত্ৰ্যা ৱৃন্দে নুমস্তে চৰণাৰৱিন্দম্ ॥
ত্ৱদাজ্ঞয়া পল্লৱপুষ্পভৃঙ্গমৃগাদিভিৰ্মাধৱকেলিকুঞ্জাঃ ।
মধ্ৱাদিভিৰ্ভান্তি ৱিভূষ্যমাণাঃ ৱৃন্দে নুমস্তে চৰণাৰৱিন্দম্ ॥
ত্ৱদীয়দৌত্যেন নিকুঞ্জয়ূনোঃ অত্যুৎকয়োঃ কেলিৱিলাসসিদ্ধিঃ ।
ত্ৱৎসৌভগং কেন নিৰুচ্যতাং তদ্ৱৃন্দে নুমস্তে চৰণাৰৱিন্দম্ ॥
ৰাসাভিলাষো ৱসতিশ্চ ৱৃন্দাৱনে ত্ৱদীশাঙ্ঘ্ৰিসৰোজসেৱা ।
লভ্যা চ পুংসাং কৃপয়া তৱৈৱ ৱৃন্দে নুমস্তে চৰণাৰৱিন্দম্ ॥
ত্ৱং কীৰ্ত্যসে সাত্ৱততন্ত্ৰৱিদ্ভিঃ লীলাভিধানা কিল কৃষ্ণশক্তিঃ ।
তৱৈৱ মূৰ্তিস্তুলসী নৃলোকে ৱৃন্দে নুমস্তে চৰণাৰৱিন্দম্ ॥
ভক্ত্যা ৱিহীনা অপৰাধলেশৈঃ ক্ষিপ্তাশ্চ কামাদিতৰঙ্গমধ্যে ।
কৃপাময়ি ত্ৱাং শৰণং প্ৰপন্নাঃ ৱৃন্দে নুমস্তে চৰণাৰৱিন্দম্ ॥
ৱৃন্দাষ্টকং যঃ শৃণুয়াৎপঠেচ্চ ৱৃন্দাৱনাধীশপদাব্জভৃঙ্গঃ ।
স প্ৰাপ্য ৱৃন্দাৱননিত্যৱাসং তৎপ্ৰেমসেৱাং লভতে কৃতাৰ্থঃ ॥
ইতি ৱিশ্ৱনাথচক্ৰৱৰ্তী ঠকুৰকৃতং ৱৃন্দাদেৱ্যষ্টকং সম্পূৰ্ণম্ ।
Read in More Languages:- sanskritवृन्दादेव्यष्टकम्
- teluguవృందాదేవ్యష్టకం
- kannadaವೃಂದಾದೇವ್ಯಷ್ಟಕಂ
- tamilவ்ருʼந்தா³தே³வ்யஷ்டகம்
- malayalamവൃന്ദാദേവ്യഷ്ടകം
- bengaliবৃন্দাদেব্যষ্টকম্
- punjabiਵ੍ਰੁਨ੍ਦਾਦੇਵ੍ਯਸ਼਼੍ਟਕਮ੍
- gujaratiવૃન્દાદેવ્યષ્ટકમ્
- odiaବୃନ୍ଦାଦେବ୍ୟଷ୍ଟକମ୍
Found a Mistake or Error? Report it Now
