വൃന്ദാദേവ്യഷ്ടകം (Vrindadevya Ashtakam Malayalam)

വിശ്വനാഥചക്രവർതീ ഠകുരകൃതം .

ഗാംഗേയചാമ്പേയതഡിദ്വിനിന്ദിരോചിഃപ്രവാഹസ്നപിതാത്മവൃന്ദേ .
ബന്ധൂകബന്ധുദ്യുതിദിവ്യവാസോവൃന്ദേ നുമസ്തേ ചരണാരവിന്ദം ..

ബിംബാധരോദിത്വരമന്ദഹാസ്യനാസാഗ്രമുക്താദ്യുതിദീപിതാസ്യേ .
വിചിത്രരത്നാഭരണശ്രിയാഢ്യേ വൃന്ദേ നുമസ്തേ ചരണാരവിന്ദം ..

സമസ്തവൈകുണ്ഠശിരോമണൗ ശ്രീകൃഷ്ണസ്യ വൃന്ദാവനധന്യധാമിൻ .
ദത്താധികാരേ വൃഷഭാനുപുത്ര്യാ വൃന്ദേ നുമസ്തേ ചരണാരവിന്ദം ..

ത്വദാജ്ഞയാ പല്ലവപുഷ്പഭൃംഗമൃഗാദിഭിർമാധവകേലികുഞ്ജാഃ .
മധ്വാദിഭിർഭാന്തി വിഭൂഷ്യമാണാഃ വൃന്ദേ നുമസ്തേ ചരണാരവിന്ദം ..

ത്വദീയദൗത്യേന നികുഞ്ജയൂനോഃ അത്യുത്കയോഃ കേലിവിലാസസിദ്ധിഃ .
ത്വത്സൗഭഗം കേന നിരുച്യതാം തദ്വൃന്ദേ നുമസ്തേ ചരണാരവിന്ദം ..

രാസാഭിലാഷോ വസതിശ്ച വൃന്ദാവനേ ത്വദീശാംഘ്രിസരോജസേവാ .
ലഭ്യാ ച പുംസാം കൃപയാ തവൈവ വൃന്ദേ നുമസ്തേ ചരണാരവിന്ദം ..

ത്വം കീർത്യസേ സാത്വതതന്ത്രവിദ്ഭിഃ ലീലാഭിധാനാ കില കൃഷ്ണശക്തിഃ .
തവൈവ മൂർതിസ്തുലസീ നൃലോകേ വൃന്ദേ നുമസ്തേ ചരണാരവിന്ദം ..

ഭക്ത്യാ വിഹീനാ അപരാധലേശൈഃ ക്ഷിപ്താശ്ച കാമാദിതരംഗമധ്യേ .
കൃപാമയി ത്വാം ശരണം പ്രപന്നാഃ വൃന്ദേ നുമസ്തേ ചരണാരവിന്ദം ..

വൃന്ദാഷ്ടകം യഃ ശൃണുയാത്പഠേച്ച വൃന്ദാവനാധീശപദാബ്ജഭൃംഗഃ .
സ പ്രാപ്യ വൃന്ദാവനനിത്യവാസം തത്പ്രേമസേവാം ലഭതേ കൃതാർഥഃ ..

ഇതി വിശ്വനാഥചക്രവർതീ ഠകുരകൃതം വൃന്ദാദേവ്യഷ്ടകം സമ്പൂർണം .

Read in More Languages:

Found a Mistake or Error? Report it Now

വൃന്ദാദേവ്യഷ്ടകം