|| ஶ்ரீ கா³யத்ரீ கவசம் – 2 ||
அஸ்ய ஶ்ரீகா³யத்ரீ கவசஸ்ய ப்³ரஹ்மா ருஷி꞉ அநுஷ்டுப் ச²ந்த³꞉ கா³யத்ரீ தே³வதா பூ⁴꞉ பீ³ஜம் பு⁴வ꞉ ஶக்தி꞉ ஸ்வ꞉ கீலகம் ஶ்ரீகா³யத்ரீ ப்ரீத்யர்தே² ஜபே விநியோக³꞉ ।
த்⁴யாநம் –
பஞ்சவக்த்ராம் த³ஶபு⁴ஜாம் ஸூர்யகோடிஸமப்ரபா⁴ம் ।
ஸாவித்ரீ ப்³ரஹ்மவரதா³ம் சந்த்³ரகோடிஸுஶீதளாம் ॥ 1 ॥
த்ரிநேத்ராம் ஸிதவக்த்ராம் ச முக்தாஹாரவிராஜிதாம் ।
வரா(அ)ப⁴யாங்குஶகஶாம் ஹேமபாத்ராக்ஷமாலிகாம் ॥ 2 ॥
ஶங்க²சக்ராப்³ஜயுக³ளம் கராப்⁴யாம் த³த⁴தீ பராம் ।
ஸிதபங்கஜஸம்ஸ்தா² ச ஹம்ஸாரூடா⁴ம் ஸுக²ஸ்மிதாம் ॥ 3 ॥
த்⁴யாத்வைவம் மாநஸாம்போ⁴ஜே கா³யத்ரீகவசம் ஜபேத் ॥ 4 ॥
ப்³ரஹ்மோவாச ।
விஶ்வாமித்ர மஹாப்ராஜ்ஞ கா³யத்ரீகவசம் ஶ்ருணு ।
யஸ்ய விஜ்ஞாநமாத்ரேண த்ரைலோக்யம் வஶயேத் க்ஷணாத் ॥ 5 ॥
ஸாவித்ரீ மே ஶிர꞉ பாது ஶிகா²யாமம்ருதேஶ்வரீ ।
லலாடம் ப்³ரஹ்மதை³வத்யா ப்⁴ருவௌ மே பாது வைஷ்ணவீ ॥ 6 ॥
கர்ணௌ மே பாது ருத்³ராணீ ஸூர்யா ஸாவித்ரிகா(அ)ம்பி³கே ।
கா³யத்ரீ வத³நம் பாது ஶாரதா³ த³ஶநச்ச²தௌ³ ॥ 7 ॥
த்³விஜாந் யஜ்ஞப்ரியா பாது ரஸநாயாம் ஸரஸ்வதீ ।
ஸாங்க்²யாயநீ நாஸிகா மே கபோலம் சந்த்³ரஹாஸிநீ ॥ 8 ॥
சிபு³கம் வேத³க³ர்பா⁴ ச கண்ட²ம் பாத்வக⁴நாஶிநீ ।
ஸ்தநௌ மே பாது இந்த்³ராணீ ஹ்ருத³யம் ப்³ரஹ்மவாதி³நீ ॥ 9 ॥
உத³ரம் விஶ்வபோ⁴க்த்ரீ ச நாபி⁴ம் பாது ஸுரப்ரியா ।
ஜக⁴நம் நாரஸிம்ஹீ ச ப்ருஷ்ட²ம் ப்³ரஹ்மாண்ட³தா⁴ரிணீ ॥ 10 ॥
பார்ஶ்வௌ மே பாது பத்³மாக்ஷீ கு³ஹ்யம் மே கோ³த்ரிகா(அ)வது ।
ஊர்வோரோங்காரரூபா ச ஜாந்வோ꞉ ஸந்த்⁴யாத்மிகா(அ)வது ॥ 11 ॥
ஜங்க⁴யோ꞉ பாது சா(அ)க்ஷோப்⁴யா கு³ள்ப²யோர்ப்³ரஹ்மஶீர்ஷகா ।
ஸூர்யா பத³த்³வயம் பாது சந்த்³ரா பாதா³ங்கு³ளீஷு ச ॥ 12 ॥
ஸர்வாங்க³ம் வேத³மாதா ச பாது மே ஸர்வதா³(அ)நகா⁴ ।
இத்யேதத் கவசம் ப்³ரஹ்மந் கா³யத்ர்யா꞉ ஸர்வபாவநம் ॥ 13 ॥
புண்யம் பவித்ரம் பாபக்⁴நம் ஸர்வரோக³நிவாரணம் ।
த்ரிஸந்த்⁴யம் ய꞉ படே²த்³வித்³வாந் ஸர்வாந் காமாநவாப்நுயாத் ॥ 14 ॥
ஸர்வஶாஸ்த்ரார்த²தத்த்வஜ்ஞ꞉ ஸ ப⁴வேத்³வேத³வித்தம꞉ ।
ஸர்வயஜ்ஞப²லம் புண்யம் ப்³ரஹ்மாந்தே ஸமவாப்நுயாத் ॥ 15 ॥
இதி ஶ்ரீவிஶ்வாமித்ரஸம்ஹிதோக்தம் ஶ்ரீ கா³யத்ரீ கவசம் ।
Found a Mistake or Error? Report it Now
