|| Anjaneya Bhujanga Stotram ||
prasannāṅgarāgaṁ prabhākāñcanāṅgaṁ
jagadbhītaśauryaṁ tuṣārādridhairyam |
tr̥ṇībhūtahētiṁ raṇōdyadvibhūtiṁ
bhajē vāyuputraṁ pavitrāptamitram || 1 ||
bhajē pāvanaṁ bhāvanā nityavāsaṁ
bhajē bālabhānu prabhā cārubhāsam |
bhajē candrikā kunda mandāra hāsaṁ
bhajē santataṁ rāmabhūpāla dāsam || 2 ||
bhajē lakṣmaṇaprāṇarakṣātidakṣaṁ
bhajē tōṣitānēka gīrvāṇapakṣam |
bhajē ghōra saṅgrāma sīmāhatākṣaṁ
bhajē rāmanāmāti samprāptarakṣam || 3 ||
kr̥tābhīlanādhakṣitakṣiptapādaṁ
ghanakrānta bhr̥ṅgaṁ kaṭisthōru jaṅgham |
viyadvyāptakēśaṁ bhujāślēṣitāśmaṁ
jayaśrī samētaṁ bhajē rāmadūtam || 4 ||
caladvālaghātaṁ bhramaccakravālaṁ
kaṭhōrāṭ-ṭahāsaṁ prabhinnābjajāṇḍam |
mahāsiṁhanādā dviśīrṇatrilōkaṁ
bhajē cāñjanēyaṁ prabhuṁ vajrakāyam || 5 ||
raṇē bhīṣaṇē mēghanādē sanādē
sarōṣē samārōpaṇāmitra mukhyē |
khagānāṁ ghanānāṁ surāṇāṁ ca mārgē
naṭantaṁ samantaṁ hanūmantamīḍē || 6 ||
ghanadratna jambhāri dambhōli bhāraṁ
ghanaddanta nirdhūta kālōgradantam |
padāghāta bhītābdhi bhūtādivāsaṁ
raṇakṣōṇidakṣaṁ bhajē piṅgalākṣam || 7 ||
mahāgrāhapīḍāṁ mahōtpātapīḍāṁ
mahārōgapīḍāṁ mahātīvrapīḍām |
haratyastu tē pādapadmānuraktō
namastē kapiśrēṣṭha rāmapriyāya || 8 ||
jarābhāratō bhūri pīḍāṁ śarīrē
nirādhāraṇārūḍha gāḍha pratāpī |
bhavatpādabhaktiṁ bhavadbhaktiraktiṁ
kuru śrīhanūmatprabhō mē dayālō || 9 ||
mahāyōginō brahmarudrādayō vā
na jānanti tattvaṁ nijaṁ rāghavasya |
kathaṁ jñāyatē mādr̥śē nityamēva
prasīda prabhō vānarēndrō namastē || 10 ||
namastē mahāsattvavāhāya tubhyaṁ
namastē mahāvajradēhāya tubhyam |
namastē parībhūta sūryāya tubhyaṁ
namastē kr̥tāmartya kāryāya tubhyam || 11 ||
namastē sadā brahmacaryāya tubhyaṁ
namastē sadā vāyuputrāya tubhyam |
namastē sadā piṅgalākṣāya tubhyaṁ
namastē sadā rāmabhaktāya tubhyam || 12 ||
hanūmadbhujaṅgaprayātaṁ prabhātē
pradōṣē:’pi vā cārdharātrē:’pi martyaḥ |
paṭhannaśnatō:’pi pramuktōghajālō
sadā sarvadā rāmabhaktiṁ prayāti || 13 ||
iti śrīmadāñjanēya bhujaṅgaprayāta stōtram |
Found a Mistake or Error? Report it Now
