|| ಶ್ರೀ ಹನುಮಾನ್ ಮಂಗಳಾಷ್ಟಕಂ ||
ವೈಶಾಖೇ ಮಾಸಿ ಕೃಷ್ಣಾಯಾಂ ದಶಮ್ಯಾಂ ಮಂದವಾಸರೇ |
ಪೂರ್ವಾಭಾದ್ರಾ ಪ್ರಭೂತಾಯ ಮಂಗಳಂ ಶ್ರೀಹನೂಮತೇ || ೧ ||
ಕರುಣಾರಸಪೂರ್ಣಾಯ ಫಲಾಪೂಪಪ್ರಿಯಾಯ ಚ |
ಮಾಣಿಕ್ಯಹಾರಕಂಠಾಯ ಮಂಗಳಂ ಶ್ರೀಹನೂಮತೇ || ೨ ||
ಸುವರ್ಚಲಾಕಳತ್ರಾಯ ಚತುರ್ಭುಜಧರಾಯ ಚ |
ಉಷ್ಟ್ರಾರೂಢಾಯ ವೀರಾಯ ಮಂಗಳಂ ಶ್ರೀಹನೂಮತೇ || ೩ ||
ದಿವ್ಯಮಂಗಳದೇಹಾಯ ಪೀತಾಂಬರಧರಾಯ ಚ |
ತಪ್ತಕಾಂಚನವರ್ಣಾಯ ಮಂಗಳಂ ಶ್ರೀಹನೂಮತೇ || ೪ ||
ಭಕ್ತರಕ್ಷಣಶೀಲಾಯ ಜಾನಕೀಶೋಕಹಾರಿಣೇ |
ಸೃಷ್ಟಿಕಾರಣಭೂತಾಯ ಮಂಗಳಂ ಶ್ರೀಹನೂಮತೇ || ೫ ||
ರಂಭಾವನವಿಹಾರಾಯ ಗಂಧಮಾದನವಾಸಿನೇ |
ಸರ್ವಲೋಕೈಕನಾಥಾಯ ಮಂಗಳಂ ಶ್ರೀಹನೂಮತೇ || ೬ ||
ಪಂಚಾನನಾಯ ಭೀಮಾಯ ಕಾಲನೇಮಿಹರಾಯ ಚ |
ಕೌಂಡಿನ್ಯಗೋತ್ರಜಾತಾಯ ಮಂಗಳಂ ಶ್ರೀಹನೂಮತೇ || ೭ ||
ಕೇಸರೀಪುತ್ರ ದಿವ್ಯಾಯ ಸೀತಾನ್ವೇಷಪರಾಯ ಚ |
ವಾನರಾಣಾಂ ವರಿಷ್ಠಾಯ ಮಂಗಳಂ ಶ್ರೀಹನೂಮತೇ || ೮ ||
ಇತಿ ಶ್ರೀ ಹನುಮಾನ್ ಮಂಗಳಾಷ್ಟಕಮ್ |
Found a Mistake or Error? Report it Now
