|| ஶ்ரீ ஸூர்யநாராயண ஷோட³ஶோபசார பூஜா ||
புந꞉ ஸங்கல்பம் –
பூர்வோக்த ஏவம் கு³ணவிஶேஷண விஶிஷ்டாயாம் ஶுப⁴ திதௌ², மம ஶரீரே வர்தமாந வர்திஷ்யமாந வாத பித்த கபோ²த்³ப⁴வ நாநா காரண ஜநித ஜ்வர க்ஷய பாண்டு³ குஷ்ட² ஶூலா(அ)திஸார தா⁴துக்ஷய வ்ரண மேஹ ப⁴க³ந்த³ராதி³ ஸமஸ்த ரோக³ நிவாரணார்த²ம், பூ⁴த ப்³ரஹ்ம ஹத்யாதி³ ஸமஸ்த பாப நிவ்ருத்த்யர்த²ம், க்ஷிப்ரமேவ ஶரீராரோக்³ய ஸித்³த்⁴யர்த²ம், ஹரிஹரப்³ரஹ்மாத்மகஸ்ய, மித்ராதி³ த்³வாத³ஶநாமாதி⁴பஸ்ய, அருணாதி³ த்³வாத³ஶ மாஸாதி⁴பஸ்ய, த்³வாத³ஶாவரண ஸஹிதஸ்ய, த்ரயீமூர்தேர்ப⁴க³வத꞉ ஶ்ரீ உஷாபத்³மிநீசா²யா ஸமேத ஶ்ரீ ஸூர்யநாராயண ஸ்வாமி பரப்³ரஹ்மண꞉ ப்ரஸாத³ ஸித்³த்⁴யர்த²ம், ஶ்ரீ ஸூர்யநாராயண ஸ்வாமி தே³வதாம் உத்³தி³ஶ்ய, ஸம்ப⁴வத்³பி⁴꞉ த்³ரவ்யை꞉, ஸம்ப⁴வித நியமேந, ஸம்ப⁴வித ப்ரகாரேண புருஷஸூக்த விதா⁴நேந யாவச்ச²க்தி த்⁴யாந ஆவாஹநாதி³ ஷோட³ஶோபசார பூஜாம் கரிஷ்யே ॥
அஸ்மின் பி³ம்பே³ ஸபரிவார ஸமேத பத்³மிநீ உஷா சா²யா ஸமேத ஶ்ரீ ஸவித்ரு ஸூர்யநாராயண ஸ்வாமிநம் ஆவாஹயாமி ஸ்தா²பயாமி பூஜயாமி ॥
ப்ராணப்ரதிஷ்ட² –
ஓம் அஸு॑நீதே॒ புந॑ர॒ஸ்மாஸு॒ சக்ஷு॒:
புந॑: ப்ரா॒ணமி॒ஹ நோ᳚ தே⁴ஹி॒ போ⁴க³᳚ம் ।
ஜ்யோக்ப॑ஶ்யேம॒ ஸூர்ய॑மு॒ச்சர᳚ந்த॒
மநு॑மதே ம்ரு॒ட³யா᳚ ந꞉ ஸ்வ॒ஸ்தி ।
அ॒ம்ருதம்॒ வை ப்ரா॒ணா அ॒ம்ருத॒மாப॑:
ப்ரா॒ணாநே॒வ ய॑தா²ஸ்தா²॒நமுப॑ஹ்வயதே ॥
ஆவாஹிதோ ப⁴வ ஸ்தா²பிதோ ப⁴வ ।
ஸுப்ரஸந்நோ ப⁴வ வரதோ³ ப⁴வ ।
த்⁴யாநம் –
த்⁴யேய꞉ஸதா³ ஸவித்ருமண்ட³லமத்⁴யவர்தீ
நாராயணஸ்ஸரஸிஜாஸந ஸந்நிவிஷ்ட꞉ ।
கேயூரவான் மகரகுண்ட³லவான் கிரீடீ
ஹாரீ ஹிரண்மயவபு꞉ த்⁴ருதஶங்க²சக்ர꞉ ॥ 1 ॥
அருணோ(அ)ருணபங்கஜே நிஷண்ண꞉
கமலே(அ)பீ⁴திவரௌ கரைர்த³தா⁴ந꞉ ।
ஸ்வருசாஹித மண்ட³லஸ்த்ரிநேத்ரோ
ரவிராகல்ப ஶதாகுலோ(அ)வதாந்ந꞉ ॥ 2 ॥
பத்³மாஸந꞉ பத்³மகர꞉ பத்³மக³ர்ப⁴ஸமத்³யுதி꞉ ।
ஸப்தாஶ்வ꞉ ஸப்தரஜ்ஜுஶ்ச த்³விபு⁴ஜ꞉ ஸ்யாத் ஸதா³ ரவி꞉ ॥ 3 ॥
ஓம் ஶ்ரீ ஸூர்யநாராயணாய நம꞉ த்⁴யாயாமி ।
ஆவாஹநம் –
ஸ॒ஹஸ்ர॑ஶீர்ஷா॒ புரு॑ஷ꞉ ।
ஸ॒ஹ॒ஸ்ரா॒க்ஷ꞉ ஸ॒ஹஸ்ர॑பாத் ।
ஸ பூ⁴மிம்॑ வி॒ஶ்வதோ॑ வ்ரு॒த்வா ।
அத்ய॑திஷ்ட²த்³த³ஶாங்கு³॒லம் ।
ஆக³ச்ச² ப⁴க³வன் ஸூர்ய மண்ட³பே ச ஸ்தி²ரோ ப⁴வ ।
யாவத்பூஜா ஸமாப்யேத தாவத்த்வம் ஸந்நிதௌ⁴ ப⁴வ ॥
ஓம் ஶ்ரீ ஸூர்யநாராயணாய நம꞉ ஆவாஹயாமி ।
ஆஸநம் –
புரு॑ஷ ஏ॒வேத³க்³ம் ஸர்வம்᳚ ।
யத்³பூ⁴॒தம் யச்ச॒ ப⁴வ்யம்᳚ ।
உ॒தாம்ரு॑த॒த்வஸ்யேஶா॑ந꞉ ।
ய॒த³ந்நே॑நாதி॒ரோஹ॑தி ॥
ஹேமாஸந மஹத்³தி³வ்யம் நாநாரத்நவிபூ⁴ஷிதம் ।
த³த்தம் மே க்³ருஹ்யதாம் தே³வ தி³வாகர நமோ(அ)ஸ்து தே ॥
ஓம் ஶ்ரீ ஸூர்யநாராயணாய நம꞉ நவரத்நக²சித ஸுவர்ண ஸிம்ஹாஸநம் ஸமர்பயாமி ।
பாத்³யம் –
ஏ॒தாவா॑நஸ்ய மஹி॒மா ।
அதோ॒ ஜ்யாயாக்³॑ஶ்ச॒ பூரு॑ஷ꞉ ।
பாதோ³᳚(அ)ஸ்ய॒ விஶ்வா॑ பூ⁴॒தாநி॑ ।
த்ரி॒பாத³॑ஸ்யா॒ம்ருதம்॑ தி³॒வி ॥
க³ங்கா³ஜல ஸமாநீதம் பரமம் பாவநம் மஹத் ।
பாத்³யம் க்³ருஹாண தே³வேஶ தா⁴மரூப நமோ(அ)ஸ்து தே ॥
ஓம் ஶ்ரீ ஸூர்யநாராயணாய நம꞉ பாத³யோ꞉ பாத்³யம் ஸமர்பயாமி ।
அர்க்⁴யம் –
த்ரி॒பாதூ³॒ர்த்⁴வ உதை³॒த்புரு॑ஷ꞉ ।
பாதோ³᳚(அ)ஸ்யே॒ஹா(ஆ)ப⁴॑வா॒த்புந॑: ।
ததோ॒ விஷ்வ॒ங்வ்ய॑க்ராமத் ।
ஸா॒ஶ॒நா॒ந॒ஶ॒நே அ॒பி⁴ ॥
போ⁴ ஸூர்ய மஹாத்³பு⁴த ப்³ரஹ்மவிஷ்ணுஸ்வரூபத்³ருக் ।
அர்க்⁴யம் அஞ்ஜலிநா த³த்தம் க்³ருஹாண பரமேஶ்வர ॥
ஓம் ஶ்ரீ ஸூர்யநாராயணாய நம꞉ ஹஸ்தயோ꞉ அர்க்⁴யம் ஸமர்பயாமி ।
ஆசமநீயம் –
தஸ்மா᳚த்³வி॒ராட³॑ஜாயத ।
வி॒ராஜோ॒ அதி⁴॒ பூரு॑ஷ꞉ ।
ஸ ஜா॒தோ அத்ய॑ரிச்யத ।
ப॒ஶ்சாத்³பூ⁴மி॒மதோ²॑ பு॒ர꞉ ॥
க³ங்கா³தி³தீர்த²ஜம் தோயம் ஜாதீபுஷ்பைஶ்ச வாஸிதம் ।
தாம்ரபாத்ரே ஸ்தி²தம் தி³வ்யம் க்³ருஹாணாசமநீயகம் ॥
ஓம் ஶ்ரீ ஸூர்யநாராயணாய நம꞉ முகே² ஆசமநீயம் ஸமர்பயாமி ।
பஞ்சாம்ருத ஸ்நாநம் –
க்ஷீரம் த³தி⁴ க்⁴ருதம் சைவ மது⁴ஶர்கரயாந்விதம் ।
பஞ்சாம்ருதம் க்³ருஹாணேத³ம் ஜக³ந்நாத² நமோ(அ)ஸ்து தே ॥
கோ³க்ஷீரேண ஸமர்பயாமி த³தி⁴நா க்ஷௌத்³ரேண கோ³ ஸர்பிஷா
ஸ்நாநம் ஶர்கரயா தவாஹ மது⁴நா ஶ்ரீ நாரிகேலோத³கை꞉ ।
ஸ்வச்சை²ஶ்சேக்ஷுரஸைஶ்ச கல்பிதமித³ம் தத்த்வம் க்³ருஹாணார்க போ⁴
அஜ்ஞாநாந்த⁴ தமிஸ்ரஹன் ஹ்ருதி³ ப⁴ஜே ஶ்ரீ ஸூர்யநாராயணம் ॥
ஓம் ஶ்ரீ ஸூர்யநாராயணாய நம꞉ பஞ்சாம்ருத ஸ்நாநம் ஸமர்பயாமி ।
ஶுத்³தோ⁴த³க ஸ்நாநம் –
யத்புரு॑ஷேண ஹ॒விஷா᳚ ।
தே³॒வா ய॒ஜ்ஞமத॑ந்வத ।
வ॒ஸ॒ந்தோ அ॑ஸ்யாஸீ॒தா³ஜ்யம்᳚ ।
க்³ரீ॒ஷ்ம இ॒த்⁴மஶ்ஶ॒ரத்³த⁴॒வி꞉ ॥
க³ங்கா³ கோ³தா³வரீ சைவ யமுநா ச ஸரஸ்வதீ ।
நர்மதா³ ஸிந்து⁴꞉ காவேரீ தாப்⁴யம் ஸ்நாநார்த²மாஹ்ருதம் ॥
ஓம் ஶ்ரீ ஸூர்யநாராயணாய நம꞉ ஶுத்³தோ⁴த³க ஸ்நாநம் ஸமர்பயாமி ।
ஸ்நாநாநந்தரம் ஶுத்³த⁴ ஆசமநீயம் ஸமர்பயாமி ।
வஸ்த்ரம் –
ஸ॒ப்தாஸ்யா॑ஸந்பரி॒த⁴ய॑: ।
த்ரி꞉ ஸ॒ப்த ஸ॒மித⁴॑: க்ரு॒தா꞉ ।
தே³॒வா யத்³ய॒ஜ்ஞம் த॑ந்வா॒நா꞉ ।
அப³॑த்⁴ந॒ந்புரு॑ஷம் ப॒ஶும் ॥
ரக்தபட்டயுக³ம் தே³வ ஸூக்ஷ்மதந்துவிநிர்மிதம் ।
ஶுத்³த⁴ம் சைவ மயா த³த்தம் க்³ருஹாண கமலாகர ॥
ஓம் ஶ்ரீ ஸூர்யநாராயணாய நம꞉ வஸ்த்ரயுக்³மம் ஸமர்பயாமி ।
யஜ்ஞோபவீதம் –
தம் ய॒ஜ்ஞம் ப³॒ர்ஹிஷி॒ ப்ரௌக்ஷந்॑ ।
புரு॑ஷம் ஜா॒தம॑க்³ர॒த꞉ ।
தேந॑ தே³॒வா அய॑ஜந்த ।
ஸா॒த்⁴யா ருஷ॑யஶ்ச॒ யே ॥
நம꞉ கமலஹஸ்தாய விஶ்வரூபாய தே நம꞉ ।
உபவீதம் மயா த³த்தம் தத்³க்³ருஹாண தி³வாகர ॥
ஓம் ஶ்ரீ ஸூர்யநாராயணாய நம꞉ யஜ்ஞோபவீதம் ஸமர்பயாமி ।
க³ந்த⁴ம் –
தஸ்மா᳚த்³ய॒ஜ்ஞாத்ஸ॑ர்வ॒ஹுத॑: ।
ஸம்ப்⁴ரு॑தம் ப்ருஷதா³॒ஜ்யம் ।
ப॒ஶூக்³ஸ்தாக்³ஶ்ச॑க்ரே வாய॒வ்யாந்॑ ।
ஆ॒ர॒ண்யாந்க்³ரா॒ம்யாஶ்ச॒ யே ॥
குங்குமாகு³ருகஸ்தூரீ ஸுக³ந்தோ⁴ஶ்சந்த³நாதி³பி⁴꞉ ।
ரக்தசந்த³நஸம்யுக்தம் க³ந்த⁴ம் க்³ருஹ்ணீஷ்வ பா⁴ஸ்கர ॥
ஓம் ஶ்ரீ ஸூர்யநாராயணாய நம꞉ தி³வ்ய ஶ்ரீ சந்த³நம் ஸமர்பயாமி ।
அக்ஷதான் –
தஸ்மா᳚த்³ய॒ஜ்ஞாத்ஸ॑ர்வ॒ஹுத॑: ।
ருச॒: ஸாமா॑நி ஜஜ்ஞிரே ।
ச²ந்தா³க்³ம்॑ஸி ஜஜ்ஞிரே॒ தஸ்மா᳚த் ।
யஜு॒ஸ்தஸ்மா॑த³ஜாயத ॥
ரக்தசந்த³நஸம்மிஶ்ரா꞉ அக்ஷதாஶ்ச ஸுஶோப⁴நா꞉ ।
மயா த³த்தம் க்³ருஹாண த்வம் வரதோ³ ப⁴வ பா⁴ஸ்கர ॥
ஓம் ஶ்ரீ ஸூர்யநாராயணாய நம꞉ அக்ஷதான் ஸமர்பயாமி ।
புஷ்பாணி –
தஸ்மா॒த³ஶ்வா॑ அஜாயந்த ।
யே கே சோ॑ப⁴॒யாத³॑த꞉ ।
கா³வோ॑ ஹ ஜஜ்ஞிரே॒ தஸ்மா᳚த் ।
தஸ்மா᳚ஜ்ஜா॒தா அ॑ஜா॒வய॑: ॥
ஜபாகத³ம்ப³குஸுமரக்தோத்பலயுதாநி ச ।
புஷ்பாணி க்³ருஹ்யதாம் தே³வ ஸர்வகாமப்ரதோ³ ப⁴வ꞉ ॥
ஓம் ஶ்ரீ ஸூர்யநாராயணாய நம꞉ நாநாவித⁴ பரிமள புஷ்பாணி ஸமர்பயாமி ।
அங்க³பூஜா –
ஓம் மித்ராய நம꞉ – பாதௌ³ பூஜயாமி ।
ஓம் ரவயே நம꞉ – ஜங்கே⁴ பூஜயாமி ।
ஓம் ஸூர்யாய நம꞉ – ஜாநுநீ பூஜயாமி ।
ஓம் க²கா³ய நம꞉ – ஊரூ பூஜயாமி ।
ஓம் ஹிரண்யக³ர்பா⁴ய நம꞉ – கடிம் பூஜயாமி ।
ஓம் பூஷ்ணே நம꞉ – கு³ஹ்யம் பூஜயாமி ।
ஓம் மரீசயே நம꞉ – நாபி⁴ம் பூஜயாமி ।
ஓம் ஆதி³த்யாய நம꞉ – ஜட²ரம் பூஜயாமி ।
ஓம் ஸவித்ரே நம꞉ – ஹ்ருத³யம் பூஜயாமி ।
ஓம் அர்காய நம꞉ – ஸ்தநௌ பூஜயாமி ।
ஓம் பா⁴ஸ்கராய நம꞉ – கண்ட²ம் பூஜயாமி ।
ஓம் அர்யம்ணே நம꞉ – ஸ்கந்தௌ⁴ பூஜயாமி ।
ஓம் ஹம்ஸாய நம꞉ – ஹஸ்தௌ பூஜயாமி ।
ஓம் அஹஸ்கராய நம꞉ – முகௌ² பூஜயாமி ।
ஓம் ப்³ரத்⁴நே நம꞉ – நாஸிகாம் பூஜயாமி ।
ஓம் ஜக³தே³கசக்ஷுஷே நம꞉ – நேத்ராணி பூஜயாமி ।
ஓம் பா⁴நவே நம꞉ – கர்ணௌ பூஜயாமி ।
ஓம் த்ரிகு³ணாத்மதா⁴ரிணே நம꞉ – லலாடம் பூஜயாமி ।
ஓம் விரிஞ்சிநாராயணாய நம꞉ – ஶிர꞉ பூஜயாமி ।
ஓம் திமிரநாஶிநே நம꞉ – ஸர்வாண்யங்கா³நி பூஜயாமி ।
ஓம் ஶ்ரீஸூர்யநாராயணாய நம꞉ அங்க³பூஜாம் ஸமர்பயாமி ।
த்³வாத³ஶ நாமபூஜா –
ஓம் ஆதி³த்யாய நம꞉ ।
ஓம் தி³வாகராய நம꞉ ।
ஓம் பா⁴ஸ்கராய நம꞉ ।
ஓம் ப்ரபா⁴கராய நம꞉ ।
ஓம் ஸஹஸ்ராம்ஶவே நம꞉ ।
ஓம் த்ரிலோசநாய நம꞉ ।
ஓம் ஹரித³ஶ்வாய நம꞉ ।
ஓம் விபா⁴வஸவே நம꞉ ।
ஓம் தி³நகராய நம꞉ ।
ஓம் த்³வாத³ஶாத்மகாய நம꞉ ।
ஓம் த்ரிமூர்தயே நம꞉ ।
ஓம் ஸூர்யாய நம꞉ ॥ 12
அத² அஷ்டோத்தரஶதநாம பூஜா –
ஶ்ரீ ஸூர்ய அஷ்டோத்தரஶதநாமாவளீ பஶ்யது ॥
தூ⁴பம் –
யத்புரு॑ஷம்॒ வ்ய॑த³து⁴꞉ ।
க॒தி॒தா⁴ வ்ய॑கல்பயன் ।
முக²ம்॒ கிம॑ஸ்ய॒ கௌ பா³॒ஹூ ।
காவூ॒ரூ பாதா³॑வுச்யேதே ॥
த³ஶாங்கோ³கு³க்³கு³ளோத்³பூ⁴த꞉ காலாக³ருஸமந்வித꞉ ।
ஆக்⁴ரேய꞉ ஸர்வதே³வாநாம் தூ⁴போ(அ)யம் ப்ரதிக்³ருஹ்யதாம் ॥
ஓம் ஶ்ரீ ஸூர்யநாராயணாய நம꞉ தூ⁴பம் ஆக்⁴ராபயாமி ।
தீ³பம் –
ப்³ரா॒ஹ்ம॒ணோ᳚(அ)ஸ்ய॒ முக²॑மாஸீத் ।
பா³॒ஹூ ரா॑ஜ॒ந்ய॑: க்ரு॒த꞉ ।
ஊ॒ரூ தத³॑ஸ்ய॒ யத்³வைஶ்ய॑: ।
ப॒த்³ப்⁴யாக்³ம் ஶூ॒த்³ரோ அ॑ஜாயத ॥
கார்பாஸவர்திகாயுக்தம் கோ³க்⁴ருதேந ஸமந்விதம் ।
தீ³பம் க்³ருஹாண தே³வேஶ த்ரைலோக்யதிமிராபஹ ॥
ஓம் ஶ்ரீ ஸூர்யநாராயணாய நம꞉ தீ³பம் த³ர்ஶயாமி ।
நைவேத்³யம் –
ச॒ந்த்³ரமா॒ மந॑ஸோ ஜா॒த꞉ ।
சக்ஷோ॒: ஸூர்யோ॑ அஜாயத ।
முகா²॒தி³ந்த்³ர॑ஶ்சா॒க்³நிஶ்ச॑ ।
ப்ரா॒ணாத்³வா॒யுர॑ஜாயத ॥
பாயஸம் க்⁴ருதஸம்யுக்தம் நாநா பக்வாந்நஸம்யுதம் ।
நைவேத்³யம் ச மயா த³த்தம் ஶாந்திம் குரு ஜக³த்பதே ॥
ஓம் ஶ்ரீ ஸூர்யநாராயணாய நம꞉ நைவேத்³யம் ஸமர்பயாமி ।
ஓம் பூ⁴ர்பு⁴வ॒ஸ்ஸுவ॑: । தத்ஸ॑வி॒துர்வரே᳚ண்யம்॒ ப⁴ர்கோ³॑ தே³॒வஸ்ய॑ தீ⁴மஹி ।
தி⁴யோ॒ யோ ந॑: ப்ரசோ॒த³யா᳚த் ॥
ஸத்யம் த்வா ருதேந பரிஷிஞ்சாமி ।
(ஸாயங்காலே – ருதம் த்வா ஸத்யேந பரிஷிஞ்சாமி)
அம்ருதமஸ்து । அ॒ம்ரு॒தோ॒ப॒ஸ்தர॑ணமஸி ।
ஓம் ப்ரா॒ணாய॒ ஸ்வாஹா᳚ । ஓம் அ॒பா॒நாய॒ ஸ்வாஹா᳚ ।
ஓம் வ்யா॒நாய॒ ஸ்வாஹா᳚ । ஓம் உ॒தா³॒நாய॒ ஸ்வாஹா᳚ ।
ஓம் ஸ॒மா॒நாய॒ ஸ்வாஹா᳚ ।
மத்⁴யே மத்⁴யே பாநீயம் ஸமர்பயாமி ।
அ॒ம்ரு॒தா॒பி॒தா⁴॒நம॑ஸி । உத்தராபோஶநம் ஸமர்பயாமி ।
ஹஸ்தௌ ப்ரக்ஷாலயாமி । பாதௌ³ ப்ரக்ஷாலயாமி ।
ஶுத்³தா⁴சமநீயம் ஸமர்பயாமி ।
ருதுப²லம் –
இத³ம் ப²லம் மயா த³த்தம் ம்ருது³ளம் மது⁴ரம் ஶுசிம் ।
தே³வார்ஹம் ஸ்வீகுரு ஸ்வாமின் ஸம்பூர்ணப²லதோ³ ப⁴வ ॥
ஓம் ஶ்ரீ ஸூர்யநாராயணாய நம꞉ ருதுப²லம் ஸமர்பயாமி ।
தாம்பூ³லம் –
நாப்⁴யா॑ ஆஸீத³॒ந்தரி॑க்ஷம் ।
ஶீ॒ர்ஷ்ணோ த்³யௌ꞉ ஸம॑வர்தத ।
ப॒த்³ப்⁴யாம் பூ⁴மி॒ர்தி³ஶ॒: ஶ்ரோத்ரா᳚த் ।
ததா²॑ லோ॒காக்³ம் அ॑கல்பயன் ॥
ஏலாலவங்க³கர்பூரக²தி³ரைஶ்ச ஸபூக³கை꞉ ।
நாக³வல்லீத³ளைர்யுக்தம் தாம்பூ³லம் ப்ரதிக்³ருஹ்யதாம் ॥
ஓம் ஶ்ரீ ஸூர்யநாராயணாய நம꞉ தாம்பூ³லம் ஸமர்பயாமி ।
நீராஜநம் –
வேதா³॒ஹமே॒தம் புரு॑ஷம் ம॒ஹாந்தம்᳚ ।
ஆ॒தி³॒த்யவ॑ர்ணம்॒ தம॑ஸ॒ஸ்து பா॒ரே ।
ஸர்வா॑ணி ரூ॒பாணி॑ வி॒சித்ய॒ தீ⁴ர॑: ।
நாமா॑நி க்ரு॒த்வா(அ)பி⁴॒வத³॒ந்॒ யதா³ஸ்தே᳚ ॥
பஞ்சவர்திஸமாயுக்தம் ஸர்வமங்க³ளதா³யகம் ।
நீராஜநம் க்³ருஹாணேத³ம் ஸர்வஸௌக்²யகரோ ப⁴வ꞉ ॥
ஓம் ஶ்ரீ ஸூர்யநாராயணாய நம꞉ கர்பூர நீராஜநம் ஸமர்பயாமி ।
நீராஜநாநந்தரம் ஶுத்³தா⁴சமநீயம் ஸமர்பயாமி । நமஸ்கரோமி ।
மந்த்ரபுஷ்பம் –
[ விஶேஷ மந்த்ரபுஷ்பம் பஶ்யது ॥ ]
தா⁴॒தா பு॒ரஸ்தா॒த்³யமு॑தா³ஜ॒ஹார॑ ।
ஶ॒க்ர꞉ ப்ரவி॒த்³வாந்ப்ர॒தி³ஶ॒ஶ்சத॑ஸ்ர꞉ ।
தமே॒வம் வி॒த்³வாந॒ம்ருத॑ இ॒ஹ ப⁴॑வதி ।
நாந்ய꞉ பந்தா²॒ அய॑நாய வித்³யதே ॥
ஓம் பா⁴॒ஸ்க॒ராய॑ வி॒த்³மஹே॑ மஹத்³த்³யுதிக॒ராய॑ தீ⁴மஹி ।
தந்நோ॑ ஆதி³த்ய꞉ ப்ரசோ॒த³யா᳚த் ॥
சம்பகை꞉ ஶதபத்ரைஶ்ச கல்ஹாரை꞉ கரவீரகை꞉ ।
பாடலைர்ப³குலைர்யுக்தம் க்³ருஹாண குஸுமாஞ்ஜலிம் ॥
ஓம் ஶ்ரீ ஸூர்யநாராயணாய நம꞉ ஸுவர்ண தி³வ்ய மந்த்ரபுஷ்பம் ஸமர்பயாமி ।
ப்ரத³க்ஷிண நமஸ்காரம் –
யாநி காநி ச பாபாநி ஜந்மாந்தரக்ருதாநி ச ।
தாநி தாநி விநஶ்யந்தி ப்ரத³க்ஷிண பதே³ பதே³ ॥
பாபோ(அ)ஹம் பாபகர்மா(அ)ஹம் பாபாத்மா பாபஸம்ப⁴வ ।
த்ராஹி மாம் க்ருபயா தே³வ ஶரணாக³தவத்ஸலா ॥
அந்யதா² ஶரணம் நாஸ்தி த்வமேவ ஶரணம் மம ।
தஸ்மாத்காருண்ய பா⁴வேந ரக்ஷ ரக்ஷ ஜநார்த³ந ॥
ஓம் ஶ்ரீ ஸூர்யநாராயணாய நம꞉ ப்ரத³க்ஷிண நமஸ்காரான் ஸமர்பயாமி ।
ஸாஷ்டாங்க³ நமஸ்காரம் –
உத்³யந்நத்³யவிவஸ்வாநாரோஹந்நுத்தராம் தி³வம் தே³வ꞉ ।
ஹ்ருத்³ரோக³ம் மம ஸூர்யோ ஹரிமாணம் சா(ஆ)ஶு நாஶயது ॥
ஓம் ஶ்ரீ ஸூர்யநாராயணாய நம꞉ ஸாஷ்டாங்க³ நமஸ்காரான் ஸமர்பயாமி ।
த்³வாத³ஶார்க்⁴யாணி –
தி³வாகர நமஸ்துப்⁴யம் பாபம் நாஶய பா⁴ஸ்கர ।
த்ரயீமயாய விஶ்வாத்மன் க்³ருஹாணார்க்⁴யம் நமோ(அ)ஸ்து தே ॥
ஸிந்தூ³ரவர்ணாய ஸுமண்ட³லாய
நமோ(அ)ஸ்து வஜ்ராப⁴ரணாய துப்⁴யம் ।
பத்³மாப⁴நேத்ராய ஸுபங்கஜாய
ப்³ரஹ்மேந்த்³ரநாராயணகாரணாய ॥
ஸரக்தவர்ணம் ஸஸுவர்ணதோயம்
ஸகுங்குமாத்³யம் ஸகுஶம் ஸபுஷ்பம் ।
ப்ரத³த்தமாதா³ய ஸஹேமபாத்ரம்
ப்ரஶஸ்தமர்க்⁴யம் ப⁴க³வன் ப்ரஸீத³ ॥
ஓம் மித்ராய நம꞉ இத³மர்க்⁴யம் ஸமர்பயாமி । 1
ஓம் ரவயே நம꞉ இத³மர்க்⁴யம் ஸமர்பயாமி । 2
ஓம் ஸூர்யாய நம꞉ இத³மர்க்⁴யம் ஸமர்பயாமி । 3
ஓம் பா⁴நவே நம꞉ இத³மர்க்⁴யம் ஸமர்பயாமி । 4
ஓம் க²கா³ய நம꞉ இத³மர்க்⁴யம் ஸமர்பயாமி । 5
ஓம் பூஷ்ணே நம꞉ இத³மர்க்⁴யம் ஸமர்பயாமி । 6
ஓம் ஹிரண்யக³ர்பா⁴ய நம꞉ இத³மர்க்⁴யம் ஸமர்பயாமி । 7
ஓம் மரீசயே நம꞉ இத³மர்க்⁴யம் ஸமர்பயாமி । 8
ஓம் ஆதி³த்யாய நம꞉ இத³மர்க்⁴யம் ஸமர்பயாமி । 9
ஓம் ஸவித்ரே நம꞉ இத³மர்க்⁴யம் ஸமர்பயாமி । 10
ஓம் அர்காய நம꞉ இத³மர்க்⁴யம் ஸமர்பயாமி । 11
ஓம் பா⁴ஸ்கராய நம꞉ இத³மர்க்⁴யம் ஸமர்பயாமி ॥ 12
ப்ரார்த²ந –
விநதாதநயோ தே³வ꞉ ஸர்வஸாக்ஷீ ஜக³த்பதி꞉ ।
ஸப்தாஶ்வ꞉ ஸப்தரஜ்ஜுஶ்ச அருணோ மே ப்ரஸீத³து ॥
நம꞉ பங்கஜஹஸ்தாய நம꞉ பங்கஜமாலிநே
நம꞉ பங்கஜநேத்ராய பா⁴ஸ்கராய நமோ நம꞉ ।
நமஸ்தே பத்³மஹஸ்தாய நமஸ்தே வேத³மூர்தயே
நமஸ்தே தே³வதே³வேஶ நமஸ்தே ஸர்வகாமத³ ॥
க்ஷமா ப்ரார்த²ந –
மந்த்ரஹீநம் க்ரியாஹீநம் ப⁴க்திஹீநம் ஜநார்த³ந ।
யத்பூஜிதம் மயா தே³வ பரிபூர்ணம் தத³ஸ்து தே ॥
அஜ்ஞாநாத்³வா ப்ரமாதா³த்³வா வைகல்யாத்ஸாத⁴நஸ்ய வா ।
யந்ந்யூநமதிரிக்தம் ச தத்ஸர்வம் க்ஷந்துமர்ஹஸி ॥
யஸ்ய ஸ்ம்ருத்யா ச நாமோக்த்யா தப꞉ பூஜா க்ரியாதி³ஷு ।
ந்யூநம் ஸம்பூர்ணதாம் யாதி ஸத்³யோ வந்தே³ தமச்யுதம் ॥
ஸமர்பண –
காயேந வாசா மநஸேந்த்³ரியைர்வா
பு³த்³த்⁴யாத்மநா வா ப்ரக்ருதே꞉ ஸ்வபா⁴வாத் ।
கரோமி யத்³யத்ஸகலம் பரஸ்மை
நாராயணாயேதி ஸமர்பயாமி ॥
அநேந மயா க்ருத புருஷஸூக்த விதா⁴ந பூர்வக த்⁴யாந ஆவாஹநாதி³ ஷோட³ஶோபசார பூஜநேந ஸபரிவார ஸமேத பத்³மிநீ உஷா சா²யா ஸமேத ஶ்ரீ ஸவித்ரு ஸூர்யநாராயண ஸ்வாமி ஸுப்ரீதா ஸுப்ரஸந்நா வரதா³ ப⁴வந்து ॥
தீர்த²ப்ரஸாத³ க்³ரஹணம் –
அகாலம்ருத்யஹரணம் ஸர்வவ்யாதி⁴நிவாரணம் ।
ஸமஸ்தபாபக்ஷயகரம் ஶ்ரீ ஸூர்யநாராயண பாதோ³த³கம் பாவநம் ஶுப⁴ம் ॥
ஓம் ஶ்ரீ ஸூர்யநாராயணாய நம꞉ ப்ரஸாத³ம் ஶிரஸா க்³ருஹ்ணாமி ।
ஓம் ஶாந்தி॒: ஶாந்தி॒: ஶாந்தி॑: ॥
Found a Mistake or Error? Report it Now
