|| Duswapna Nashaka Bala Kavacham ||
bālārkamaṇḍalābhāsāṁ caturbāhuṁ trilōcanām |
pāśāṅkuśavarābhītīrdhārayantīṁ śivāṁ bhajē || 1 ||
pūrvasyāṁ bhairavī pātu bālā māṁ pātu dakṣiṇē |
mālinī paścimē pātu vāsinī cōttarē:’vatu || 2 ||
ūrdhvaṁ pātu mahādēvī śrībālā tripurēśvarī |
adhastātpātu dēvēśī pātālatalavāsinī || 3 ||
ādhārē vāgbhavaḥ pātu kāmarājastathā hr̥di |
mahāvidyā bhagavatī pātu māṁ paramēśvarī || 4 ||
aiṁ laṁ lalāṭē māṁ pāyāt hrauṁ hrīṁ haṁsaśca nētrayōḥ |
nāsikā karṇayōḥ pātu hrīṁ hrauṁ tu cibukē tathā || 5 ||
sauḥ pātu mē hr̥di galē hrīṁ hraḥ nābhidēśakē |
sauḥ klīṁ śrīṁ guhyadēśē tu aiṁ hrīṁ pātu ca pādayōḥ || 6 ||
hrīṁ klīṁ māṁ sarvataḥ pātu sauḥ pāyāt padasandhiṣu |
jalē sthalē tathā kōśē dēvarājagr̥hē tathā || 7 ||
kṣēṁ kṣēṁ māṁ tvaritā pātu māṁ cakrī sauḥ manōbhavā |
haṁsauḥ pāyānmahādēvī paraṁ niṣkaladēvatā || 8 ||
vijayā maṅgalā dūtī kalpā māṁ bhagamālinī |
jvālāmālinī nityā sarvadā pātu māṁ śivā || 9 ||
itīdaṁ kavacaṁ dēvi dēvānāmapi durlabham |
tava prītyā samākhyātaṁ gōpanīyaṁ prayatnataḥ || 10 ||
idaṁ rahasyaṁ paramaṁ guhyādguhyataraṁ priyē |
dhanyaṁ praśasyamāyuṣyaṁ bhōgamōkṣapradaṁ śivam || 11 ||
iti duḥsvapnanāśaka śrī bālā kavacam |
Found a Mistake or Error? Report it Now
