कावेरी भुजंग स्तोत्रम्

|| कावेरी भुजंग स्तोत्रम् ||

कथं सह्यजन्ये सुरामे सजन्ये
प्रसन्ने वदान्याः भवेयुर्वदान्ये ।
सपापस्य मन्ये गतिमम्ब मान्ये
कवेरस्य धन्ये कवेरस्य कन्ये ॥ १॥

कृपाम्बोधिसङ्गे कृपार्द्रान्तरङ्गे
जलाक्रान्तरङ्गे जवोद्योतरङ्गे ।
नभश्चुम्बिवन्येभसम्पद्विमान्ये
नमस्ते वदान्ये कवेरस्य कन्ये ॥ २॥

समा ते न लोके नदी ह्यत्र लोके
हताशेषशोके लसत्तट्यशोके ।
पिबन्तोऽम्बु ते के रमन्ते न नाके
नमस्ते वदान्ये कवेरस्य कन्ये ॥ ३॥

महापापिलोकानपि स्नानमात्रान्
महापुण्यकृद्भिर्महत्कृत्यसद्भिः ।
करोष्यम्ब सर्वान्सुराणां समानान्
नमस्ते वदान्ये कवेरस्य कन्ये ॥ ४॥

अविद्यान्तकर्त्री विशुद्धप्रदात्री
सस्यस्यवृद्धिं तथाऽऽचारशीलम् ।
ददास्यम्ब मुक्तिं विधूय प्रसकित्म्
नमस्ते वदान्ये कवेरस्य कन्ये ॥ ५॥

॥ इति कावेरीभुजङ्गस्तोत्रं सम्पूर्णम् ॥

Found a Mistake or Error? Report it Now