श्रीपीपाचार्याष्टकम्

|| श्रीपीपाचार्याष्टकम् ||

गाङ्गरौनगढेशं च खाचीवंशशिरोमणिम् ।
पीपाचार्यमहं वन्दे द्वाराचार्यं जगद्गुरुम् ॥ १॥

रामानन्दयतीन्द्रस्य शिष्यं श्रीवैष्णवोत्तमम् ।
पीपाचार्यमहं वन्दे द्वाराचार्य जगद्गुरुम् ॥ २॥

सागरस्यान्तरे श्रीमद्द्वारावत्याश्च दर्शकम् ।
पीपाचार्यमहं वन्दे द्वाराचार्यं जगद्गुरुम् ॥ ३॥

रामानन्दमताम्भोधेर्वर्धकं विधुमुत्तमम् ।
पीपाचार्यमहं वन्दे द्वाराचार्य जगद्गुरुम् ॥ ४॥

भक्तानन्दविधातारमानन्दभाष्यचिन्तकम् ।
पीपाचार्यमहं वन्दे द्वाराचार्यं जगद्गुरुम् ॥ ५॥

रामभक्तिप्रपत्तिभ्यां मुक्त्यानन्दप्रदायकम् ।
पीपाचार्यमहं वन्दे द्वाराचार्यं जगद्गुरुम् ॥ ६॥

श्रीवैष्णवत्वकर्त्तारं संस्कारपञ्चकेन हि ।
पीपाचार्यमहं वन्दे द्वाराचार्य जगद्गुरुम् ॥ ७॥

त्रयाणां सद्रहस्यानां बोधकं च तपस्विनम् ।
पीपाचार्यमहं वन्दे द्वाराचार्यं जगद्गुरुम् ॥ ८॥

इति श्रीपीपाचार्याष्टकं सम्पूर्णम् ।

Found a Mistake or Error? Report it Now