श्रीराघवेन्द्रसंसारोद्धरणस्तोत्रम्

|| श्रीराघवेन्द्रसंसारोद्धरणस्तोत्रम् ||

श्रितलोकामरभूरुहसदृशाङ्घ्रे कृपया भोः ।
गुरुराजोद्धर मां प्रतिपतितं संसृतिकूपे ॥ १॥

रमणी रै सुत मोहित मनसं मोदद भो भोः ।
गुरुराजोद्धर मां प्रतिपतितं संसृतिकूपे ॥ २॥

घनसच्छित्सुखपूरित करुणासागर भो भोः ।
गुरुराजोद्धर मां प्रतिपतितं संसृतिकूपे ॥ ३॥

वरदेशामित चित्रचरित भूभासुर भो भोः ।
गुरुराजोद्धर मां प्रतिपतितं संसृतिकूपे ॥ ४॥

दरचक्राङ्कित कण्ठग तुलसीमालिक भो भोः ।
गुरुराजोद्धर मां प्रतिपतितं संसृतिकूपे ॥ ५॥

यतिवरामितबोध सुमतविस्तारक भो भो ।
गुरुराजोद्धर मां प्रतिपतितं संसृतिकूपे ॥ ६॥

नमतामिष्टद कुष्ठमुख महाकष्टहर भो भोः ।
गुरुराजोद्धर मां प्रतिपतितं संसृतिकूपे ॥ ७॥

ममता भक्तजने सुत इव जाग्रति ते भो भोः ।
गुरुराजोद्धर मां प्रतिपतितं संसृतिकूपे ॥ ८॥

स्तवनं कृष्णावधूतरचितं यः पठतीदम् ।
गुरुराजोद्धर मां प्रतिपतितं संसृतिकूपे ॥ ९॥

इति श्रीकृष्णावधूतविरचिते श्रीराघवेन्द्रतन्त्रे नवमपटले
संसारोद्धरणस्तोत्रं नाम पञ्चमोऽध्यायः सम्पूर्णः ।

Found a Mistake or Error? Report it Now