ହିମାଲୟ ସ୍ତୁତି

|| ହିମାଲୟ ସ୍ତୁତି ||

ଓଁ ହିମାଲୟାୟ ବିଦ୍ମହେ । ଗଙ୍ଗାଭବାୟ ଧୀମହି । ତନ୍ନୋ ହରିଃ ପ୍ରଚୋଦୟାତ୍ ॥

ହିମାଲୟପ୍ରଭାବାୟୈ ହିମନଦ୍ୟୈ ନମୋ ନମଃ ।
ହିମସଂହତିଭାବାୟୈ ହିମବତ୍ୟୈ ନମୋ ନମଃ ॥

ଅଲକାପୁରିନନ୍ଦାୟୈ ଅତିଭାୟୈ ନମୋ ନମଃ ।
ଭବାପୋହନପୁଣ୍ୟାୟୈ ଭାଗୀରଥ୍ୟୈ ନମୋ ନମଃ ॥

ସଙ୍ଗମକ୍ଷେତ୍ରପାବନ୍ୟୈ ଗଙ୍ଗାମାତ୍ରେ ନମୋ ନମଃ ।
ଦେବପ୍ରୟାଗଦିବ୍ୟାୟୈ ଦେବନଦ୍ୟୈ ନମୋ ନମଃ ॥

ଦେବଦେବବିନୂତାୟୈ ଦେବଭୂତ୍ୟୈ ନମୋ ନମଃ ।
ଦେବାଧିଦେବପୂଜ୍ୟାୟୈ ଗଙ୍ଗାଦେବ୍ୟୈ ନମୋ ନମଃ ॥

ନମଃ ଶ୍ରୀରାମଭଦ୍ରାୟ ଗଙ୍ଗାତୀରାଲୟାୟ ଚ ।
ସର୍ୱୋତ୍କୃଷ୍ଟାୟ ଶାନ୍ତାୟ ଗଭୀରାୟ ନମୋ ନମଃ ॥

ଭାଗୀରଥ୍ୟଲକାନନ୍ଦାସଙ୍ଗମାଭିମୁଖାୟ ଚ ।
ଦେବପ୍ରୟାଗଦୈବାୟ ରଘୁନାଥାୟ ତେ ନମଃ ॥

ନମସ୍ସୀତାବରାଜାୟ ରାମଚନ୍ଦ୍ରାୟ ବିଷ୍ଣବେ ।
ସର୍ୱଶକ୍ତିପ୍ରଦାତ୍ରେ ଚ ସର୍ୱୋନ୍ନତାୟ ତେ ନମଃ ॥

ରୁଦ୍ରପ୍ରୟାଗନାଥାୟ ନାରଦାଗୀତଶମ୍ଭବେ ।
ମନ୍ଦାକିନ୍ୟଲକାନନ୍ଦାସଙ୍ଗମସ୍ଥାୟ ତେ ନମଃ ॥

ମନ୍ଦାକିନ୍ୟଭିଷିକ୍ତାୟ କେଦାରଲିଙ୍ଗମୂର୍ତୟେ ।
ସ୍ୱୟମ୍ଭୂଶୈଲରୂପାୟ ଶିବାୟ ଓଂ ନମୋ ନମଃ ॥

ଶ୍ରୀୟୋଗନରସିଂହାୟ ଜ୍ୟୋତିର୍ମଠସ୍ଥିତାୟ ଚ ।
କରାବଲମ୍ବଦୈବାୟ ଶ୍ରୀଲକ୍ଷ୍ମୀପତୟେ ନମଃ ॥

ବଦରୀକାଶ୍ରମସ୍ଥାୟ ନାରାୟଣାୟ ବିଷ୍ଣବେ ।
ତପୋଭୂମିପ୍ରଶାନ୍ତାୟ ଯୋଗନିଷ୍ଠାୟ ତେ ନମଃ ॥

ବଦରୀବନନାଥାୟ ନରନାରାୟଣାୟ ଚ ।
ନରୋଦ୍ଧାରଣଲୀଲାୟ ନରାନନ୍ଦାୟ ତେ ନମଃ ॥

ହିମଗଙ୍ଗାଲକାନନ୍ଦାଭିଷିକ୍ତୟୋଗମୂର୍ତୟେ ।
ବଦରୀଶ୍ରୀମହାଲକ୍ଷ୍ମୀତପୋନାଥାୟ ତେ ନମଃ ॥

ହୈମଶେଖରବୃତ୍ତାୟ ନୀଲକଣ୍ଠନୁତାୟ ଚ ।
ବସୁଧାରାପ୍ରବାହାୟ ପୁରାଣାୟ ନମୋ ନମଃ ॥

ଗୀତାଚାର୍ୟାୟ କୃଷ୍ଣାୟ ବାଚାମଗୋଚରାୟ ଚ ।
ହିମାଲୟପ୍ରଶାନ୍ତିସ୍ଥପରାନନ୍ଦାୟ ତେ ନମଃ ॥

ସଦାଲୀନମନସ୍ସ୍ଥାୟ ସଦାନନ୍ଦପ୍ରଶାନ୍ତୟେ ।
ସଦାତ୍ମାନନ୍ଦବୋଧାୟ ଶ୍ରୀକୃଷ୍ଣାୟ ନମୋ ନମଃ ॥

ମଙ୍ଗଲଂ ହିମରାଗାୟୈ ଗଙ୍ଗାମାତ୍ରେ ସୁମଙ୍ଗଲମ୍ ।
ମଙ୍ଗଲଂ ଶିବସଦ୍ଧାମ୍ନେ ଗଙ୍ଗାଧରାୟ ମଙ୍ଗଲମ୍ ॥

ମଙ୍ଗଲଂ ବାସୁଦେବାୟ ବଦରୀବନମାଲିନେ ।
ମଙ୍ଗଲଂ ଶ୍ରୀସମେତାୟ ନାରାୟଣାୟ ମଙ୍ଗଲମ୍ ॥

ମଙ୍ଗଲଂ ପୂର୍ଣଶୋଭାୟ ହିମ୍ୟାଚଲାୟ ମଙ୍ଗଲମ୍ ।
ମଙ୍ଗଲଂ ସୌମ୍ୟଗଙ୍ଗାୟ ମୋକ୍ଷଧାମ୍ନେ ସୁମଙ୍ଗଲମ୍ ॥

ମଙ୍ଗଲଂ ରାଗହିମ୍ୟାୟ ନାଦଗଙ୍ଗାୟ ମଙ୍ଗଲମ୍ ।
ମଙ୍ଗଲଂ ତ୍ୟାଗରାଜାୟ ପୁଷ୍ପାର୍ଚିତାୟ ମଙ୍ଗଲମ୍ ॥

ଇତି ସଦ୍ଗୁରୁଶ୍ରୀତ୍ୟାଗରାଜସ୍ୱାମିନଃ ଶିଷ୍ୟଯା ଭକ୍ତୟା ପୁଷ୍ପୟା କୃତା ହିମାଲୟସ୍ତୁତିଃ ଗୁରୌ ସମର୍ପିତା ।

Found a Mistake or Error? Report it Now