ಹರಿಪ್ರಿಯಾ ಸ್ತೋತ್ರ

|| ಹರಿಪ್ರಿಯಾ ಸ್ತೋತ್ರ ||

ತ್ರಿಲೋಕಜನನೀಂ ದೇವೀಂ ಸುರಾರ್ಚಿತಪದದ್ವಯಾಂ|

ಮಾತರಂ ಸರ್ವಜಂತೂನಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಪ್ರತ್ಯಕ್ಷಸಿದ್ಧಿದಾಂ ರಮ್ಯಾಮಾದ್ಯಾಂ ಚಂದ್ರಸಹೋದರೀಂ|

ದಯಾಶೀಲಾಂ ಮಹಾಮಾಯಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಇಂದಿರಾಮಿಂದ್ರಪೂಜ್ಯಾಂ ಚ ಶರಚ್ಚಂದ್ರಸಮಾನನಾಂ|

ಮಂತ್ರರೂಪಾಂ ಮಹೇಶಾನೀಂ ಭಜೇ ನಿತ್ಯಂ ಹರಿಪ್ರಿಯಾಂ|

ಕ್ಷೀರಾಬ್ಧಿತನಯಾಂ ಪುಣ್ಯಾಂ ಸ್ವಪ್ರಕಾಶಸ್ವರೂಪಿಣೀಂ|

ಇಂದೀವರಾಸನಾಂ ಶುದ್ಧಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಸರ್ವತೀರ್ಥಸ್ಥಿತಾಂ ಧಾತ್ರೀಂ ಭವಬಂಧವಿಮೋಚನೀಂ|

ನಿತ್ಯಾನಂದಾಂ ಮಹಾವಿದ್ಯಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಸ್ವರ್ಣವರ್ಣಸುವಸ್ತ್ರಾಂ ಚ ರತ್ನಗ್ರೈವೇಯಭೂಷಣಾಂ|

ಧ್ಯಾನಯೋಗಾದಿಗಮ್ಯಾಂ ಚ ಭಜೇ ನಿತ್ಯಂ ಹರಿಪ್ರಿಯಾಂ|

ಸಾಮಗಾನಪ್ರಿಯಾಂ ಶ್ರೇಷ್ಠಾಂ ಸೂರ್ಯಚಂದ್ರಸುಲೋಚನಾಂ|

ನಾರಾಯಣೀಂ ಶ್ರಿಯಂ ಪದ್ಮಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ವೈಕುಂಠೇ ರಾಜಮಾನಾಂ ಚ ಸರ್ವಶಾಸ್ತ್ರವಿಚಕ್ಷಣಾಂ|

ನಿರ್ಗುಣಾಂ ನಿರ್ಮಲಾಂ ನಿತ್ಯಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಧನದಾಂ ಭಕ್ತಚಿತ್ತಸ್ಥ- ಸರ್ವಕಾಮ್ಯಪ್ರದಾಯಿನೀಂ|

ಬಿಂದುನಾದಕಲಾತೀತಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಶಾಂತರೂಪಾಂ ವಿಶಾಲಾಕ್ಷೀಂ ಸರ್ವದೇವನಮಸ್ಕೃತಾಂ|

ಸರ್ವಾವಸ್ಥಾವಿನಿರ್ಮುಕ್ತಾಂ ಭಜೇ ನಿತ್ಯಂ ಹರಿಪ್ರಿಯಾಂ|

ಸ್ತೋತ್ರಮೇತತ್ ಪ್ರಭಾತೇ ಯಃ ಪಠೇದ್ ಭಕ್ತ್ಯಾ ಯುತೋ ನರಃ|

ಸ ಧನಂ ಕೀರ್ತಿಮಾಪ್ನೋತಿ ವಿಷ್ಣುಭಕ್ತಿಂ ಚ ವಿಂದತಿ|

Found a Mistake or Error? Report it Now