|| গণাধিপাষ্টকম্ ||
শ্রিয়মনপায়িনীং প্রদিশতু শ্রিতকল্পতরুঃ
শিবতনয়ঃ শিরোবিধৃতশীতময়ূখশিশুঃ ।
অবিরতকর্ণতালজমরুদ্গমনাগমনৈ-
রনভিমতং (ধুনোতি চ মুদং) বিতনোতি চ যঃ ॥
সকলসুরাসুরাদিশরণীকরণীয়পদঃ
করটিমুখঃ করোতু করুণাজলধিঃ কুশলম্ ।
প্রবলতরান্তরায়তিমিরৌঘনিরাকরণ-
প্রসৃমরচন্দ্রিকায়িতনিরন্তরদন্তরুচিঃ ॥
দ্বিরদমুখো ধুনোতু দুরিতানি দুরন্তমদ-
ত্রিদশবিরোধিয়ূথকুমুদাকরতিগ্মকরঃ ।
নতশতকোটিপাণিমকুটীতটবজ্রমণি-
প্রচুরমরীচিবীচিগুণিতাঙ্গ্রিনখাংশুচয়ঃ ॥
কলুষমপাকরোতু কৃপয়া কলভেন্দ্রমুখঃ
কুলগিরিনন্দিনীকুতুকদোহনসংহননঃ ।
তুলিতসুধাঝরস্বকরশীকরশীতলতা-
শমিতনতাশয়জ্বলদশর্মকৃশানুশিখঃ ॥
গজবদনো ধিনোতু ধিয়মাধিপয়োধিবল-
ৎসুজনমনঃপ্লবায়িতপদাম্বুরুহোঽবিরতম্ ।
করটকটাহনির্গলদনর্গলদানঝরী-
পরিমললোলুপভ্রমদদভ্রমদভ্রমরঃ ॥
দিশতু শতক্রতুপ্রভৃতিনির্জরতর্জনকৃ-
দ্দিতিজচমূচমূরুমৃগরাডিভরাজমুখঃ ।
প্রমদমদক্ষিণাঙ্ঘ্রিবিনিবেশিতজীবসমা-
ঘনকুচকুম্ভগাঢপরিরম্ভণকণ্টকিতঃ ।
অতুলবলোঽতিবেলমঘবন্মতিদর্পহরঃ
স্ফুরদহিতাপকারিমহিমা বপুষীঢবিধুঃ ।
হরতু বিনায়কঃ স বিনতাশয়কৌতুকদঃ
কুটিলতরদ্বিজিহ্বকুলকল্পিতখেদভরম্ ।
নিজরদশূলপাশনবশালিশিরোরিগদা-
কুবলয়মাতুলুঙ্গকমলেক্ষুশরাসকরঃ ।
দধদথ শুণ্ডয়া মণিঘটং দয়িতাসহিতো
বিতরতু বাঞ্ছিতং ঝটিতি শক্তিগণাধিপতিঃ ॥
পঠতু গণাধিপাষ্টকমিদং সুজনোঽনুদিনং
কঠিনশুচাকুঠাবলিকঠোরকুঠারবরম্ ।
বিমতপরাভবোদ্ভটনিদাঘনবীনঘনং
বিমলবচোবিলাসকমলাকরবালরবিম্ ॥
ইতি গণাধিপাষ্টকং সম্পূর্ণম্ ।
Read in More Languages:- sanskritगणाधिपाष्टकम्
- odiaଗଣାଧିପାଷ୍ଟକମ୍
- tamilக³ணாதி⁴பாஷ்டகம்
- teluguగణాధిపాష్టకం
- kannadaಗಣಾಧಿಪಾಷ್ಟಕಂ
- malayalamഗണാധിപാഷ്ടകം
- punjabiਗਣਾਧਿਪਾਸ਼਼੍ਟਕਮ੍
- gujaratiગણાધિપાષ્ટકમ્
- hindiश्री गणेशाष्टकम्
- englishShri Ganesh Ashtakam
Found a Mistake or Error? Report it Now
