।। Aarti ।।
Jay Siddhidatri Maa Tu Siddhi Ki Data।
Tu Bhakton Ki Rakshak Tu Dason Ki Mata ।।
Tera Naam Lete Hi Milti Hai Siddhi ।
Tere Naam Se Man Ki Hoti Hai Shuddhi ।।
Kathin Kaam Siddh Karti Ho Tum ।
Jabhi Haath Sevak Ke Sir Dharti Ho Tum ।।
Teri Puja Me To Na Koi Vidhi Hai ।
Tu Jagdambe Daati Tu Sarv Siddhi Hai ।।
Ravivar Ko Tera Sumiran Kare Jo ।
Teri Murti Ko Hi Man Me Dhare Jo ।।
Tu Sab Kaaj Uske Karti Hai Pure ।
Kabhi Kaam Uske Rahe Na Adhure ।।
Tumhari Daya Aur Tumhari Yah Maya ।
Rakhe Jiske Sir Par Maiya Apni Chhaya ।।
Sarv Siddhi Daati Vah Hai Bhagyashali।
Jo Hai Tere Dar Ka Hi Ambe Savali ।।
Himachal Hai Parvat Jahan Vaas Tera।
Maha Nanda Mandir Me Hai Vaas Tera ।।
Mujhe Aasra Hai Tumhara Hi Mata ।
Bhakti Hai Savali Tu Jiski Data ।।
Jay Siddhidatri Maa Tu Siddhi Ki Data ।
Tu Bhakton Ki Rakshak Tu Dason Ki Mata ।।
Found a Mistake or Error? Report it Now
