|| ഹനുമാൻ യന്ത്രോദ്ധാരക സ്തോത്രം ||
യന്ത്രോദ്ധാരകനാമകോ രഘുപതേരാജ്ഞാം ഗൃഹീത്വാർണവം
തീർത്വാശോകവനേ സ്ഥിതാം സ്വജനനീം സീതാം നിശാമ്യാശുഗഃ .
കൃത്വാ സംവിദമംഗുലീയകമിദം ദത്വാ ശിരോഭൂഷണം
സംഗൃഹ്യാർണവമുത്പപാത ഹനൂമാൻ കുര്യാത് സദാ മംഗലം ..
പ്രാപ്തസ്തം സദുദാരകീർതിരനിലഃ ശ്രീരാമപാദാംബുജം
നത്വാ കീശപതിർജഗാദ പുരതഃ സംസ്ഥാപ്യ ചൂഡാമണിം .
വിജ്ഞാപ്യാർണവലംഘനാദിശുഭകൃന്നാനാവിധം ഭൂതിദം
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
ധർമാധർമവിചക്ഷണഃ സുരതരുർഭക്തേഷ്ടസന്ദോഹനേ
ദുഷ്ടാരാതികരീന്ദ്രകുംഭദലനേ പഞ്ചാനനഃ പാണ്ഡുജഃ .
ദ്രൗപദ്യൈ പ്രദദൗ കുബേരവനജം സൗഗന്ധിപുഷ്പം മുദാ
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
യഃ കിർമീരഹിഡിംബകീചകബകാൻ പ്രഖ്യാതരക്ഷോജനാൻ
സംഹൃത്യ പ്രയയൗ സുയോധനമഹൻ ദുഃശാസനാദീൻ രണേ .
ഭിത്വാ തദ്ധൃദയം സ ഘോരഗദയാ സന്മംഗലം ദത്തവാൻ
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
യോ ഭൂമൗ മഹദാജ്ഞയാ നിജപതേർജാതോ ജഗജ്ജീവനേ
വേദവ്യാസപദാംബുജൈകനിരതഃ ശ്രീമധ്യഗേഹാലയേ .
സമ്പ്രാപ്തേ സമയേ ത്വഭൂത് സ ച ഗുരുഃ കർമന്ദിചൂഡാമണിഃ
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
മിഥ്യാവാദകുഭാഷ്യഖണ്ഡനപടുർമധ്വാഭിധോ മാരുതിഃ
സദ്ഭാഷ്യാമൃതമാദരാന്മുനിഗണൈഃ പേപീയമാനം മുദാ .
സ്പൃഷ്ട്വാ യഃ സതതം സുരോത്തമഗണാൻ സമ്പാത്യയം സർവദാ
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
പാകാർകാർകസമാനസാന്ദ്രപരമാസാകീർകകാകാരിഭി-
ര്വിദ്യാസാർകജവാനരേരിതരുണാ പീതാർകചക്രഃ പുരാ .
കങ്കാർകാനുചരാർകതപ്തജരയാ തപ്താങ്കജാതാന്വിതോ
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
ശ്രീമദ്വ്യാസമുനീന്ദ്രവന്ദ്യചരണഃ ശ്രേഷ്ഠാർഥസമ്പൂരണഃ
സർവാഘൗഘനിവാരണഃ പ്രവിലസന്മുദ്രാദിസംഭൂഷണഃ .
സുഗ്രീവാദികപീന്ദ്രമുഖ്യശരണഃ കല്യാണപൂർണഃ സദാ
യന്ത്രോദ്ധാരകനാമമാരുതിരയം കുര്യാത് സദാ മംഗലം ..
യന്ത്രോദ്ധാരകമംഗലാഷ്ടകമിദം സർവേഷ്ടസന്ദായകം
ദുസ്താപത്രയവാരകം ദ്വിജഗണൈഃ സംഗൃഹ്യമാണം മുദാ .
ഭക്താഗ്രേസരഭീമസേനരചിതം ഭക്ത്യാ സദാ യഃ പഠേത്
ശ്രീമദ്വായുസുതപ്രസാദമതുലം പ്രാപ്നോത്യസൗ മാനവഃ ..
- hindiमारुति स्तोत्रम्
- hindiऋणमोचक मंगल स्तोत्रम् अर्थ सहित
- malayalamഹനുമാൻ ഭുജംഗ സ്തോത്രം
- teluguహనుమాన్ భుజంగ స్తోత్రం
- tamilஅனுமன் புஜங்க ஸ்தோத்திரம்
- kannadaಹನುಮಾನ್ ಭುಜಂಗ ಸ್ತೋತ್ರಂ
- hindiहनुमान भुजंग स्तोत्र
- malayalamപഞ്ചമുഖ ഹനുമാൻ പഞ്ചstotramരത്ന സ്തോത്രം
- teluguపంచముఖ హనుమాన్ పంచరత్న స్తోత్రం
- tamilபஞ்சமுக அனுமன் பஞ்சரத்ன ஸ்தோத்திரம்
- kannadaಪಂಚಮುಖ ಹನುಮಾನ್ ಪಂಚರತ್ನ ಸ್ತೋತ್ರ
- hindiपंचमुख हनुमान पंचरत्न स्तोत्र
- malayalamഹനുമാൻ മംഗലാശാസന സ്തോത്രം
- teluguహనుమాన్ మంగలాశాసన స్తోత్రం
- tamilஹனுமான் மங்களாசாஸன ஸ்தோத்திரம்
Found a Mistake or Error? Report it Now
