ஶ்ரீ சித³ம்ப³ர பஞ்சசாமர ஸ்தோத்ரம்

|| ஶ்ரீ சித³ம்ப³ர பஞ்சசாமர ஸ்தோத்ரம் ||

கத³ம்ப³காநநப்ரியம் சித³ம்ப³யா விஹாரிணம்
மதே³ப⁴கும்ப⁴கு³ம்பி²தஸ்வடி³ம்ப⁴லாலநோத்ஸுகம் ।
ஸத³ம்ப⁴காமக²ண்ட³நம் ஸத³ம்பு³வாஹிநீத⁴ரம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 1 ॥

ஸமஸ்தப⁴க்தபோஷணஸ்வஹஸ்தப³த்³த⁴கங்கணம்
ப்ரஶஸ்தகீர்திவைப⁴வம் நிரஸ்தஸஜ்ஜநாபத³ம் ।
கரஸ்த²முக்திஸாத⁴நம் ஶிர꞉ஸ்த²சந்த்³ரமண்ட³நம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 2 ॥

ஜடாகிரீடமண்டி³தம் நிடாலலோசநாந்விதம்
படீக்ருதாஷ்டதி³க்தடம் படீரபங்கலேபநம் ।
நடௌக⁴பூர்வபா⁴விநம் குடா²ரபாஶதா⁴ரிணம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 3 ॥

குரங்க³ஶாப³ஶோபி⁴தம் சிரம் க³ஜாநநார்சிதம்
புராங்க³நாவிசாரத³ம் வராங்க³ராக³ரஞ்ஜிதம் ।
க²ராங்க³ஜாதநாஶகம் துரங்க³மீக்ருதாக³மம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 4 ॥

அமந்த³பா⁴க்³யபா⁴ஜநம் ஸுமந்த³ஹாஸஸந்முக²ம்
ஸுமந்த³மந்த³கா³மிநீகி³ரீந்த்³ரகந்யகாத⁴வம் ।
ஶமம் த³மம் த³யாளுதாமமந்த³யந்தமாத்மநோ
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 5 ॥

கரீந்த்³ரசர்மவாஸஸம் கி³ரீந்த்³ரசாபதா⁴ரிணம்
ஸுரேந்த்³ரமுக்²யபூஜிதம் க²கே³ந்த்³ரவாஹநப்ரியம் ।
அஹீந்த்³ரபூ⁴ஷணோஜ்ஜ்வலம் நகே³ந்த்³ரஜாவிளாஸிநம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 6 ॥

மலாபஹாரிணீதடே ஸதா³ விளாஸகாரிணம்
ப³லாரிஶாபப⁴ஞ்ஜநம் லலாமரூபலோசநம் ।
லஸத்ப²ணீந்த்³ரஹாரிணம் ஜ்வலத்த்ரிஶூலதா⁴ரிணம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 7 ॥

ஶஶாங்கபா⁴நுவீதிஹோத்ரராஜிதத்ரிலோசநம்
விஶாலவக்ஷஸம் ஸுதீ³ர்க⁴பா³ஹுத³ண்ட³மண்டி³தம் ।
தி³க³ம்ப³ரோல்லஸத்³வபுர்த⁴ரம் த⁴ராரதா²ந்விதம்
ஹ்ருத³ம்பு³ஜே ஜக³த்³கு³ரும் சித³ம்ப³ரம் விபா⁴வயே ॥ 8 ॥

ஸத³ந்தரங்க³ஸஜ்ஜநௌக⁴பாபஸங்க⁴நாஶநே
மதா³ந்த⁴யுக்தது³ர்ஜநாலிஶிக்ஷணே விசக்ஷண꞉ ।
சித³ம்ப³ராக்²யஸத்³கு³ருஸ்வரூபமேத்ய பூ⁴தலே
ஸதா³ஶிவோ விராஜதே ஸதா³ முதா³ந்விதோ ஹர꞉ ॥ 9 ॥

சித³ம்ப³ராக்²யஸத்³கு³ரோரித³ம் ஸதா³ விளாஸிநம்
முதா³ லிக²ந்தி யே ஸக்ருத் ஸதோ³பமாநமஷ்டகம் ।
ஸதா³ வஸேத்ததா³ளயே ஹரிப்ரியா ததா³நநே
விதி⁴ப்ரியா ச நிஶ்சலா ஜக³த்³கு³ரோரநுக்³ரஹாத் ॥ 10 ॥

இதி ஶ்ரீ சித³ம்ப³ர பஞ்சசாமர ஸ்தோத்ரம் ।

Found a Mistake or Error? Report it Now