|| ஶ்ரீ சந்த்³ரமௌளீஶ ஸ்தோத்ரம் ||
ஓம்காரஜபரதாநாமோம்காரார்த²ம் முதா³ விவ்ருண்வாநம் ।
ஓஜ꞉ப்ரத³ம் நதேப்⁴யஸ்தமஹம் ப்ரணமாமி சந்த்³ரமௌளீஶம் ॥ 1 ॥
நம்ரஸுராஸுரநிகரம் ளிநாஹங்காரஹாரிபத³யுக³ளம் ।
நமதி³ஷ்டதா³நதீ⁴ரம் ஸததம் ப்ரணமாமி சந்த்³ரமௌளீஶம் ॥ 2 ॥
மநநாத்³யத்பத³யோ꞉ க²லு மஹதீம் ஸித்³தி⁴ம் ஜவாத்ப்ரபத்³யந்தே ।
மந்தே³தரளக்ஷ்மீப்ரத³மநிஶம் ப்ரணமாமி சந்த்³ரமௌளீஶம் ॥ 3 ॥
ஶிதிகண்ட²மிந்து³தி³நகரஶுசிலோசநமம்பு³ஜாக்ஷவிதி⁴ஸேவ்யம் ।
நதமதிதா³நது⁴ரீணம் ஸததம் ப்ரணமாமி சந்த்³ரமௌளீஶம் ॥ 4 ॥
வாசோ விநிவர்தந்தே யஸ்மாத³ப்ராப்ய ஸஹ ஹ்ருதை³வேதி ।
கீ³யந்தே ஶ்ருதிததிபி⁴ஸ்தமஹம் ப்ரணமாமி சந்த்³ரமௌளீஶம் ॥ 5 ॥
யச்ச²ந்தி யத்பதா³ம்பு³ஜப⁴க்தா꞉ குதுகாத்ஸ்வப⁴க்தேப்⁴ய꞉ ।
ஸர்வாநபி புருஷார்தா²ம்ஸ்தமஹம் ப்ரணமாமி சந்த்³ரமௌளீஶம் ॥ 6 ॥
பஞ்சாக்ஷரமநுவர்ணைராதௌ³ க்லுப்தாம் ஸ்துதிம் பட²ந்நேநாம் ।
ப்ராப்ய த்³ருடா⁴ம் ஶிவப⁴க்திம் பு⁴க்த்வா போ⁴கா³ம்ˮல்லபே⁴த முக்திமபி ॥ 7 ॥
இதி ஶ்ரீஸச்சிதா³நந்த³ ஶிவாபி⁴நவ ந்ருஸிம்ஹபா⁴ரதீ ஸ்வாமிபி⁴꞉ விரசிதம் ஶ்ரீ சந்த்³ரமௌளீஶ ஸ்தோத்ரம் ॥
Found a Mistake or Error? Report it Now
