ஶ்ரீ ஸஹஸ்ரார (ஸுத³ர்ஶந) ஸ்துதி꞉

|| ஶ்ரீ ஸஹஸ்ரார (ஸுத³ர்ஶந) ஸ்துதி꞉ ||

ஸஹஸ்ரார மஹாஶூர ரணதீ⁴ர கி³ரா ஸ்துதிம் ।
ஷட்கோணரிபுஹ்ருத்³பா³ண ஸந்த்ராண கரவாணி தே ॥ 1 ॥

யஸ்த்வத்தஸ்தப்தஸுதநு꞉ ஸோ(அ)த்தி முக்திப²லம் கில ।
நாதப்ததநுரித்யஸ்தௌத் க்²யாதா வாக் த்வம் மஹௌஜஸ ॥ 2 ॥

ஹதவக்ரத்³விஷச்சக்ர ஹரிசக்ர நமோ(அ)ஸ்து தே ।
ப்ரக்ருதிக்⁴நாஸதாம் விக்⁴ந த்வமப⁴க்³நபராக்ரம ॥ 3 ॥

கராக்³ரே ப்⁴ரமணம் விஷ்ணோர்யதா³ தே சக்ர ஜாயதே ।
ததா³ த்³விதா⁴(அ)பி ப்⁴ரமணம் த்³ருஶ்யதே(அ)ந்தர்ப³ஹிர்த்³விஷாம் ॥ 4 ॥

வராத³வத்⁴யதை³த்யௌக⁴ஶிர꞉ க²ண்ட³நசாதுரீ ।
ஹரேராயுத⁴ தே த்³ருஷ்டா ந த்³ருஷ்டா யா ஹராயுதே⁴ ॥ 5 ॥

அவார்யவீர்யஸ்ய ஹரே꞉ கார்யேஷு த்வம் து⁴ரந்த⁴ர꞉ ।
அஸாத்⁴யஸாத⁴கோ ராட் தே த்வம் சாஸாத்⁴யஸ்ய ஸாத⁴க꞉ ॥ 6 ॥

யே விக்⁴நகந்த⁴ராஶ்சக்ர தை³தேயாஸ்தவ தா⁴ரயா ।
த ஏவ சித்ரமநயம்ஸ்ததா²(அ)ப்யச்சி²ந்நகந்த⁴ராம் ॥ 7 ॥

அரே தவாக்³ரே ந்ருஹரேரரி꞉ கோ(அ)பி ந ஜீவதி ।
நேமே தவாக்³ரே காமாத்³யா நேமே ஜீவந்த்வஹோ த்³விஷ꞉ ॥ 8 ॥

பவித்ர பவிவத் த்ராஹி பவித்ரீகுரு சாஶ்ரிதாந் ।
சரண ஶ்ரீஶசரணௌ ஸ்தி²ரீகுரு மநஸ்ஸு ந꞉ ॥ 9 ॥

யஸ்த்வம் து³ர்வாஸஸ꞉ ப்ருஷ்ட²நிஷ்டோ² த்³ருஷ்டோ(அ)கி²லை꞉ ஸுரை꞉ ।
அஸ்தாவய꞉ ஸ்வப⁴ர்தாரம் ஸத்வம் ஸ்தாவய மத்³கி³ரா ॥ 10 ॥

பூ⁴ஸ்த²து³ர்த³ர்ஶநம் ஸர்வம் தி⁴க்குருஷ்வ ஸுத³ர்ஶந ।
வாயோ꞉ ஸுத³ர்ஶநம் ஸர்வஸ்யாயோத்⁴யம் குரு தே நம꞉ ॥ 11 ॥

ஸுஷ்டு² த³ர்ஶய லக்ஷ்மீஶதத்த்வம் ஸூர்யாயுதப்ரப⁴ ।
த்³வாரம் ந꞉ குரு ஹர்யாப்த்யை க்ருதத்³வார த்வமஸ்யபி ॥ 12 ॥

பத்³யாநி நிரவத்³யாநி வாதி³ராஜாபி⁴த⁴꞉ ஸுதீ⁴꞉ ।
த்³வாத³ஶ த்³வாத³ஶாரஸ்ய சக்ரஸ்ய ஸ்துதயே(அ)க்ருத ॥ 13 ॥

இதி ஶ்ரீவாதி³ராஜயதி க்ருதம் ஶ்ரீ ஸஹஸ்ரார ஸ்துதி꞉ ।

Found a Mistake or Error? Report it Now