|| ஶ்ரீ ராமசந்த்³ர ஸ்துதி꞉ ||
நமாமி ப⁴க்தவத்ஸலம் க்ருபாலு ஶீலகோமளம்
ப⁴ஜாமி தே பதா³ம்பு³ஜம் ஹ்யகாமிநாம் ஸ்வதா⁴மத³ம் ।
நிகாமஶ்யாமஸுந்த³ரம் ப⁴வாம்பு³வார்தி⁴மந்த³ரம்
ப்ரபு²ல்லகஞ்ஜலோசநம் மதா³தி³தோ³ஷமோசநம் ॥ 1 ॥
ப்ரளம்ப³பா³ஹுவிக்ரமம் ப்ரபோ⁴(அ)ப்ரமேயவைப⁴வம்
நிஷங்க³சாபஸாயகம் த⁴ரம் த்ரிலோகநாயகம் ।
தி³நேஶவம்ஶமண்ட³நம் மஹேஶசாபக²ண்ட³நம்
முநீந்த்³ரசித்தரஞ்ஜநம் ஸுராரிப்³ருந்த³ப⁴ஞ்ஜநம் ॥ 2 ॥
மநோஜவைரிவந்தி³தம் ஹ்யஜாதி³தே³வஸேவிதம்
விஶுத்³த⁴போ³த⁴விக்³ரஹம் ஸமஸ்ததூ³ஷணாபஹம் ।
நமாமி ஜாநகீபதிம் ஸுகா²கரம் ஸதாம் க³திம்
ப⁴ஜே ஸஶக்திஸாநுஜம் ஶசீபதிப்ரியாநுஜம் ॥ 3 ॥
த்வத³ங்க்⁴ரிஸீம யே நரா ப⁴ஜந்தி ஹீநமத்ஸரா꞉
பதந்தி நோ ப⁴வார்ணவே விதர்கவீசிஸங்குலே ।
விவிக்தவாஸிந꞉ ஸதா³ ப⁴ஜந்தி முக்தயே முதா³
நிரஸ்ய ஹீந்த்³ரியாதி³கம் ப்ரயாந்தி தே க³திம் ஸ்வகம் ॥ 4 ॥
த்வமேகமத்³பு⁴தம் ப்ரபு⁴ம் நிரீஹமீஶ்வரம் விபு⁴ம்
ஜக³த்³கு³ரும் ச ஶாஶ்வதம் துரீயமேவ கேவலம் ।
ப⁴ஜாமி பா⁴வவல்லப⁴ம் ஸுயோகி³நாம் ஸுது³ர்லப⁴ம்
ஸ்வப⁴க்தகல்பபாத³பம் ஸமஸ்தஸேவ்யமந்வஹம் ॥ 5 ॥
அநூபரூபபூ⁴பதிம் நதோ(அ)ஹமுர்விஜாபதிம்
ப்ரஸீத³ மே நமாமி தே பதா³ப்³ஜப⁴க்தி தே³ஹி மே ।
பட²ந்தி யே ஸ்தவம் த்வித³ம் ஸதா³த³ரேண தே பத³ம்
வ்ரஜந்தி நாத்ர ஸம்ஶயம் த்வதீ³ய ப⁴க்திஸம்யுதா꞉ ॥ 6 ॥
இதி ஶ்ரீராமசந்த்³ர ஸ்துதி꞉ ।
Found a Mistake or Error? Report it Now
