ஶ்ரீ கமலஜத³யிதாஷ்டகம்

|| ஶ்ரீ கமலஜத³யிதாஷ்டகம் ||

ஶ்ருங்க³க்ஷ்மாப்⁴ருந்நிவாஸே ஶுகமுக²முநிபி⁴꞉ ஸேவ்யமாநாங்க்⁴ரிபத்³மே
ஸ்வாங்க³ச்சா²யாவிதூ⁴தாம்ருதகரஸுரராட்³வாஹநே வாக்ஸவித்ரி ।
ஶம்பு⁴ஶ்ரீநாத²முக்²யாமரவரநிகரைர்மோத³த꞉ பூஜ்யமாநே
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 1 ॥

கல்யாதௌ³ பார்வதீஶ꞉ ப்ரவரஸுரக³ணப்ரார்தி²த꞉ ஶ்ரௌதவர்த்ம
ப்ராப³ல்யம் நேதுகாமோ யதிவரவபுஷாக³த்ய யாம் ஶ்ருங்க³ஶைலே ।
ஸம்ஸ்தா²ப்யார்சாம் ப்ரசக்ரே ப³ஹுவித⁴நுதிபி⁴꞉ ஸா த்வமிந்த்³வர்த⁴சூடா³
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 2 ॥

பாபௌக⁴ம் த்⁴வம்ஸயித்வா ப³ஹுஜநிரசிதம் கிம் ச புண்யாலிமாரா-
-த்ஸம்பாத்³யாஸ்திக்யபு³த்³தி⁴ம் ஶ்ருதிகு³ருவசநேஷ்வாத³ரம் ப⁴க்திதா³ர்ட்⁴யம் ।
தே³வாசார்யத்³விஜாதி³ஷ்வபி மநுநிவஹே தாவகீநே நிதாந்தம்
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 3 ॥

வித்³யாமுத்³ராக்ஷமாலாம்ருதக⁴டவிலஸத்பாணிபாதோ²ஜஜாலே
வித்³யாதா³நப்ரவீணே ஜட³ப³தி⁴ரமுகே²ப்⁴யோ(அ)பி ஶீக்⁴ரம் நதேப்⁴ய꞉ ।
காமாதீ³நாந்தராந்மத்ஸஹஜரிபுவராந்தே³வி நிர்மூல்ய வேகா³த்
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 4 ॥

கர்மஸ்வாத்மோசிதேஷு ஸ்தி²ரதரதி⁴ஷணாம் தே³ஹதா³ர்ட்⁴யம் தத³ர்த²ம்
தீ³ர்க⁴ம் சாயுர்யஶஶ்ச த்ரிபு⁴வநவிதி³தம் பாபமார்கா³த்³விரக்திம் ।
ஸத்ஸங்க³ம் ஸத்கதா²யா꞉ ஶ்ரவணமபி ஸதா³ தே³வி த³த்வா க்ருபாப்³தே⁴
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 5 ॥

மாதஸ்த்வத்பாத³பத்³மம் ந விவித⁴குஸுமை꞉ பூஜிதம் ஜாது ப⁴க்த்யா
கா³தும் நைவாஹமீஶே ஜட³மதிரலஸஸ்த்வத்³கு³ணாந்தி³வ்யபத்³யை꞉ ।
மூகே ஸேவாவிஹீநே(அ)ப்யநுபமகருணாமர்ப⁴கே(அ)ம்பே³வ க்ருத்வா
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 6 ॥

ஶாந்த்யாத்³யா꞉ ஸம்பதோ³ விதர ஶுப⁴கரீர்நித்யதத்³பி⁴ந்நபோ³த⁴ம்
வைராக்³யம் மோக்ஷவாஞ்சா²மபி லகு⁴ கலய ஶ்ரீஶிவாஸேவ்யமாநே ।
வித்³யாதீர்தா²தி³யோகி³ப்ரவரகரஸரோஜாதஸம்பூஜிதாங்க்⁴ரே
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 7 ॥

ஸச்சித்³ரூபாத்மநோ மே ஶ்ருதிமநநநிதி³த்⁴யாஸநாந்யாஶு மாத꞉
ஸம்பாத்³ய ஸ்வாந்தமேதத்³ருசியுதமநிஶம் நிர்விகல்பே ஸமாதௌ⁴ ।
துங்கா³தீராங்கராஜத்³வரக்³ருஹவிலஸச்சக்ரராஜாஸநஸ்தே²
வித்³யாம் ஶுத்³தா⁴ம் ச பு³த்³தி⁴ம் கமலஜத³யிதே ஸத்வரம் தே³ஹி மஹ்யம் ॥ 8 ॥

இதி ஶ்ருங்கே³ரி ஶ்ரீஜக³த்³கு³ரு ஶ்ரீஸச்சிதா³நந்த³ஶிவாபி⁴நவந்ருஸிம்ஹபா⁴ரதீஸ்வாமி விரசிதம் ஶ்ரீகமலஜத³யிதாஷ்டகம் ஸம்பூர்ணம் ।

Found a Mistake or Error? Report it Now