ஶ்ரீ ஸரஸ்வதீ ஸ்தோத்ரம் (அக³ஸ்த்ய க்ருதம்)

|| ஶ்ரீ ஸரஸ்வதீ ஸ்தோத்ரம் (அக³ஸ்த்ய க்ருதம்) ||

யா குந்தே³ந்து³ துஷாரஹாரத⁴வளா யா ஶுப்⁴ரவஸ்த்ராவ்ருதா
யா வீணாவரத³ண்ட³மண்டி³தகரா யா ஶ்வேதபத்³மாஸநா ।
யா ப்³ரஹ்மாச்யுதஶங்கரப்ரப்⁴ருதிபி⁴ர்தே³வைஸ்ஸதா³ பூஜிதா
ஸா மாம் பாது ஸரஸ்வதீ ப⁴க³வதீ நிஶ்ஶேஷஜாட்³யாபஹா ॥ 1 ॥

தோ³ர்பி⁴ர்யுக்தா சதுர்பி⁴꞉ ஸ்ப²டிகமணிநிபை⁴ரக்ஷமாலாந்த³தா⁴நா
ஹஸ்தேநைகேந பத்³மம் ஸிதமபி ச ஶுகம் புஸ்தகம் சாபரேண ।
பா⁴ஸா குந்தே³ந்து³ஶங்க²ஸ்ப²டிகமணிநிபா⁴ பா⁴ஸமாநா(அ)ஸமாநா
ஸா மே வாக்³தே³வதேயம் நிவஸது வத³நே ஸர்வதா³ ஸுப்ரஸந்நா ॥ 2 ॥

ஸுராஸுரைஸ்ஸேவிதபாத³பங்கஜா கரே விராஜத்கமநீயபுஸ்தகா ।
விரிஞ்சிபத்நீ கமலாஸநஸ்தி²தா ஸரஸ்வதீ ந்ருத்யது வாசி மே ஸதா³ ॥ 3 ॥

ஸரஸ்வதீ ஸரஸிஜகேஸரப்ரபா⁴ தபஸ்விநீ ஸிதகமலாஸநப்ரியா ।
க⁴நஸ்தநீ கமலவிளோலலோசநா மநஸ்விநீ ப⁴வது வரப்ரஸாதி³நீ ॥ 4 ॥

ஸரஸ்வதீ நமஸ்துப்⁴யம் வரதே³ காமரூபிணி ।
வித்³யாரம்ப⁴ம் கரிஷ்யாமி ஸித்³தி⁴ர்ப⁴வது மே ஸதா³ ॥ 5 ॥

ஸரஸ்வதீ நமஸ்துப்⁴யம் ஸர்வதே³வி நமோ நம꞉ ।
ஶாந்தரூபே ஶஶித⁴ரே ஸர்வயோகே³ நமோ நம꞉ ॥ 6 ॥

நித்யாநந்தே³ நிராதா⁴ரே நிஷ்களாயை நமோ நம꞉ ।
வித்³யாத⁴ரே விஶாலாக்ஷி ஶுத்³த⁴ஜ்ஞாநே நமோ நம꞉ ॥ 7 ॥

ஶுத்³த⁴ஸ்ப²டிகரூபாயை ஸூக்ஷ்மரூபே நமோ நம꞉ ।
ஶப்³த³ப்³ரஹ்மி சதுர்ஹஸ்தே ஸர்வஸித்³த்⁴யை நமோ நம꞉ ॥ 8 ॥

முக்தாலங்க்ருத ஸர்வாங்க்³யை மூலாதா⁴ரே நமோ நம꞉ ।
மூலமந்த்ரஸ்வரூபாயை மூலஶக்த்யை நமோ நம꞉ ॥ 9 ॥

மநோந்மநி மஹாபோ⁴கே³ வாகீ³ஶ்வரி நமோ நம꞉ ।
வாக்³ம்யை வரத³ஹஸ்தாயை வரதா³யை நமோ நம꞉ ॥ 10 ॥

வேதா³யை வேத³ரூபாயை வேதா³ந்தாயை நமோ நம꞉ ।
கு³ணதோ³ஷவிவர்ஜிந்யை கு³ணதீ³ப்த்யை நமோ நம꞉ ॥ 11 ॥

ஸர்வஜ்ஞாநே ஸதா³நந்தே³ ஸர்வரூபே நமோ நம꞉ ।
ஸம்பந்நாயை குமார்யை ச ஸர்வஜ்ஞே தே நமோ நம꞉ ॥ 12 ॥

யோகா³நார்ய உமாதே³வ்யை யோகா³நந்தே³ நமோ நம꞉ ।
தி³வ்யஜ்ஞாந த்ரிநேத்ராயை தி³வ்யமூர்த்யை நமோ நம꞉ ॥ 13 ॥

அர்த⁴சந்த்³ரஜடாதா⁴ரி சந்த்³ரபி³ம்பே³ நமோ நம꞉ ।
சந்த்³ராதி³த்யஜடாதா⁴ரி சந்த்³ரபி³ம்பே³ நமோ நம꞉ ॥ 14 ॥

அணுரூபே மஹாரூபே விஶ்வரூபே நமோ நம꞉ ।
அணிமாத்³யஷ்டஸித்³தா⁴யை ஆநந்தா³யை நமோ நம꞉ ॥ 15 ॥

ஜ்ஞாநவிஜ்ஞாநரூபாயை ஜ்ஞாநமூர்தே நமோ நம꞉ ।
நாநாஶாஸ்த்ரஸ்வரூபாயை நாநாரூபே நமோ நம꞉ ॥ 16 ॥

பத்³மஜா பத்³மவம்ஶா ச பத்³மரூபே நமோ நம꞉ ।
பரமேஷ்ட்²யை பராமூர்த்யை நமஸ்தே பாபநாஶிநீ ॥ 17 ॥

மஹாதே³வ்யை மஹாகால்யை மஹாலக்ஷ்ம்யை நமோ நம꞉ ।
ப்³ரஹ்மவிஷ்ணுஶிவாயை ச ப்³ரஹ்மநார்யை நமோ நம꞉ ॥ 18 ॥

கமலாகரபுஷ்பா ச காமரூபே நமோ நம꞉ ।
கபாலிகர்மதீ³ப்தாயை கர்மதா³யை நமோ நம꞉ ॥ 19 ॥

ஸாயம் ப்ராத꞉ படே²ந்நித்யம் ஷண்மாஸாத்ஸித்³தி⁴ருச்யதே ।
சோரவ்யாக்⁴ரப⁴யம் நாஸ்தி பட²தாம் ஶ்ருண்வதாமபி ॥ 20 ॥

இத்த²ம் ஸரஸ்வதீஸ்தோத்ரமக³ஸ்த்யமுநிவாசகம் ।
ஸர்வஸித்³தி⁴கரம் ந்ரூணாம் ஸர்வபாபப்ரணாஶநம் ॥ 21 ॥

இதி அக³ஸ்த்யமுநி ப்ரோக்த ஶ்ரீஸரஸ்வதீ ஸ்தோத்ரம் ।

Found a Mistake or Error? Report it Now