|| ಶ್ರೀ ಮಟ್ಟಪಲ್ಲಿ ನೃಸಿಂಹ ಮಂಗಳಾಷ್ಟಕಂ ||
ಮಟ್ಟಪಲ್ಲಿನಿವಾಸಾಯ ಮಧುರಾನಂದರೂಪಿಣೇ |
ಮಹಾಯಜ್ಞಸ್ವರೂಪಾಯ ಶ್ರೀನೃಸಿಂಹಾಯ ಮಂಗಳಮ್ || ೧ ||
ಕೃಷ್ಣವೇಣೀತಟಸ್ಥಾಯ ಸರ್ವಾಭೀಷ್ಟಪ್ರದಾಯಿನೇ |
ಪ್ರಹ್ಲಾದಪ್ರಿಯರೂಪಾಯ ಶ್ರೀನೃಸಿಂಹಾಯ ಮಂಗಳಮ್ || ೨ ||
ಕರ್ತಸ್ಥಿತಾಯ ಧೀರಾಯ ಗಂಭೀರಾಯ ಮಹಾತ್ಮನೇ |
ಸರ್ವಾರಿಷ್ಟವಿನಾಶಾಯ ಶ್ರೀನೃಸಿಂಹಾಯ ಮಂಗಳಮ್ || ೩ ||
ಋಗ್ಯಜುಃ ಸಾಮರೂಪಾಯ ಮಂತ್ರಾರೂಢಾಯ ಧೀಮತೇ |
ಶ್ರಿತಾನಾಂ ಕಲ್ಪವೃಕ್ಷಾಯ ಶ್ರೀನೃಸಿಂಹಾಯ ಮಂಗಳಮ್ || ೪ ||
ಗುಹಾಶಯಾಯ ಗುಹ್ಯಾಯ ಗುಹ್ಯವಿದ್ಯಾಸ್ವರೂಪಿಣೇ |
ಗುಹರಾಂತೇ ವಿಹಾರಾಯ ಶ್ರೀನೃಸಿಂಹಾಯ ಮಂಗಳಮ್ || ೫ ||
ಶ್ರೀಪಲ್ಯದ್ರಿಮಧ್ಯಸ್ಥಾಯ ನಿಧಯೇ ಮಧುರಾಯ ಚ |
ಸುಖಪ್ರದಾಯ ದೇವಾಯ ಶ್ರೀನೃಸಿಂಹಾಯ ಮಂಗಳಮ್ || ೬ ||
ತಾಪನೀಯರಹಸ್ಯಾಯ ತಾಪತ್ರಯವಿನಾಶಿನೇ |
ನತಾನಾಂ ಪಾರಿಜಾತಾಯ ಶ್ರೀನೃಸಿಂಹಾಯ ಮಂಗಳಮ್ || ೭ ||
ರಾಜ್ಯಲಕ್ಷ್ಮ್ಯಾ ಸಮೇತಾಯ ರಾಗದ್ವೇಷವಿನಾಶಿನೇ
ಮಟ್ಟಪಲ್ಲಿನಿವಾಸಾಯ ಶ್ರೀನೃಸಿಂಹಾಯ ಮಂಗಳಮ್ || ೮ ||
ಮುಕ್ಕೂರ್ ನೃಸಿಂಹದಾಸೇನ ಪ್ರೋಕ್ತಂ ಮಂಗಳಮದ್ಭುತಮ್ |
ಯಃ ಪಠೇಚ್ಛ್ರದ್ಧಯಾ ಭಕ್ತ್ಯಾ ಸರ್ವಪಾಪೈರ್ವಿಮುಚ್ಯತೇ || ೯ ||
ಇತಿ ಶ್ರೀಮುಕ್ಕೂರ್ ಲಕ್ಷ್ಮೀನೃಸಿಂಹಸ್ವಾಮಿನಾ ಅನುಗೃಹೀತಂ ಶ್ರೀ ಮಟ್ಟಪಲ್ಲಿ ನೃಸಿಂಹ ಮಂಗಳಾಷ್ಟಕಮ್ |
Found a Mistake or Error? Report it Now
