|| ஶ்ரீ மாதங்கீ³ ஸ்துதி꞉ ||
மாதங்கி³ மாதரீஶே மது⁴மத³மத²நாராதி⁴தே மஹாமாயே ।
மோஹிநி மோஹப்ரமதி²நி மந்மத²மத²நப்ரியே நமஸ்தே(அ)ஸ்து ॥ 1 ॥
ஸ்துதிஷு தவ தே³வி விதி⁴ரபி பிஹிதமதிர்ப⁴வதி விஹிதமதி꞉ ।
தத³பி து ப⁴க்திர்மாமபி ப⁴வதீம் ஸ்தோதும் விளோப⁴யதி ॥ 2 ॥
யதிஜநஹ்ருத³யநிவாஸே வாஸவவரதே³ வராங்கி³ மாதங்கி³ ।
வீணாவாத³விநோதி³நி நாரத³கீ³தே நமோ தே³வி ॥ 3 ॥
தே³வி ப்ரஸீத³ ஸுந்த³ரி பீநஸ்தநி கம்பு³கண்டி² க⁴நகேஶி ।
மாதங்கி³ வித்³ருமௌஷ்டி² ஸ்மிதமுக்³தா⁴க்ஷ்யம்ப³ மௌக்திகாப⁴ரணே ॥ 4 ॥
ப⁴ரணே த்ரிவிஷ்டபஸ்ய ப்ரப⁴வஸி தத ஏவ பை⁴ரவீ த்வமஸி ।
த்வத்³ப⁴க்திலப்³த⁴விப⁴வோ ப⁴வதி க்ஷுத்³ரோ(அ)பி பு⁴வநபதி꞉ ॥ 5 ॥
பதித꞉ க்ருபணோ மூகோ(அ)ப்யம்ப³ ப⁴வத்யா꞉ ப்ரஸாத³ளேஶேந ।
பூஜ்ய꞉ ஸுப⁴கோ³ வாக்³மீ ப⁴வதி ஜட³ஶ்சாபி ஸர்வஜ்ஞ꞉ ॥ 6 ॥
ஜ்ஞாநாத்மிகே ஜக³ந்மயி நிரஞ்ஜநே நித்யஶுத்³த⁴பதே³ ।
நிர்வாணரூபிணி ஶிவே த்ரிபுரே ஶரணம் ப்ரபந்நஸ்த்வாம் ॥ 7 ॥
த்வாம் மநஸி க்ஷணமபி யோ த்⁴யாயதி முக்தாமணீவ்ருதாம் ஶ்யாமாம் ।
தஸ்ய ஜக³த்த்ரிதயே(அ)ஸ்மிந் காஸ்தா꞉ நநு யா꞉ ஸ்த்ரியோ(அ)ஸாத்⁴யா꞉ ॥ 8 ॥
ஸாத்⁴யாக்ஷரேண க³ர்பி⁴தபஞ்சநவத்யக்ஷராஞ்சிதே மாத꞉ ।
ப⁴க³வதி மாதங்கீ³ஶ்வரி நமோ(அ)ஸ்து துப்⁴யம் மஹாதே³வி ॥ 9 ॥
வித்³யாத⁴ரஸுரகிந்நரகு³ஹ்யகக³ந்த⁴ர்வயக்ஷஸித்³த⁴வரை꞉ ।
ஆராதி⁴தே நமஸ்தே ப்ரஸீத³ க்ருபயைவ மாதங்கி³ ॥ 10 ॥
வீணாவாத³நவேலாநர்தத³ளாபு³ஸ்த²கி³த வாமகுசாம் ।
ஶ்யாமளகோமளகா³த்ரீம் பாடலநயநாம் ஸ்மராமி த்வாம் ॥ 11 ॥
அவடுதடக⁴டிதசூலீதாடி³ததாலீபலாஶதாடங்காம் ।
வீணாவாத³நவேலாகம்பிதஶிரஸம் நமாமி மாதங்கீ³ம் ॥ 12 ॥
மாதா மரகதஶ்யாமா மாதங்கீ³ மத³ஶாலிநீ ।
கடாக்ஷயது கல்யாணீ கத³ம்ப³வநவாஸிநீ ॥ 13 ॥
வாமே விஸ்த்ருதிஶாலிநி ஸ்தநதடே விந்யஸ்தவீணாமுக²ம்
தந்த்ரீம் தாரவிராவிணீமஸகலைராஸ்பா²லயந்தீ நகை²꞉ ।
அர்தோ⁴ந்மீலத³பாங்க³மம்ஸவலிதக்³ரீவம் முக²ம் பி³ப்⁴ரதீ
மாயா காசந மோஹிநீ விஜயதே மாதங்க³கந்யாமயீ ॥ 14 ॥
வீணாவாத்³யவிநோத³நைகநிரதாம் லீலாஶுகோல்லாஸிநீம்
பி³ம்போ³ஷ்டீ²ம் நவயாவகார்த்³ரசரணாமாகீர்ணகேஶாவளிம் ।
ஹ்ருத்³யாங்கீ³ம் ஸிதஶங்க²குண்ட³லத⁴ராம் ஶ்ருங்கா³ரவேஷோஜ்ஜ்வலாம்
மாதங்கீ³ம் ப்ரணதோ(அ)ஸ்மி ஸுஸ்மிதமுகீ²ம் தே³வீம் ஶுகஶ்யாமளாம் ॥ 15 ॥
ஸ்ரஸ்தம் கேஸரதா³மபி⁴꞉ வலயிதம் த⁴ம்மில்லமாபி³ப்⁴ரதீ
தாலீபத்ரபுடாந்தரேஷு க⁴டிதைஸ்தாடங்கிநீ மௌக்திகை꞉ ।
மூலே கல்பதரோர்மஹாமணிமயே ஸிம்ஹாஸநே மோஹிநீ
காசித்³கா³யநதே³வதா விஜயதே வீணாவதீ வாஸநா ॥ 16 ॥
வேணீமூலவிராஜிதேந்து³ஶகலாம் வீணாநிநாத³ப்ரியாம்
க்ஷோணீபாலஸுரேந்த்³ரபந்நக³வரைராராதி⁴தாங்க்⁴ரித்³வயாம் ।
ஏணீசஞ்சலலோசநாம் ஸுவஸநாம் வாணீம் புராணோஜ்ஜ்வலாம்
ஶ்ரோணீபா⁴ரப⁴ராளஸாமநிமிஷ꞉ பஶ்யாமி விஶ்வேஶ்வரீம் ॥ 17 ॥
மாதங்கீ³ஸ்துதிரியமந்வஹம் ப்ரஜப்தா
ஜந்தூநாம் விதரதி கௌஶலம் க்ரியாஸு ।
வாக்³மித்வம் ஶ்ரியமதி⁴காம் ச கா³நஶக்திம்
ஸௌபா⁴க்³யம் ந்ருபதிபி⁴ரர்சநீயதாம் ச ॥ 18 ॥
இதி மந்த்ரகோஶே ஶ்ரீ மாதங்கீ³ ஸ்துதி꞉ ।
Found a Mistake or Error? Report it Now
