ஶ்ரீ த³க்ஷிணகாளீ கவசம்

பை⁴ரவ உவாச ।
காளிகா யா மஹாவித்³யா கதி²தா பு⁴வி து³ர்லபா⁴ ।
ததா²(அ)பி ஹ்ருத³யே ஶல்யமஸ்தி தே³வி க்ருபாம் குரு ॥ 1 ॥

கவசஸ்து மஹாதே³வி கத²யஸ்வாநுகம்பயா ।
யதி³ நோ கத்²யதே மாதர்விமுஞ்சாமி ததா³ தநும் ॥ 2 ॥

ஶ்ரீதே³வ்யுவாச ।
ஶங்காபி ஜாயதே வத்ஸ தவ ஸ்நேஹாத் ப்ரகாஶிதம் ।
ந வக்தவ்யம் ந த்³ரஷ்டவ்யமதிகு³ஹ்யதரம் மஹத் ॥ 3 ॥

காளிகா ஜக³தாம் மாதா ஶோகது³꞉க²விநாஶிநீ ।
விஶேஷத꞉ கலியுகே³ மஹாபாதகஹாரிணீ ॥ 4 ॥

அத² கவசம் –
காளீ மே புரத꞉ பாது ப்ருஷ்ட²தஶ்ச கபாலிநீ ।
குல்லா மே த³க்ஷிணே பாது குருகுல்லா ததோ²த்தரே ॥ 5 ॥

விரோதி⁴நீ ஶிர꞉ பாது விப்ரசித்தா து சக்ஷுஷீ ।
உக்³ரா மே நாஸிகாம் பாது கர்ணௌ சோக்³ரப்ரபா⁴ மதா ॥ 6 ॥

வத³நம் பாது மே தீ³ப்தா நீலா ச சிபு³கம் ஸதா³ ।
க⁴நா க்³ரீவம் ஸதா³ பாது ப³லாகா பா³ஹுயுக்³மகம் ॥ 7 ॥

மாத்ரா பாது கரத்³வந்த்³வம் வக்ஷோ முத்³ரா ஸதா³வது ।
மிதா பாது ஸ்தநத்³வந்த்³வம் யோநிமண்ட³லதே³வதா ॥ 8 ॥

ப்³ராஹ்மீ மே ஜட²ரம் பாது நாபி⁴ம் நாராயணீ ததா² ।
ஊரூ மாஹேஶ்வரீ நித்யம் சாமுண்டா³ பாது லிங்க³கம் ॥ 9 ॥

கௌமாரீ ச கடிம் பாது ததை²வ ஜாநுயுக்³மகம் ।
அபராஜிதா ச பாதௌ³ மே வாராஹீ பாது சாங்கு³ளீந் ॥ 10 ॥

ஸந்தி⁴ஸ்தா²நம் நாரஸிம்ஹீ பத்ரஸ்தா² தே³வதாவது ।
ரக்ஷாஹீநம் து யத் ஸ்தா²நம் வர்ஜிதம் கவசேந து ॥ 11 ॥

தத்ஸர்வம் ரக்ஷ மே தே³வி காளிகே கோ⁴ரத³க்ஷிணே ।
ஊர்த்⁴வமத⁴ஸ்ததா² தி³க்ஷு பாது தே³வீ ஸ்வயம் வபு꞉ ॥ 12 ॥

ஹிம்ஸ்ரேப்⁴ய꞉ ஸர்வதா³ பாது ஸாத⁴கம் ச ஜலாதி⁴காத் ।
த³க்ஷிணாகாளிகா தே³வீ வ்யாபகத்வே ஸதா³வது ॥ 13 ॥

இத³ம் கவசமஜ்ஞாத்வா யோ ஜபேத்³தே³வத³க்ஷிணாம் ।
ந பூஜாப²லமாப்நோதி விக்⁴நஸ்தஸ்ய பதே³ பதே³ ॥ 14 ॥

கவசேநாவ்ருதோ நித்யம் யத்ர யத்ரைவ க³ச்ச²தி ।
தத்ர தத்ரா(அ)ப⁴யம் தஸ்ய ந க்ஷோப⁴ம் வித்³யதே க்வசித் ॥ 15 ॥

இதி காளீகுலஸர்வஸ்வே ஶ்ரீ த³க்ஷிணகாளிகா கவசம் ।

Found a Mistake or Error? Report it Now