ஶ்ரீ ஆத்³யா ஸ்தோத்ரம்

|| ஶ்ரீ ஆத்³யா ஸ்தோத்ரம் ||

ப்³ரஹ்மோவாச ।
ஶ்ருணு வத்ஸ ப்ரவக்ஷ்யாமி ஆத்³யாஸ்தோத்ரம் மஹாப²லம் ।
ய꞉ படே²த் ஸததம் ப⁴க்த்யா ஸ ஏவ விஷ்ணுவல்லப⁴꞉ ॥ 1 ॥

ம்ருத்யுர்வ்யாதி⁴ப⁴யம் தஸ்ய நாஸ்தி கிஞ்சித் கலௌ யுகே³ ।
அபுத்ரா லப⁴தே புத்ரம் த்ரிபக்ஷம் ஶ்ரவணம் யதி³ ॥ 2 ॥

த்³வௌ மாஸௌ ப³ந்த⁴நாந்முக்தி விப்ரவக்த்ராத் ஶ்ருதம் யதி³ ।
ம்ருதவத்ஸா ஜீவவத்ஸா ஷண்மாஸம் ஶ்ரவணம் யதி³ ॥ 3 ॥

நௌகாயாம் ஸங்கடே யுத்³தே⁴ பட²நாஜ்ஜயமாப்நுயாத் ।
லிகி²த்வா ஸ்தா²பயேத்³கே³ஹே நாக்³நிசௌரப⁴யம் க்வசித் ॥ 4 ॥

ராஜஸ்தா²நே ஜயீ நித்யம் ப்ரஸந்நா꞉ ஸர்வதே³வதா ।
ஓம் ஹ்ரீம் ।
ப்³ரஹ்மாணீ ப்³ரஹ்மலோகே ச வைகுண்டே² ஸர்வமங்க³ளா ॥ 5 ॥

இந்த்³ராணீ அமராவத்யாமம்பி³கா வருணாலயே ।
யமாலயே காலரூபா குபே³ரப⁴வநே ஶுபா⁴ ॥ 6 ॥

மஹாநந்தா³க்³நிகோணே ச வாயவ்யாம் ம்ருக³வாஹிநீ ।
நைர்ருத்யாம் ரக்தத³ந்தா ச ஐஶாந்யாம் ஶூலதா⁴ரிணீ ॥ 7 ॥

பாதாலே வைஷ்ணவீரூபா ஸிம்ஹலே தே³வமோஹிநீ ।
ஸுரஸா ச மணித்³விபே லங்காயாம் ப⁴த்³ரகாளிகா ॥ 8 ॥

ராமேஶ்வரீ ஸேதுப³ந்தே⁴ விமலா புருஷோத்தமே ।
விரஜா ஔட்³ரதே³ஶே ச காமாக்ஷ்யா நீலபர்வதே ॥ 9 ॥

காளிகா வங்க³தே³ஶே ச அயோத்⁴யாயாம் மஹேஶ்வரீ ।
வாராணஸ்யாமந்நபூர்ணா க³யாக்ஷேத்ரே க³யேஶ்வரீ ॥ 10 ॥

குருக்ஷேத்ரே ப⁴த்³ரகாளீ வ்ரஜே காத்யாயநீ பரா ।
த்³வாரகாயாம் மஹாமாயா மது²ராயாம் மஹேஶ்வரீ ॥ 11 ॥

க்ஷுதா⁴ த்வம் ஸர்வபூ⁴தாநாம் வேலா த்வம் ஸாக³ரஸ்ய ச ।
நவமீ ஶுக்லபக்ஷஸ்ய க்ருஷ்ணஸ்யைகாத³ஶீ பரா ॥ 12 ॥

த³க்ஷஸா து³ஹிதா தே³வீ த³க்ஷயஜ்ஞவிநாஶிநீ ।
ராமஸ்ய ஜாநகீ த்வம் ஹி ராவணத்⁴வம்ஸகாரிணீ ॥ 13 ॥

சண்ட³முண்ட³வதே⁴ தே³வீ ரக்தபீ³ஜவிநாஶிநீ ।
நிஶும்ப⁴ஶும்ப⁴மதி²நீ மது⁴கைடப⁴கா⁴திநீ ॥ 14 ॥

விஷ்ணுப⁴க்திப்ரதா³ து³ர்கா³ ஸுக²தா³ மோக்ஷதா³ ஸதா³ ।
ஆத்³யாஸ்தவமிமம் புண்யம் ய꞉ படே²த் ஸததம் நர꞉ ॥ 15 ॥

ஸர்வஜ்வரப⁴யம் ந ஸ்யாத் ஸர்வவ்யாதி⁴விநாஶநம் ।
கோடிதீர்த²ப²லம் தஸ்ய லப⁴தே நாத்ர ஸம்ஶய꞉ ॥ 16 ॥

ஜயா மே சாக்³ரத꞉ பாது விஜயா பாது ப்ருஷ்ட²த꞉ ।
நாராயணீ ஶீர்ஷதே³ஶே ஸர்வாங்கே³ ஸிம்ஹவாஹிநீ ॥ 17 ॥

ஶிவதூ³தீ உக்³ரசண்டா³ ப்ரத்யங்கே³ பரமேஶ்வரீ ।
விஶாலாக்ஷீ மஹாமாயா கௌமாரீ ஶங்கி²நீ ஶிவா ॥ 18 ॥

சக்ரிணீ ஜயதா³த்ரீ ச ரணமத்தா ரணப்ரியா ।
து³ர்கா³ ஜயந்தீ காளீ ச ப⁴த்³ரகாளீ மஹோத³ரீ ॥ 19 ॥

நாரஸிம்ஹீ ச வாராஹீ ஸித்³தி⁴தா³த்ரீ ஸுக²ப்ரதா³ ।
ப⁴யங்கரீ மஹாரௌத்³ரீ மஹாப⁴யவிநாஶிநீ ॥ 20 ॥

இதி ஶ்ரீப்³ரஹ்மயாமளே ப்³ரஹ்மநாரத³ஸம்வாதே³ ஶ்ரீ ஆத்³யா ஸ்தோத்ரம் ॥

Found a Mistake or Error? Report it Now