|| ஶ்ரீ மநஸா தே³வீ ஸ்தோத்ரம் (மஹேந்த்³ர க்ருதம்) 1 ||
தே³வி த்வாம் ஸ்தோதுமிச்சா²மி ஸாத்⁴வீநாம் ப்ரவராம் பராம் ।
பராத்பராம் ச பரமாம் ந ஹி ஸ்தோதும் க்ஷமோ(அ)து⁴நா ॥ 1 ॥
ஸ்தோத்ராணாம் லக்ஷணம் வேதே³ ஸ்வபா⁴வாக்²யாநத꞉ பரம் ।
ந க்ஷம꞉ ப்ரக்ருதிம் வக்தும் கு³ணாநாம் தவ ஸுவ்ரதே ॥ 2 ॥
ஶுத்³த⁴ஸத்த்வஸ்வரூபா த்வம் கோபஹிம்ஸாவிவர்ஜிதா ।
ந ச ஶப்தோ முநிஸ்தேந த்யக்தயா ச த்வயா யத꞉ ॥ 3 ॥
த்வம் மயா பூஜிதா ஸாத்⁴வீ ஜநநீ ச யதா²(அ)தி³தி꞉ ।
த³யாரூபா ச ப⁴கி³நீ க்ஷமாரூபா யதா² ப்ரஸூ꞉ ॥ 4 ॥
த்வயா மே ரக்ஷிதா꞉ ப்ராணா புத்ரதா³ரா꞉ ஸுரேஶ்வரி ।
அஹம் கரோமி த்வாம் பூஜ்யாம் மம ப்ரீதிஶ்ச வர்த⁴தே ॥ 5 ॥
நித்யம் யத்³யபி பூஜ்யா த்வம் ப⁴வே(அ)த்ர ஜக³த³ம்பி³கே ।
ததா²பி தவ பூஜாம் வை வர்த⁴யாமி புந꞉ புந꞉ ॥ 6 ॥
யே த்வாமாஷாட⁴ஸங்க்ராந்த்யாம் பூஜயிஷ்யந்தி ப⁴க்தித꞉ ।
பஞ்சம்யாம் மநஸாக்²யாயாம் மாஸாந்தே வா தி³நே தி³நே ॥ 7 ॥
புத்ரபௌத்ராத³யஸ்தேஷாம் வர்த⁴ந்தே ச த⁴நாநி ச ।
யஶஸ்விந꞉ கீர்திமந்தோ வித்³யாவந்தோ கு³ணாந்விதா꞉ ॥ 8 ॥
யே த்வாம் ந பூஜயிஷ்யந்தி நிந்த³ந்த்யஜ்ஞாநதோ ஜநா꞉ ।
லக்ஷ்மீஹீநா ப⁴விஷ்யந்தி தேஷாம் நாக³ப⁴யம் ஸதா³ ॥ 9 ॥
த்வம் ஸ்வர்க³ளக்ஷ்மீ꞉ ஸ்வர்கே³ ச வைகுண்டே² கமலாகலா ।
நாராயணாம்ஶோ ப⁴க³வான் ஜரத்காருர்முநீஶ்வர꞉ ॥ 10 ॥
தபஸா தேஜஸா த்வாம் ச மநஸா ஸஸ்ருஜே பிதா ।
அஸ்மாகம் ரக்ஷணாயைவ தேந த்வம் மநஸாபி⁴தா⁴ ॥ 11 ॥
மநஸா தே³வி து ஶக்தா சாத்மநா ஸித்³த⁴யோகி³நீ ।
தேந த்வம் மநஸாதே³வீ பூஜிதா வந்தி³தா ப⁴வே ॥ 12 ॥
யாம் ப⁴க்த்யா மநஸா தே³வா꞉ பூஜயந்த்யநிஶம் ப்⁴ருஶம் ।
தேந த்வாம் மநஸாதே³வீம் ப்ரவத³ந்தி புராவித³꞉ ॥ 13 ॥
ஸத்த்வரூபா ச தே³வீ த்வம் ஶஶ்வத்ஸத்த்வநிஷேவயா ।
யோ ஹி யத்³பா⁴வயேந்நித்யம் ஶதம் ப்ராப்நோதி தத்ஸமம் ॥ 14 ॥
இத³ம் ஸ்தோத்ரம் புண்யபீ³ஜம் தாம் ஸம்பூஜ்ய ச ய꞉ படே²த் ।
தஸ்ய நாக³ப⁴யம் நாஸ்தி தஸ்ய வம்ஶோத்³ப⁴வஸ்ய ச ॥ 15 ॥
விஷம் ப⁴வேத்ஸுதா⁴துல்யம் ஸித்³த⁴ஸ்தோத்ரம் யதா³ படே²த் ।
பஞ்சலக்ஷஜபேநைவ ஸித்³த⁴ஸ்தோத்ரோ ப⁴வேந்நர꞉ ।
ஸர்பஶாயீ ப⁴வேத்ஸோ(அ)பி நிஶ்சிதம் ஸர்பவாஹந꞉ ॥ 16 ॥
இதி ஶ்ரீப்³ரஹ்மவைவர்தே மஹாபுராணே ப்ரக்ருதிக²ண்டே³ ஷட்சத்வாரிம்ஶோ(அ)த்⁴யாயே மஹேந்த்³ர க்ருத ஶ்ரீ மநஸாதே³வீ ஸ்தோத்ரம் ॥
Found a Mistake or Error? Report it Now
