ஶ்ரீ விக²நஸ ஸ்தோத்ரம்

|| ஶ்ரீ விக²நஸ ஸ்தோத்ரம் ||

நைமிஶே நிமிஶக்ஷேத்ரே கோ³மத்யா ஸமலங்க்ருதே ।
ஹரேராராத⁴நாஸக்தம் வந்தே³ விக²நஸம் முநிம் ॥ 1 ॥

ரேசகை꞉ பூரகைஶ்சைவ கும்ப⁴கைஶ்ச ஸமாயுதம் ।
ப்ராணாயாமபரம் நித்யம் வந்தே³ விக²நஸம் முநிம் ॥ 2 ॥

துலஸீநலிநாக்ஷைஶ்ச க்ருதமாலா விபூ⁴ஷிதம் ।
அஞ்சிதைரூர்த்⁴வபுண்ட்³ரைஶ்ச வந்தே³ விக²நஸம் முநிம் ॥ 3 ॥

துலஸீஸ்தப³கை꞉ பத்³மைர்ஹரிபாதா³ர்சநாரதம் ।
ஶாந்தம் ஜிதேந்த்³ரியம் மௌநிம் வந்தே³ விக²நஸம் முநிம் ॥ 4 ॥

குண்ட³லாங்க³த³ஹாராத்³யைர்முத்³ரிகாபி⁴ரளங்க்ருதம் ।
ஸர்வாப⁴ரணஸம்யுக்தம் வந்தே³ விக²நஸம் முநிம் ॥ 5 ॥

ரத்நகங்கணமஞ்ஜீர கடிஸூத்ரைரளங்க்ருதம் ।
காஞ்சீபீதாம்ப³ரத⁴ரம் வந்தே³ விக²நஸம் முநிம் ॥ 6 ॥

ஶரச்சந்த்³ரப்ரதீகாஶைர்த⁴வளைருபவீதகை꞉ ।
ஸோத்தரீயம் ப³த்³த⁴ஶிக²ம் வந்தே³ விக²நஸம் முநிம் ॥ 7 ॥

கம்பு³க்³ரீவம் விஶாலாக்ஷம் விகஸத்பங்கஜாநநம் ।
கந்த³ர்பகோடிலாவண்யம் வந்தே³ விக²நஸம் முநிம் ॥ 8 ॥

குந்தே³ந்து³ஶங்க²ஸத்³ருஶ த³ந்தபங்க்த்யா விராஜிதம் ।
ஸூர்யகோடிநிப⁴ம் காந்த்யா வந்தே³ விக²நஸம் முநிம் ॥ 9 ॥

ஜ்வாலாமணிக³ணப்ரக்²ய நக²பங்க்த்யா ஸுஶோபி⁴தம் ।
கராப்⁴யாமஞ்ஜலிகரம் வந்தே³ விக²நஸம் முநிம் ॥ 10 ॥

வந்தே³ விக²நஸம் ஸாக்ஷாத்³ப்³ரஹ்மரூபம் முநீஶ்வரம் ।
ஶ்ருதிஸ்ம்ருதீதிஹாஸஜ்ஞை꞉ ருஷிபி⁴꞉ ஸமபி⁴ஷ்டு²தம் ॥ 11 ॥

வந்தே³ ப்⁴ருகு³ம் தபோநிஷ்ட²ம் மரீசிம் ச மஹாமுநிம் ।
அத்ரிம் சைவ த்ரிகாலஜ்ஞம் காஶ்யபம் ப்³ரஹ்மவாதி³நம் ॥ 12 ॥

ஏதத்³விக²நஸஸ்தோத்ரம் ப்ராதருத்தா²ய ய꞉ படே²த் ।
தி³வா ச யதி³ வா ராத்ரௌ ஸமேஷு விஷமேஷு ச ।
ந ப⁴யம் விந்த³தே கிஞ்சித்கார்யஸித்³தி⁴ம் ச க³ச்ச²தி ॥ 13 ॥

ஏதத்³விக²நஸஸ்தோத்ரம் ய꞉ படே²த்³த⁴ரிஸந்நிதௌ⁴ ।
விஷ்ணோராராத⁴நே காலே ஜபகாலே விஶேஷத꞉ ॥ 14 ॥

ய ஏதத் ப்ராதருத்தா²ய நித்யம் ச ப்ரயத꞉ படே²த் ।
புத்ர꞉ பௌத்ரைர்த⁴நம் தஸ்ய ஆயுராரோக்³யஸம்பத³꞉ ॥ 15 ॥

ஏதைர்யுக்தோ மஹாபோ⁴கீ³ இஹலோகே ஸுகீ² ப⁴வேத் ।
அந்தே விமாநமாருஹ்ய விஷ்ணுலோகம் ச க³ச்ச²தி ॥ 16 ॥

இதி ஶ்ரீ விக²நஸ ஸ்தோத்ரம் ।

Found a Mistake or Error? Report it Now