|| Sanghila Krita Uma Maheswara Ashtakam ||
pitāmahaśiracchēdapravīṇakarapallava |
namastubhyaṁ namastubhyaṁ namastubhyaṁ mahēśvara || 1 ||
niśumbhaśumbhapramukhadaityaśikṣaṇadakṣiṇē |
namastubhyaṁ namastubhyaṁ namastubhyaṁ mahēśvari || 2 ||
śailarājasya jāmātaḥ śaśirēkhāvataṁsaka |
namastubhyaṁ namastubhyaṁ namastubhyaṁ mahēśvara || 3 ||
śailarājātmajē mātaḥ śātakumbhanibhaprabhē |
namastubhyaṁ namastubhyaṁ namastubhyaṁ mahēśvari || 4 ||
bhūtanātha purārātē bhujaṅgāmr̥tabhūṣaṇa |
namastubhyaṁ namastubhyaṁ namastubhyaṁ mahēśvara || 5 ||
pādapraṇatabhaktānāṁ pārijātaguṇādhikē |
namastubhyaṁ namastubhyaṁ namastubhyaṁ mahēśvari || 6 ||
hālāsyēśa dayāmūrtē hālāhalalasadgala |
namastubhyaṁ namastubhyaṁ namastubhyaṁ mahēśvara || 7 ||
nitambini mahēśasya kadambavananāyikē |
namastubhyaṁ namastubhyaṁ namastubhyaṁ mahēśvari || 8 ||
iti śrīhālāsyamāhātmyē saṅghilakr̥taṁ umāmahēśvarāṣṭakam |
Found a Mistake or Error? Report it Now
