|| Pradoshastotra ashtakam ||
satyaṁ bravīmi paralōkahitaṁ bravīmi
sāraṁ bravīmyupaniṣaddhr̥dayaṁ bravīmi |
saṁsāramulbaṇamasāramavāpya jantōḥ
sārō:’yamīśvarapadāmburuhasya sēvā || 1 ||
yē nārcayanti giriśaṁ samayē pradōṣē
yē nārcitaṁ śivamapi praṇamanti cānyē |
ētatkathāṁ śrutipuṭairna pibanti mūḍhā-
-stē janmajanmasu bhavanti narā daridrāḥ || 2 ||
yē vai pradōṣasamayē paramēśvarasya
kurvantyananyamanasōṅghrisarōjapūjām |
nityaṁ pravr̥ddhadhanadhānyakalatraputra-
-saubhāgyasampadadhikāsta ihaiva lōkē || 3 ||
kailāsaśailabhavanē trijagajjanitrīṁ
gaurīṁ nivēśya kanakāñcitaratnapīṭhē |
nr̥tyaṁ vidhātumabhivāñchati śūlapāṇau
dēvāḥ pradōṣasamayē:’nubhajanti sarvē || 4 ||
vāgdēvī dhr̥tavallakī śatamakhō vēṇuṁ dadhatpadmaja-
-stālōnnidrakarō ramā bhagavatī gēyaprayōgānvitā |
viṣṇuḥ sāndramr̥daṅgavādanapaṭurdēvāḥ samantāt sthitāḥ
sēvantē tamanu pradōṣasamayē dēvaṁ mr̥ḍānīpatim || 5 ||
gandharvayakṣapatagōragasiddhasādhyā
vidyādharāmaravarāpsarasāṁ gaṇāṁśca |
yē:’nyē trilōkanilayāḥ sahabhūtavargāḥ
prāptē pradōṣasamayē harapārśvasaṁsthāḥ || 6 ||
ataḥ pradōṣē śiva ēka ēva
pūjyō:’tha nānyē haripadmajādyāḥ |
tasminmahēśē vidhinējyamānē
sarvē prasīdanti surādhināthāḥ || 7 ||
ēṣa tē tanayaḥ pūrvajanmani brāhmaṇōttamaḥ
pratigrahairvayō ninyē na yajñādyaiḥ sukarmabhiḥ |
atō dāridryamāpannaḥ putrastē dvijabhāmini
taddōṣaparihārārthaṁ śaraṇaṁ yātu śaṅkaram || 8 ||
iti śrīskāndapurāṇē brahmakhaṇḍē tr̥tīyē brahmōttarakhaṇḍē ṣaṣṭhō:’dhyāyē śāṇḍilya kr̥ta pradōṣastōtrāṣṭakam |
Found a Mistake or Error? Report it Now
