ஶ்ரீ ஶிவஶங்கர ஸ்தோத்ரம்

|| ஶ்ரீ ஶிவஶங்கர ஸ்தோத்ரம் ||

அதிபீ⁴ஷணகடுபா⁴ஷணயமகிங்கிரபடலீ-
-க்ருததாட³நபரிபீட³நமரணாக³மஸமயே ।
உமயா ஸஹ மம சேதஸி யமஶாஸந நிவஸன்
ஶிவஶங்கர ஶிவஶங்கர ஹர மே ஹர து³ரிதம் ॥ 1 ॥

அஸதி³ந்த்³ரியவிஷயோத³யஸுக²ஸாத்க்ருதஸுக்ருதே꞉
பரதூ³ஷணபரிமோக்ஷண க்ருதபாதகவிக்ருதே꞉ ।
ஶமநாநநப⁴வகாநநநிரதேர்ப⁴வ ஶரணம்
ஶிவஶங்கர ஶிவஶங்கர ஹர மே ஹர து³ரிதம் ॥ 2 ॥

விஷயாபி⁴த⁴ப³டி³ஶாயுத⁴பிஶிதாயிதஸுக²தோ
மகராயிதக³திஸம்ஸ்ருதிக்ருதஸாஹஸவிபத³ம் ।
பரமாலய பரிபாலய பரிதாபிதமநிஶம்
ஶிவஶங்கர ஶிவஶங்கர ஹர மே ஹர து³ரிதம் ॥ 3 ॥

த³யிதா மம து³ஹிதா மம ஜநநீ மம ஜநகோ
மம கல்பிதமதிஸந்ததிமருபூ⁴மிஷு நிரதம் ।
கி³ரிஜாஸக² ஜநிதாஸுக²வஸதிம் குரு ஸுகி²நம்
ஶிவஶங்கர ஶிவஶங்கர ஹர மே ஹர து³ரிதம் ॥ 4 ॥

ஜநிநாஶந ம்ருதிமோசந ஶிவபூஜநநிரதே꞉
அபி⁴தோ(அ)த்³ருஶமித³மீத்³ருஶமஹமாவஹ இதி ஹா ।
க³ஜகச்ச²பஜநிதஶ்ரம விமலீகுரு ஸுமதிம்
ஶிவஶங்கர ஶிவஶங்கர ஹர மே ஹர து³ரிதம் ॥ 5 ॥

த்வயி திஷ்ட²தி ஸகலஸ்தி²திகருணாத்மநி ஹ்ருத³யே
வஸுமார்க³ணக்ருபணேக்ஷணமநஸா ஶிவவிமுக²ம் ।
அக்ருதாஹ்நிகமஸுபோஷகமவதாத்³கி³ரிஸுதயா
ஶிவஶங்கர ஶிவஶங்கர ஹர மே ஹர து³ரிதம் ॥ 6 ॥

பிதராவிதி ஸுக²தா³விதி ஶிஶுநா க்ருதஹ்ருத³யௌ
ஶிவயா ஹ்ருதப⁴யகே ஹ்ருதி³ ஜநிதம் தவ ஸுக்ருதம் ।
இதி மே ஶிவ ஹ்ருத³யம் ப⁴வ ப⁴வதாத்தவ த³யயா
ஶிவஶங்கர ஶிவஶங்கர ஹர மே ஹர து³ரிதம் ॥ 7 ॥

ஶரணாக³தப⁴ரணாஶ்ரித கருணாம்ருதஜலதே⁴
ஶரணம் தவ சரணௌ ஶிவ மம ஸம்ஸ்ருதிவஸதே꞉ ।
பரிசிந்மய ஜக³தா³மயபி⁴ஷஜே நதிரவதாத்
ஶிவஶங்கர ஶிவஶங்கர ஹர மே ஹர து³ரிதம் ॥ 8 ॥

விவிதா⁴தி⁴பி⁴ரதிபீ⁴திபி⁴ரக்ருதாதி⁴கஸுக்ருதம்
ஶதகோடிஷு நரகாதி³ஷு ஹதபாதகவிவஶம் ।
ம்ருட³ மாமவ ஸுக்ருதீப⁴வ ஶிவயா ஸஹ க்ருபயா
ஶிவஶங்கர ஶிவஶங்கர ஹர மே ஹர து³ரிதம் ॥ 9 ॥

கலிநாஶந க³ரளாஶந கமலாஸநவிநுத
கமலாபதிநயநார்சித கருணாக்ருதிசரண ।
கருணாகர முநிஸேவித ப⁴வஸாக³ரஹரண
ஶிவஶங்கர ஶிவஶங்கர ஹர மே ஹர து³ரிதம் ॥ 10 ॥

விஜிதேந்த்³ரியவிபு³தா⁴ர்சித விமலாம்பு³ஜசரண
ப⁴வநாஶந ப⁴யநாஶந ப⁴ஜிதாங்கி³தஹ்ருத³ய ।
ப²ணிபூ⁴ஷண முநிவேஷண மத³நாந்தக ஶரணம்
ஶிவஶங்கர ஶிவஶங்கர ஹர மே ஹர து³ரிதம் ॥ 11 ॥

த்ரிபுராந்தக த்ரித³ஶேஶ்வர த்ரிகு³ணாத்மக ஶம்போ⁴
வ்ருஷவாஹந விஷதூ³ஷண பதிதோத்³த⁴ர ஶரணம் ।
கநகாஸந கநகாம்ப³ர கலிநாஶந ஶரணம்
ஶிவஶங்கர ஶிவஶங்கர ஹர மே ஹர து³ரிதம் ॥ 12 ॥

இதி ஶ்ரீஶிவஶங்கரஸ்தோத்ரம் ॥

Found a Mistake or Error? Report it Now