|| Deva Krita Shiva Stotram ||
dēvā ūcuḥ |
namō dēvādidēvāya trinētrāya mahātmanē |
raktapiṅgalanētrāya jaṭāmakuṭadhāriṇē || 1 ||
bhūtavētālajuṣṭāya mahābhōgōpavītinē |
bhīmāṭ-ṭahāsavaktrāya kapardi sthāṇavē namaḥ || 2 ||
pūṣadantavināśāya bhaganētrahanē namaḥ |
bhaviṣyadvr̥ṣacihnāya mahābhūtapatē namaḥ || 3 ||
bhaviṣyattripurāntāya tathāndhakavināśinē |
kailāsavaravāsāya karikr̥ttinivāsinē || 4 ||
vikarālōrdhvakēśāya bhairavāya namō namaḥ |
agnijvālākarālāya śaśimaulikr̥tē namaḥ || 5 ||
bhaviṣyat kr̥takāpālivratāya paramēṣṭhinē |
tathā dāruvanadhvaṁsakāriṇē tigmaśūlinē || 6 ||
kr̥takaṅkaṇabhōgīndra nīlakaṇṭha triśūlinē |
pracaṇḍadaṇḍahastāya baḍabāgnimukhāya ca || 7 ||
vēdāntavēdyāya namō yajñamūrtē namō namaḥ |
dakṣayajñavināśāya jagadbhayakarāya ca || 8 ||
viśvēśvarāya dēvāya śiva śambhō bhavāya ca |
kapardinē karālāya mahādēvāya tē namaḥ || 9 ||
ēvaṁ dēvaiḥ stutaḥ śambhurugradhanvā sanātanaḥ |
uvāca dēvadēvōyaṁ yatkarōmi taducyatē || 10 ||
iti śrīvarāhapurāṇē dēvakr̥ta śivastōtram |
Found a Mistake or Error? Report it Now
