ஶ்ரீ ஸோமஸுந்த³ராஷ்டகம்

|| ஶ்ரீ ஸோமஸுந்த³ராஷ்டகம் ||

இந்த்³ர உவாச ।
ஏகம் ப்³ரஹ்மாத்³விதீயம் ச பரிபூர்ணம் பராபரம் ।
இதி யோ கீ³யதே வேதை³ஸ்தம் வந்தே³ ஸோமஸுந்த³ரம் ॥ 1 ॥

ஜ்ஞாத்ருஜ்ஞாநஜ்ஞேயரூபம் விஶ்வவ்யாப்யம் வ்யவஸ்தி²தம் ।
யம் ஸர்வைரப்யத்³ருஶ்யோயஸ்தம் வந்தே³ ஸோமஸுந்த³ரம் ॥ 2 ॥

அஶ்வமேதா⁴தி³யஜ்ஞைஶ்ச ய꞉ ஸமாராத்⁴யதே த்³விஜை꞉ ।
த³தா³தி ச ப²லம் தேஷாம் தம் வந்தே³ ஸோமஸுந்த³ரம் ॥ 3 ॥

யம் விதி³த்வா பு³தா⁴꞉ ஸர்வே கர்மப³ந்த⁴விவர்ஜிதா꞉ ।
லப⁴ந்தே பரமாம் முக்திம் தம் வந்தே³ ஸோமஸுந்த³ரம் ॥ 4 ॥

தே³வதே³வம் யமாராத்⁴ய ம்ருகண்டு³தநயோ முநி꞉ ।
நித்யத்வமக³மத்ஸத்³யஸ்தம் வந்தே³ ஸோமஸுந்த³ரம் ॥ 5 ॥

நிஜநேத்ராம்பு³ஜக்ருதம் பூஜயா பரிதோஷ்யயம் ।
ஶ்ரீபதிர்லப⁴தே சக்ரம் தம் வந்தே³ ஸோமஸுந்த³ரம் ॥ 6 ॥

யேந ஸர்வம் ஜக³த்ஸ்ருஷ்டம் ரக்ஷிதம் ஸம்ஹ்ருதம் க்ரமாத் ।
நத்வம் விஜ்ஞாநமாநந்த³ம் தம் வந்தே³ ஸோமஸுந்த³ரம் ॥ 7 ॥

யஸ்மாத்பரம் சாபரம் ச கிஞ்சித்³வஸ்து ந வித்³யதே ।
ஈஶ்வரம் ஸர்வபூ⁴தாநாம் தம் வந்தே³ ஸோமஸுந்த³ரம் ॥ 8 ॥

யஸ்மை வேதா³ஶ்ச சத்வாரோ நமஸ்யந்த வபுர்த⁴ரா꞉ ।
ஈஶாநம் ஸர்வவித்³யாநாம் தம் வந்தே³ ஸோமஸுந்த³ரம் ॥ 9 ॥

யஸ்ய ப்ரணாமமாத்ரேண ஸந்தி ஸர்வாஶ்ச ஸம்பத³꞉ ।
ஸர்வஸித்³தி⁴ப்ரத³ம் ஶம்பு⁴ம் தம் வந்தே³ ஸோமஸுந்த³ரம் ॥ 10 ॥

யஸ்ய த³ர்ஶநமாத்ரேண ப்³ரஹ்மஹத்யாதி³ பாதகம் ।
அவஶ்யம் நஶ்யதி க்ஷிப்ரம் தம் வந்தே³ ஸோமஸுந்த³ரம் ॥ 11 ॥

உத்தமாங்க³ம் ச சரணம் ப்³ரஹ்மணா விஷ்ணுநாபி ச ।
ந த்³ருஶ்யதே யஸ்ய யத்நஸ்தம் வந்தே³ ஸோமஸுந்த³ரம் ॥ 12 ॥

இதி ஶ்ரீஹாலாஸ்யமாஹாத்ம்யே இந்த்³ரக்ருதம் ஶ்ரீஸோமஸுந்த³ராஷ்டகம் ।

Found a Mistake or Error? Report it Now