|| Ardhanarishvara Ashtottara Shatanama Stotram ||
cāmuṇḍikāmbā śrīkaṇṭhaḥ pārvatī paramēśvaraḥ |
mahārājñī mahādēvaḥ sadārādhyā sadāśivaḥ || 1 ||
śivārdhāṅgī śivārdhāṅgō bhairavī kālabhairavaḥ |
śaktitritayarūpāḍhyā mūrtitritayarūpavān || 2 ||
kāmakōṭisupīṭhasthā kāśīkṣētrasamāśrayaḥ |
dākṣāyaṇī dakṣavairi śūlinī śūladhārakaḥ || 3 ||
hrīṅkārapañjaraśukī hariśaṅkararūpavān |
śrīmadgaṇēśajananī ṣaḍānanasujanmabhūḥ || 4 ||
pañcaprētāsanārūḍhā pañcabrahmasvarūpabhr̥t |
caṇḍamuṇḍaśiraśchētrī jalandharaśirōharaḥ || 5 ||
siṁhavāhā vr̥ṣārūḍhaḥ śyāmābhā sphaṭikaprabhaḥ |
mahiṣāsurasaṁhartrī gajāsuravimardanaḥ || 6 ||
mahābalācalāvāsā mahākailāsavāsabhūḥ |
bhadrakālī vīrabhadrō mīnākṣī sundarēśvaraḥ || 7 ||
bhaṇḍāsurādisaṁhartrī duṣṭāndhakavimardanaḥ |
madhukaiṭabhasaṁhartrī madhurāpuranāyakaḥ || 8 ||
kālatrayasvarūpāḍhyā kāryatrayavidhāyakaḥ |
girijātā girīśaśca vaiṣṇavī viṣṇuvallabhaḥ || 9 ||
viśālākṣī viśvanādhaḥ puṣpāstrā viṣṇumārgaṇaḥ |
kausumbhavasanōpētā vyāghracarmāmbarāvr̥taḥ || 10 ||
mūlaprakr̥tirūpāḍhyā parabrahmasvarūpavān |
ruṇḍamālāvibhūṣāḍhyā lasadrudrākṣamālikaḥ || 11 ||
manōrūpēkṣukōdaṇḍā mahāmērudhanurdharaḥ |
candracūḍā candramaulirmahāmāyā mahēśvaraḥ || 12 ||
mahākālī mahākālō divyarūpā digambaraḥ |
bindupīṭhasukhāsīnā śrīmadōṅkārapīṭhagaḥ || 13 ||
haridrākuṅkumāliptā bhasmōddhūlitavigrahaḥ |
mahāpadmāṭavīlōlā mahābilvāṭavīpriyaḥ || 14 ||
sudhāmayī viṣadharō mātaṅgī mukuṭēśvaraḥ |
vēdavēdyā vēdavājī cakrēśī viṣṇucakradaḥ || 15 ||
jaganmayī jagadrūpō mr̥ḍāṇī mr̥tyunāśanaḥ |
rāmārcitapadāmbhōjā kr̥ṣṇaputravarapradaḥ || 16 ||
ramāvāṇīsusaṁsēvyā viṣṇubrahmasusēvitaḥ |
sūryacandrāgninayanā tējastrayavilōcanaḥ || 17 ||
cidagnikuṇḍasambhūtā mahāliṅgasamudbhavaḥ |
kambukaṇṭhī kālakaṇṭhō vajrēśī vajripūjitaḥ || 18 ||
trikaṇṭakī tribhaṅgīśō bhasmarakṣā smarāntakaḥ |
hayagrīvavarōddhātrī mārkaṇḍēyavarapradaḥ || 19 ||
cintāmaṇigr̥hāvāsā mandarācalamandiraḥ |
vindhyācalakr̥tāvāsā vindhyaśailāryapūjitaḥ || 20 ||
manōnmanī liṅgarūpō jagadambā jagatpitā |
yōganidrā yōgagamyō bhavānī bhavamūrtimān || 21 ||
śrīcakrātmarathārūḍhā dharaṇīdharasaṁsthitaḥ |
śrīvidyā vēdyamahimā nigamāgamasaṁśrayaḥ || 22 ||
daśaśīrṣasamāyuktā pañcaviṁśatiśīrṣavān |
aṣṭādaśabhujāyuktā pañcāśatkaramaṇḍitaḥ || 23 ||
brāhmyādimātr̥kārūpā śatāṣṭēkādaśātmavān |
sthirā sthāṇustathā bālā sadyōjāta umā mr̥ḍaḥ || 24 ||
śivā śivaśca rudrāṇī rudraścaivēśvarīśvaraḥ |
kadambakānanāvāsā dārukāraṇyalōlupaḥ || 25 ||
navākṣarīmanustutyā pañcākṣaramanupriyaḥ |
navāvaraṇasampūjyā pañcāyatanapūjitaḥ || 26 ||
dēhasthaṣaṭcakradēvī daharākāśamadhyagaḥ |
yōginīgaṇasaṁsēvyā bhr̥ṅgyādipramathāvr̥taḥ || 27 ||
ugratārā ghōrarūpaḥ śarvāṇī śarvamūrtimān |
nāgavēṇī nāgabhūṣō mantriṇī mantradaivataḥ || 28 ||
jvalajjihvā jvalannētrō daṇḍanāthā dr̥gāyudhaḥ |
pārthāñjanāstrasandhātrī pārthapāśupatāstradaḥ || 29 ||
puṣpavaccakratāṭaṅkā phaṇirājasukuṇḍalaḥ |
bāṇaputrīvarōddhātrī bāṇāsuravarapradaḥ || 30 ||
vyālakañcukasaṁvītā vyālayajñōpavītavān |
navalāvaṇyarūpāḍhyā navayauvanavigrahaḥ || 31 ||
nāṭyapriyā nāṭyamūrtistrisandhyā tripurāntakaḥ |
tantrōpacārasuprītā tantrādimavidhāyakaḥ || 32 ||
navavallīṣṭavaradā navavīrasujanmabhūḥ |
bhramarajyā vāsukijyō bhēruṇḍā bhīmapūjitaḥ || 33 ||
niśumbhaśumbhadamanī nīcāpasmāramardanaḥ |
sahasrārāmbujārūḍhā sahasrakamalārcitaḥ || 34 ||
gaṅgāsahōdarī gaṅgādharō gaurī trayambakaḥ |
śrīśailabhramarāmbākhyā mallikārjunapūjitaḥ || 35 ||
bhavatāpapraśamanī bhavarōganivārakaḥ |
candramaṇḍalamadhyasthā munimānasahaṁsakaḥ || 36 ||
pratyaṅgirā prasannātmā kāmēśī kāmarūpavān |
svayamprabhā svaprakāśaḥ kālarātrī kr̥tāntahr̥t || 37 ||
sadānnapūrṇā bhikṣāṭō vanadurgā vasupradaḥ |
sarvacaitanyarūpāḍhyā saccidānandavigrahaḥ || 38 ||
sarvamaṅgalarūpāḍhyā sarvakalyāṇadāyakaḥ |
rājarājēśvarī śrīmadrājarājapriyaṅkaraḥ || 39 ||
ardhanārīśvarasyēdaṁ nāmnāmaṣṭōttaraṁ śatam |
paṭhannarcan sadā bhaktyā sarvasāmrājyamāpnuyāt || 40 ||
iti śrīskāndamahāpurāṇē ardhanārīśvarāṣṭōttaraśatanāma stōtram |
Found a Mistake or Error? Report it Now
