|| Bilva Ashttotara Shatanama Stotram ||
tridalaṁ triguṇākāraṁ trinētraṁ ca triyāyudham |
trijanma pāpasaṁhāraṁ ēkabilvaṁ śivārpaṇam || 1 ||
triśākhaiḥ bilvapatraiśca acchidraiḥ kōmalaiḥ śubhaiḥ |
tava pūjāṁ kariṣyāmi ēkabilvaṁ śivārpaṇam || 2 ||
sarvatrailōkyakartāraṁ sarvatrailōkyapālanam |
sarvatrailōkyahartāraṁ ēkabilvaṁ śivārpaṇam || 3 ||
nāgādhirājavalayaṁ nāgahārēṇa bhūṣitam |
nāgakuṇḍalasamyuktaṁ ēkabilvaṁ śivārpaṇam || 4 ||
akṣamālādharaṁ rudraṁ pārvatīpriyavallabham |
candraśēkharamīśānaṁ ēkabilvaṁ śivārpaṇam || 5 ||
trilōcanaṁ daśabhujaṁ durgādēhārdhadhāriṇam |
vibhūtyabhyarcitaṁ dēvaṁ ēkabilvaṁ śivārpaṇam || 6 ||
triśūladhāriṇaṁ dēvaṁ nāgābharaṇasundaram |
candraśēkharamīśānaṁ ēkabilvaṁ śivārpaṇam || 7 ||
gaṅgādharāmbikānāthaṁ phaṇikuṇḍalamaṇḍitam |
kālakālaṁ girīśaṁ ca ēkabilvaṁ śivārpaṇam || 8 ||
śuddhasphaṭika saṅkāśaṁ śitikaṇṭhaṁ kr̥pānidhim |
sarvēśvaraṁ sadāśāntaṁ ēkabilvaṁ śivārpaṇam || 9 ||
saccidānandarūpaṁ ca parānandamayaṁ śivam |
vāgīśvaraṁ cidākāśaṁ ēkabilvaṁ śivārpaṇam || 10 ||
śipiviṣṭaṁ sahasrākṣaṁ kailāsācalavāsinam |
hiraṇyabāhuṁ sēnānyaṁ ēkabilvaṁ śivārpaṇam || 11 ||
aruṇaṁ vāmanaṁ tāraṁ vāstavyaṁ caiva vāstavam |
jyēṣṭaṁ kaniṣṭhaṁ gaurīśaṁ ēkabilvaṁ śivārpaṇam || 12 ||
harikēśaṁ sanandīśaṁ uccairghōṣaṁ sanātanam |
aghōrarūpakaṁ kumbhaṁ ēkabilvaṁ śivārpaṇam || 13 ||
pūrvajāvarajaṁ yāmyaṁ sūkṣmaṁ taskaranāyakam |
nīlakaṇṭhaṁ jaghanyaṁ ca ēkabilvaṁ śivārpaṇam || 14 ||
surāśrayaṁ viṣaharaṁ varmiṇaṁ ca varūdhinam
mahāsēnaṁ mahāvīraṁ ēkabilvaṁ śivārpaṇam || 15 ||
kumāraṁ kuśalaṁ kūpyaṁ vadānyaṁ ca mahāratham |
tauryātauryaṁ ca dēvyaṁ ca ēkabilvaṁ śivārpaṇam || 16 ||
daśakarṇaṁ lalāṭākṣaṁ pañcavaktraṁ sadāśivam |
aśēṣapāpasaṁhāraṁ ēkabilvaṁ śivārpaṇam || 17 ||
nīlakaṇṭhaṁ jagadvandyaṁ dīnanāthaṁ mahēśvaram |
mahāpāpasaṁhāraṁ ēkabilvaṁ śivārpaṇam || 18 ||
cūḍāmaṇīkr̥tavibhuṁ valayīkr̥tavāsukim |
kailāsavāsinaṁ bhīmaṁ ēkabilvaṁ śivārpaṇam || 19 ||
karpūrakundadhavalaṁ narakārṇavatārakam |
karuṇāmr̥tasindhuṁ ca ēkabilvaṁ śivārpaṇam || 20 ||
mahādēvaṁ mahātmānaṁ bhujaṅgādhipakaṅkaṇam |
mahāpāpaharaṁ dēvaṁ ēkabilvaṁ śivārpaṇam || 21 ||
bhūtēśaṁ khaṇḍaparaśuṁ vāmadēvaṁ pinākinam |
vāmē śaktidharaṁ śrēṣṭhaṁ ēkabilvaṁ śivārpaṇam || 22 ||
phālēkṣaṇaṁ virūpākṣaṁ śrīkaṇṭhaṁ bhaktavatsalam |
nīlalōhitakhaṭvāṅgaṁ ēkabilvaṁ śivārpaṇam || 23 ||
kailāsavāsinaṁ bhīmaṁ kaṭhōraṁ tripurāntakam |
vr̥ṣāṅkaṁ vr̥ṣabhārūḍhaṁ ēkabilvaṁ śivārpaṇam || 24 ||
sāmapriyaṁ sarvamayaṁ bhasmōddhūlitavigraham |
mr̥tyuñjayaṁ lōkanāthaṁ ēkabilvaṁ śivārpaṇam || 25 ||
dāridryaduḥkhaharaṇaṁ ravicandrānalēkṣaṇam |
mr̥gapāṇiṁ candramauliṁ ēkabilvaṁ śivārpaṇam || 26 ||
sarvalōkabhayākāraṁ sarvalōkaikasākṣiṇam |
nirmalaṁ nirguṇākāraṁ ēkabilvaṁ śivārpaṇam || 27 ||
sarvatattvātmakaṁ sāmbaṁ sarvatattvavidūrakam |
sarvatattvasvarūpaṁ ca ēkabilvaṁ śivārpaṇam || 28 ||
sarvalōkaguruṁ sthāṇuṁ sarvalōkavarapradam |
sarvalōkaikanētraṁ ca ēkabilvaṁ śivārpaṇam || 29 ||
manmathōddharaṇaṁ śaivaṁ bhavabhargaṁ parātmakam |
kamalāpriyapūjyaṁ ca ēkabilvaṁ śivārpaṇam || 30 ||
tējōmayaṁ mahābhīmaṁ umēśaṁ bhasmalēpanam |
bhavarōgavināśaṁ ca ēkabilvaṁ śivārpaṇam || 31 ||
svargāpavargaphaladaṁ raghunāthavarapradam |
nagarājasutākāntaṁ ēkabilvaṁ śivārpaṇam || 32 ||
mañjīrapādayugalaṁ śubhalakṣaṇalakṣitam |
phaṇirājavirājaṁ ca ēkabilvaṁ śivārpaṇam || 33 ||
nirāmayaṁ nirādhāraṁ nissaṅgaṁ niṣprapañcakam |
tējōrūpaṁ mahāraudraṁ ēkabilvaṁ śivārpaṇam || 34 ||
sarvalōkaikapitaraṁ sarvalōkaikamātaram |
sarvalōkaikanāthaṁ ca ēkabilvaṁ śivārpaṇam || 35 ||
citrāmbaraṁ nirābhāsaṁ vr̥ṣabhēśvaravāhanam |
nīlagrīvaṁ caturvaktraṁ ēkabilvaṁ śivārpaṇam || 36 ||
ratnakañcukaratnēśaṁ ratnakuṇḍalamaṇḍitam |
navaratnakirīṭaṁ ca ēkabilvaṁ śivārpaṇam || 37 ||
divyaratnāṅgulīsvarṇaṁ kaṇṭhābharaṇabhūṣitam |
nānāratnamaṇimayaṁ ēkabilvaṁ śivārpaṇam || 38 ||
ratnāṅgulīyavilasatkaraśākhānakhaprabham |
bhaktamānasagēhaṁ ca ēkabilvaṁ śivārpaṇam || 39 ||
vāmāṅgabhāgavilasadambikāvīkṣaṇapriyam |
puṇḍarīkanibhākṣaṁ ca ēkabilvaṁ śivārpaṇam || 40 ||
sampūrṇakāmadaṁ saukhyaṁ bhaktēṣṭaphalakāraṇam |
saubhāgyadaṁ hitakaraṁ ēkabilvaṁ śivārpaṇam || 41 ||
nānāśāstraguṇōpētaṁ sphuranmaṅgala vigraham |
vidyāvibhēdarahitaṁ ēkabilvaṁ śivārpaṇam || 42 ||
apramēyaguṇādhāraṁ vēdakr̥drūpavigraham |
dharmādharmapravr̥ttaṁ ca ēkabilvaṁ śivārpaṇam || 43 ||
gaurīvilāsasadanaṁ jīvajīvapitāmaham |
kalpāntabhairavaṁ śubhraṁ ēkabilvaṁ śivārpaṇam || 44 ||
sukhadaṁ sukhanāśaṁ ca duḥkhadaṁ duḥkhanāśanam |
duḥkhāvatāraṁ bhadraṁ ca ēkabilvaṁ śivārpaṇam || 45 ||
sukharūpaṁ rūpanāśaṁ sarvadharmaphalapradam |
atīndriyaṁ mahāmāyaṁ ēkabilvaṁ śivārpaṇam || 46 ||
sarvapakṣimr̥gākāraṁ sarvapakṣimr̥gādhipam |
sarvapakṣimr̥gādhāraṁ ēkabilvaṁ śivārpaṇam || 47 ||
jīvādhyakṣaṁ jīvavandyaṁ jīvaṁ jīvanarakṣakam |
jīvakr̥jjīvaharaṇaṁ ēkabilvaṁ śivārpaṇam || 48 ||
viśvātmānaṁ viśvavandyaṁ vajrātmā vajrahastakam |
vajrēśaṁ vajrabhūṣaṁ ca ēkabilvaṁ śivārpaṇam || 49 ||
gaṇādhipaṁ gaṇādhyakṣaṁ pralayānalanāśakam |
jitēndriyaṁ vīrabhadraṁ ēkabilvaṁ śivārpaṇam || 50 ||
tryambakaṁ mr̥ḍaṁ śūraṁ ariṣaḍvarganāśakam |
digambaraṁ kṣōbhanāśaṁ ēkabilvaṁ śivārpaṇam || 51 ||
kundēnduśaṅkhadhavalaṁ bhaganētrabhidujjvalam |
kālāgnirudraṁ sarvajñaṁ ēkabilvaṁ śivārpaṇam || 52 ||
kambugrīvaṁ kambukaṇṭhaṁ dhairyadaṁ dhairyavardhakam |
śārdūlacarmavasanaṁ ēkabilvaṁ śivārpaṇam || 53 ||
jagadutpattihētuṁ ca jagatpralayakāraṇam |
pūrṇānandasvarūpaṁ ca ēkabilvaṁ śivārpaṇam || 54 ||
sargakēśaṁ mahattējaṁ puṇyaśravaṇakīrtanam |
brahmāṇḍanāyakaṁ tāraṁ ēkabilvaṁ śivārpaṇam || 55 ||
mandāramūlanilayaṁ mandārakusumapriyam |
br̥ndārakapriyataraṁ ēkabilvaṁ śivārpaṇam || 56 ||
mahēndriyaṁ mahābāhuṁ viśvāsaparipūrakam |
sulabhāsulabhaṁ labhyaṁ ēkabilvaṁ śivārpaṇam || 57 ||
bījādhāraṁ bījarūpaṁ nirbījaṁ bījavr̥ddhidam |
parēśaṁ bījanāśaṁ ca ēkabilvaṁ śivārpaṇam || 58 ||
yugākāraṁ yugādhīśaṁ yugakr̥dyuganāśakam |
parēśaṁ bījanāśaṁ ca ēkabilvaṁ śivārpaṇam || 59 ||
dhūrjaṭiṁ piṅgalajaṭaṁ jaṭāmaṇḍalamaṇḍitam |
karpūragauraṁ gaurīśaṁ ēkabilvaṁ śivārpaṇam || 60 ||
surāvāsaṁ janāvāsaṁ yōgīśaṁ yōgipuṅgavam |
yōgadaṁ yōgināṁ siṁhaṁ ēkabilvaṁ śivārpaṇam || 61 ||
uttamānuttamaṁ tattvaṁ andhakāsurasūdanam |
bhaktakalpadrumastōmaṁ ēkabilvaṁ śivārpaṇam || 62 ||
vicitramālyavasanaṁ divyacandanacarcitam |
viṣṇubrahmādi vandyaṁ ca ēkabilvaṁ śivārpaṇam || 63 ||
kumāraṁ pitaraṁ dēvaṁ śritacandrakalānidhim |
brahmaśatruṁ jaganmitraṁ ēkabilvaṁ śivārpaṇam || 64 ||
lāvaṇyamadhurākāraṁ karuṇārasavāradhim |
bhruvōrmadhyē sahasrārciṁ ēkabilvaṁ śivārpaṇam || 65 ||
jaṭādharaṁ pāvakākṣaṁ vr̥kṣēśaṁ bhūmināyakam |
kāmadaṁ sarvadāgamyaṁ ēkabilvaṁ śivārpaṇam || 66 ||
śivaṁ śāntaṁ umānāthaṁ mahādhyānaparāyaṇam |
jñānapradaṁ kr̥ttivāsaṁ ēkabilvaṁ śivārpaṇam || 67 ||
vāsukyuragahāraṁ ca lōkānugrahakāraṇam |
jñānapradaṁ kr̥ttivāsaṁ ēkabilvaṁ śivārpaṇam || 68 ||
śaśāṅkadhāriṇaṁ bhargaṁ sarvalōkaikaśaṅkaram |
śuddhaṁ ca śāśvataṁ nityaṁ ēkabilvaṁ śivārpaṇam || 69 ||
śaraṇāgatadīnārtaparitrāṇaparāyaṇam |
gambhīraṁ ca vaṣaṭkāraṁ ēkabilvaṁ śivārpaṇam || 70 ||
bhōktāraṁ bhōjanaṁ bhōjyaṁ jētāraṁ jitamānasam |
karaṇaṁ kāraṇaṁ jiṣṇuṁ ēkabilvaṁ śivārpaṇam || 71 ||
kṣētrajñaṁ kṣētrapālaṁ ca parārdhaikaprayōjanam |
vyōmakēśaṁ bhīmavēṣaṁ ēkabilvaṁ śivārpaṇam || 72 ||
bhavaghnaṁ taruṇōpētaṁ kṣōdiṣṭaṁ yamanāśakam |
hiraṇyagarbhaṁ hēmāṅgaṁ ēkabilvaṁ śivārpaṇam || 73 ||
dakṣaṁ cāmuṇḍajanakaṁ mōkṣadaṁ mōkṣakāraṇaṁ |
hiraṇyadaṁ hēmarūpaṁ ēkabilvaṁ śivārpaṇam || 74 ||
mahāśmaśānanilayaṁ pracchannasphaṭikaprabham |
vēdāsyaṁ vēdarūpaṁ ca ēkabilvaṁ śivārpaṇam || 75 ||
sthiraṁ dharmaṁ umānāthaṁ brahmaṇyaṁ cāśrayaṁ vibhum |
jagannivāsaṁ prathamaṁ ēkabilvaṁ śivārpaṇam || 76 ||
rudrākṣamālābharaṇaṁ rudrākṣapriyavatsalam |
rudrākṣabhaktasaṁstōmaṁ ēkabilvaṁ śivārpaṇam || 77 ||
phaṇīndravilasatkaṇṭhaṁ bhujaṅgābharaṇapriyam |
dakṣādhvaravināśaṁ ca ēkabilvaṁ śivārpaṇam || 78 ||
nāgēndravilasatkarṇaṁ mahīndravalayāvr̥tam |
munivandyaṁ muniśrēṣṭhaṁ ēkabilvaṁ śivārpaṇam || 79 ||
mr̥gēndracarmavasanaṁ munīnāmēkajīvanam |
sarvadēvādipūjyaṁ ca ēkabilvaṁ śivārpaṇam || 80 ||
nidhanēśaṁ dhanādhīśaṁ apamr̥tyuvināśanam |
liṅgamūrtimaliṅgātmaṁ ēkabilvaṁ śivārpaṇam || 81 ||
bhaktakalyāṇadaṁ vyastaṁ vēdavēdāntasaṁstutam |
kalpakr̥tkalpanāśaṁ ca ēkabilvaṁ śivārpaṇam || 82 ||
ghōrapātakadāvāgniṁ janmakarmavivarjitam |
kapālamālābharaṇaṁ ēkabilvaṁ śivārpaṇam || 83 ||
mātaṅgacarmavasanaṁ virāḍrūpavidārakam |
viṣṇukrāntamanantaṁ ca ēkabilvaṁ śivārpaṇam || 84 ||
yajñakarmaphalādhyakṣaṁ yajñavighnavināśakam |
yajñēśaṁ yajñabhōktāraṁ ēkabilvaṁ śivārpaṇam || 85 ||
kālādhīśaṁ trikālajñaṁ duṣṭanigrahakārakam |
yōgimānasapūjyaṁ ca ēkabilvaṁ śivārpaṇam || 86 ||
mahōnnatamahākāyaṁ mahōdaramahābhujam |
mahāvaktraṁ mahāvr̥ddhaṁ ēkabilvaṁ śivārpaṇam || 87 ||
sunētraṁ sulalāṭaṁ ca sarvabhīmaparākramam |
mahēśvaraṁ śivataraṁ ēkabilvaṁ śivārpaṇam || 88 ||
samastajagadādhāraṁ samastaguṇasāgaram |
satyaṁ satyaguṇōpētaṁ ēkabilvaṁ śivārpaṇam || 89 ||
māghakr̥ṣṇacaturdaśyāṁ pūjārthaṁ ca jagadgurōḥ |
durlabhaṁ sarvadēvānāṁ ēkabilvaṁ śivārpaṇam || 90 ||
tatrāpi durlabhaṁ manyēt nabhōmāsēnduvāsarē |
pradōṣakālē pūjāyāṁ ēkabilvaṁ śivārpaṇam || 91 ||
taṭākaṁ dhananikṣēpaṁ brahmasthāpyaṁ śivālayam |
kōṭikanyāmahādānaṁ ēkabilvaṁ śivārpaṇam || 92 ||
darśanaṁ bilvavr̥kṣasya sparśanaṁ pāpanāśanam |
aghōrapāpasaṁhāraṁ ēkabilvaṁ śivārpaṇam || 93 ||
tulasī bilva nirguṇḍī jambīrāmalakaṁ tathā |
pañcabilvamiti khyātaṁ ēkabilvaṁ śivārpaṇam || 94 ||
akhaṇḍabilvapatraiśca pūjayēnnandikēśvaram |
mucyatē sarvapāpēbhyaḥ ēkabilvaṁ śivārpaṇam || 95 ||
sālaṅkr̥tā śatāvr̥ttā kanyākōṭisahasrakam |
sāmrājyapr̥thvīdānaṁ ca ēkabilvaṁ śivārpaṇam || 96 ||
dantyaśvakōṭidānāni aśvamēdhasahasrakam |
savatsadhēnudānāni ēkabilvaṁ śivārpaṇam || 97 ||
caturvēdasahasrāṇi bhāratādipurāṇakam |
sāmrājyapr̥thvīdānaṁ ca ēkabilvaṁ śivārpaṇam || 98 ||
sarvaratnamayaṁ mēruṁ kāñcanaṁ divyavastrakam |
tulābhāgaṁ śatāvartaṁ ēkabilvaṁ śivārpaṇam || 99 ||
aṣṭōttaraśśataṁ bilvaṁ yō:’rcayēlliṅgamastakē |
atharvōktaṁ vadēdyastu ēkabilvaṁ śivārpaṇam || 100 ||
kāśīkṣētranivāsaṁ ca kālabhairavadarśanam |
aghōrapāpasaṁhāraṁ ēkabilvaṁ śivārpaṇam || 101 ||
aṣṭōttaraśataślōkaiḥ stōtrādyaiḥ pūjayēdyathā |
trisandhyaṁ mōkṣamāpnōti ēkabilvaṁ śivārpaṇam || 102 ||
dantikōṭisahasrāṇāṁ bhūḥ hiraṇyasahasrakam |
sarvakratumayaṁ puṇyaṁ ēkabilvaṁ śivārpaṇam || 103 ||
putrapautrādikaṁ bhōgaṁ bhuktvā cātra yathēpsitam |
antē ca śivasāyujyaṁ ēkabilvaṁ śivārpaṇam || 104 ||
viprakōṭisahasrāṇāṁ vittadānāśca yatphalam |
tatphalaṁ prāpnuyātsatyaṁ ēkabilvaṁ śivārpaṇam || 105 ||
tvannāmakīrtanaṁ tattvaṁ tavapādāmbu yaḥ pibēt |
jīvanmuktōbhavēnnityaṁ ēkabilvaṁ śivārpaṇam || 106 ||
anēkadānaphaladaṁ anantasukr̥tādikam |
tīrthayātrākhilaṁ puṇyaṁ ēkabilvaṁ śivārpaṇam || 107 ||
tvaṁ māṁ pālaya sarvatra padadhyānakr̥taṁ tava |
bhavanaṁ śāṅkaraṁ nityaṁ ēkabilvaṁ śivārpaṇam || 108 ||
umayāsahitaṁ dēvaṁ savāhanagaṇaṁ śivam |
bhasmānuliptasarvāṅgaṁ ēkabilvaṁ śivārpaṇam || 109 ||
sālagrāmasahasrāṇi viprāṇāṁ śatakōṭikam |
yajñakōṭisahasrāṇi ēkabilvaṁ śivārpaṇam || 110 ||
ajñānēna kr̥taṁ pāpaṁ jñānēnāpi kr̥taṁ ca yat |
tatsarvaṁ nāśamāyātu ēkabilvaṁ śivārpaṇam || 111 ||
ēkaikabilvapatrēṇa kōṭiyajñaphalaṁ bhavēt |
mahādēvasya pūjārthaṁ ēkabilvaṁ śivārpaṇam || 112 ||
amr̥tōdbhavavr̥kṣasya mahādēvapriyasya ca |
mucyantē kaṇṭakāghātāt kaṇṭakēbhyō hi mānavāḥ || 113 ||
ēkakālē paṭhēnnityaṁ sarvaśatrunivāraṇam |
dvikālē ca paṭhēnnityaṁ manōrathaphalapradam |
trikālē ca paṭhēnnityaṁ āyurvardhyō dhanapradam |
acirātkāryasiddhiṁ ca labhatē nātra saṁśayaḥ || 114 ||
ēkakālaṁ dvikālaṁ vā trikālaṁ yaḥ paṭhēnnaraḥ |
lakṣmīprāptiśśivāvāsaḥ śivēna saha mōdatē || 115 ||
kōṭijanmakr̥taṁ pāpaṁ arcanēna vinaśyati |
saptajanmakr̥taṁ pāpaṁ śravaṇēna vinaśyati |
janmāntarakr̥taṁ pāpaṁ paṭhanēna vinaśyati |
divārātrakr̥taṁ pāpaṁ darśanēna vinaśyati |
kṣaṇēkṣaṇēkr̥taṁ pāpaṁ smaraṇēna vinaśyati |
pustakaṁ dhārayēddēhī ārōgyaṁ bhayanāśanam || 116 ||
yēmāmananya śaraṇāssatataṁ varēṇyaṁ |
sampūjayanti navakōmala bilvapatraiḥ |
tē nirguṇā:’pi guṇāṁ budhayō bhavanti |
vindanti bhaktimanubhukta samasta bhōgāḥ ||
iti bilvāṣṭōttaraśatanāmastōtraṁ sampūrṇam ||
Found a Mistake or Error? Report it Now
