|| ஶ்ரீ துலஜா ப⁴வாநீ ஸ்தோத்ரம் ||
நமோ(அ)ஸ்து தே மஹாதே³வி ஶிவே கல்யாணி ஶாம்ப⁴வி ।
ப்ரஸீத³ வேத³விநுதே ஜக³த³ம்ப³ நமோ(அ)ஸ்து தே ॥ 1 ॥
ஜக³தாமாதி³பூ⁴தா த்வம் ஜக³த்த்வம் ஜக³தா³ஶ்ரயா ।
ஏகா(அ)ப்யநேகரூபாஸி ஜக³த³ம்ப³ நமோ(அ)ஸ்து தே ॥ 2 ॥
ஸ்ருஷ்டிஸ்தி²திவிநாஶாநாம் ஹேதுபூ⁴தே முநிஸ்துதே ।
ப்ரஸீத³ தே³வவிநுதே ஜக³த³ம்ப³ நமோ(அ)ஸ்து தே ॥ 3 ॥
ஸர்வேஶ்வரி நமஸ்துப்⁴யம் ஸர்வஸௌபா⁴க்³யதா³யிநி ।
ஸர்வஶக்தியுதே(அ)நந்தே ஜக³த³ம்ப³ நமோ(அ)ஸ்து தே ॥ 4 ॥
விவிதா⁴ரிஷ்டஶமநி த்ரிவிதோ⁴த்பாதநாஶிநி ।
ப்ரஸீத³ தே³வி லலிதே ஜக³த³ம்ப³ நமோ(அ)ஸ்து தே ॥ 5 ॥
ப்ரஸீத³ கருணாஸிந்தோ⁴ த்வத்த꞉ காருணிகா பரா ।
யதோ நாஸ்தி மஹாதே³வி ஜக³த³ம்ப³ நமோ(அ)ஸ்து தே ॥ 6 ॥
ஶத்ரூன் ஜஹி ஜயம் தே³ஹி ஸர்வாந்காமாம்ஶ்ச தே³ஹி மே ।
ப⁴யம் நாஶய ரோகா³ம்ஶ்ச ஜக³த³ம்ப³ நமோ(அ)ஸ்து தே ॥ 7 ॥
ஜக³த³ம்ப³ நமோ(அ)ஸ்து தே ஹிதே
ஜய ஶம்போ⁴ர்த³யிதே மஹாமதே ।
குலதே³வி நமோ(அ)ஸ்து தே ஸதா³
ஹ்ருதி³ மே திஷ்ட² யதோ(அ)ஸி ஸர்வதா³ ॥ 8 ॥
துலஜாபுரவாஸிந்யா தே³வ்யா꞉ ஸ்தோத்ரமித³ம் பரம் ।
ய꞉ படே²த்ப்ரயதோ ப⁴க்த்யா ஸர்வாந்காமாந்ஸ ஆப்நுயாத் ॥ 9 ॥
இதி ஶ்ரீமத்பரமஹம்ஸ பரிவ்ராஜகாசார்ய ஶ்ரீவாஸுதே³வாநந்த³ஸரஸ்வதீ விரசிதம் ஶ்ரீதுலஜாபுரவாஸிந்யா தே³வ்யா꞉ ஸ்தோத்ரம் ஸம்பூர்ணம் ।
Found a Mistake or Error? Report it Now
