अनन्तकृतं श्रीकृष्णस्तोत्रम् PDF संस्कृत

अनन्तकृतं श्रीकृष्णस्तोत्रम् संस्कृत Lyrics

|| अनन्तकृतं श्रीकृष्णस्तोत्रम् ||

अनन्त उवाच ।
त्वमनन्तो हि भगवन्नाहमेव कलांशकः ।
विश्वैकस्थे क्षुद्रकूर्मे मशकोऽहं गजे यथा ॥ २४॥

असङ्ख्यशेषाः कूर्माश्च ब्रह्मविष्णुशिवात्मकाः ।
असङ्ख्यानि च विश्वानि तेषामीशः स्वयं भवान् ॥ २५॥

अस्माकमीदृशं नाथ सुदिनं क्व भविष्यति ।
स्वप्नादृष्टश्च यश्चेशः स दृष्टः सर्वजीविनाम् ॥ २६॥

नाथ प्रयासि गोलोकं पूतां कृत्वा वसुन्धराम् ।
तामनाथां रुदन्तीं च निमग्नां शोकसागरे ॥ २७॥

इति ब्रह्मवैवर्तपुराणे श्रीकृष्णजन्मखण्डे पूर्वभागे
एकोनत्रिंशाधिकशततमाध्यायान्तर्गतं अनन्तकृतं
श्रीकृष्णस्तोत्रं समाप्तम् ।