|| అష్టాదశ శక్తిపీఠ స్తోత్రం ||
లంకాయాం శాంకరీదేవీ కామాక్షీ కాంచికాపురే
ప్రద్యుమ్నే శృంఖళాదేవీ చాముండీ క్రౌంచపట్టణే || ౧ ||
అలంపురే జోగులాంబా శ్రీశైలే భ్రమరాంబికా |
కొల్హాపురే మహాలక్ష్మీ ముహుర్యే ఏకవీరికా || ౨ || [మాహుర్యే]
ఉజ్జయిన్యాం మహాకాళీ పీఠిక్యాం పురుహూతికా |
ఓఢ్యాయాం గిరిజాదేవీ మాణిక్యా దక్షవాటకే || ౩ ||
హరిక్షేత్రే కామరూపా ప్రయాగే మాధవేశ్వరీ |
జ్వాలాయాం వైష్ణవీదేవీ గయా మాంగళ్యగౌరికా || ౪ ||
వారాణస్యాం విశాలాక్షీ కాశ్మీరేషు సరస్వతీ |
అష్టాదశ సుపీఠాని యోగినామపి దుర్లభమ్ || ౫ ||
సాయంకాలే పఠేన్నిత్యం సర్వశత్రువినాశనమ్ |
సర్వరోగహరం దివ్యం సర్వసంపత్కరం శుభమ్ || ౬ ||
ఇతి అష్టాదశ శక్తిపీఠ స్తోత్రమ్ |
Found a Mistake or Error? Report it Now
