Asitha Krutha Shiva Stotram PDF English

Asitha Krutha Shiva Stotram English Lyrics

|| Asitha Krutha Shiva Stotram ||

asita uvāca
jagadgurō namastubhyaṁ śivāya śivadāya ca |
yōgīndrāṇāṁ ca yōgīndra gurūṇāṁ guravē namaḥ || 1 ||

mr̥tyōrmr̥tyusvarūpēṇa mr̥tyusaṁsārakhaṇḍana |
mr̥tyōrīśa mr̥tyubīja mr̥tyuñjaya namō:’stu tē || 2 ||

kālarūpaḥ kalayatāṁ kālakālēśa kāraṇa |
kālādatīta kālastha kālakāla namō:’stu tē || 3 ||

guṇātīta guṇādhāra guṇabīja guṇātmaka |
guṇīśa guṇināṁ bīja guṇināṁ guravē namaḥ || 4 ||

brahmasvarūpa brahmajña brahmabhāvanatatparaḥ |
brahmabījasvarūpēṇa brahmabīja namō:’stu tē || 5 ||

iti stutvā śivaṁ natvā purastasthau munīśvaraḥ |
dīnavatsā:’śrunētraśca pulakāñcitavigrahaḥ || 6 ||

asitēna kr̥taṁ stōtram bhaktiyuktaśca yaḥ paṭhēt |
varṣamēkaṁ haviṣyāśī śaṅkarasya mahātmanaḥ || 7 ||

sa labhēdvaiṣṇavaṁ putraṁ jñāninaṁ cirajīvinam |
bhavēddhanāḍhyō:’duḥkhī ca mūkō bhavati paṇḍitaḥ || 8 ||

abhāryō labhatē bhāryāṁ suśīlāṁ ca pativratām |
iha lōkē sukhaṁ bhuktvā yātyantē śivasannidhim || 9 ||

idaṁ stōtraṁ purā dattaṁ brahmaṇā ca pracētasē |
pracētasā svaputrāyāsitāya dattamuttamam || 10 ||

iti śrībrahmavaivartē mahāpurāṇē śrīkr̥ṣṇajanmakhaṇḍē asitakr̥ta śivastōtram |