ബാല മുകുന്ദ പഞ്ചക സ്തോത്രം

|| ബാല മുകുന്ദ പഞ്ചക സ്തോത്രം ||

അവ്യക്തമിന്ദ്രവരദം വനമാലിനം തം
പുണ്യം മഹാബലവരേണ്യമനാദിമീശം.

ദാമോദരം ജയിനമദ്വയവേദമൂർതിം
ബാലം മുകുന്ദമമരം സതതം നമാമി.

ഗോലോകപുണ്യഭവനേ ച വിരാജമാനം
പീതാംബരം ഹരിമനന്തഗുണാദിനാഥം.

രാധേശമച്യുതപരം നരകാന്തകം തം
ബാലം മുകുന്ദമമരം സതതം നമാമി.

ഗോപീശ്വരം ച ബലഭദ്രകനിഷ്ഠമേകം
സർവാധിപം ച നവനീതവിലേപിതാംഗം.

മായാമയം ച നമനീയമിളാപതിം തം
ബാലം മുകുന്ദമമരം സതതം നമാമി.

പങ്കേരുഹപ്രണയനം പരമാർഥതത്ത്വം
യജ്ഞേശ്വരം സുമധുരം യമുനാതടസ്ഥം.

മാംഗല്യഭൂതികരണം മഥുരാധിനാഥം
ബാലം മുകുന്ദമമരം സതതം നമാമി.

സംസാരവൈരിണമധോക്ഷജമാദിപൂജ്യം
കാമപ്രദം കമലമാഭമനന്തകീർതിം.

നാരായണം സകലദം ഗരുഡധ്വജം തം
ബാലം മുകുന്ദമമരം സതതം നമാമി.

കൃഷ്ണസ്യ സംസ്തവമിമം സതതം ജപേദ്യഃ
പ്രാപ്നോതി കൃഷ്ണകൃപയാ നിഖിലാർഥഭോഗാൻ.

പുണ്യാപവർഗസകലാൻ സകലാൻ നികാമാൻ
നിഃശേഷകീർതിഗുണഗാനവരാൻ നരഃ സഃ.

Found a Mistake or Error? Report it Now