|| Sri Ahobala Narasimha Stotram ||
lakṣmīkaṭākṣasarasīruharājahaṁsaṁ
pakṣīndraśailabhavanaṁ bhavanāśamīśam |
gōkṣīrasāra ghanasārapaṭīravarṇaṁ
vandē kr̥pānidhimahōbalanārasiṁham || 1 ||
ādyantaśūnyamajamavyayamapramēyaṁ
ādityacandraśikhilōcanamādidēvam |
abjāmukhābjamadalōlupamattabhr̥ṅgaṁ
vandē kr̥pānidhimahōbalanārasiṁham || 2 ||
kōṭīrakōṭighaṭitōjjvalakāntikāntaṁ
kēyūrahāramaṇikuṇḍalamaṇḍitāṅgam |
cūḍāgrarañjitasudhākarapūrṇabimbaṁ
vandē kr̥pānidhimahōbalanārasiṁham || 3 ||
varāhavāmananr̥siṁhasubhāgyamīśaṁ
krīḍāvilōlahr̥dayaṁ vibudhēndravandyam |
haṁsātmakaṁ paramahaṁsamanōvihāraṁ
vandē kr̥pānidhimahōbalanārasiṁham || 4 ||
mandākinījananahētupadāravindaṁ
br̥ndārakālayavinōdanamujjvalāṅgam |
mandārapuṣpatulasīracitāṅghripadmaṁ
vandē kr̥pānidhimahōbalanārasiṁham || 5 ||
tāruṇyakr̥ṣṇatulasīdaladhāmaramyaṁ
dhātrīramābhiramaṇaṁ mahanīyarūpam |
mantrādhirājamathadānavamānabhr̥ṅgaṁ
vandē kr̥pānidhimahōbalanārasiṁham || 6 ||
iti śrī ahōbala nr̥siṁha stōtram ||
Found a Mistake or Error? Report it Now
